Aisaia 10:29 - Nobonob Baibel

²⁹ Appa mewona ag gona, qauko ikki oppoɗu noakppa nona, aab okkai Geba, appa haen tutu dayaknu aab kalaglag. Ag appa niibppeg, danab ah Rama aab okkaippanu ag eheɗ baɗaglag. Baɗappeg, King Saul appag diig Gibeanu danab ah ag ahan, aab uun, ag oolna gokkulag.

Aisaia 10:29 Referans Kwoze

1 Samuel 13:23

Keeke anam dayom amu, Pilistia dilag okkai ag heeg, ahilag daup laa ag gona, ag ib Mikmas guguittak, qauko ikki oppoɗu noakppa ib meidna daaglagnu gona daappig.

1 Samuel 7:17

Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.

1 Samuel 11:4

Jabes ikki danab ag Nahas amegppa anam ana, ag heeg, nai awa ukkak danab ag ahan gona, amunu mattiegeg ukke, ag Gibea, Saul appag diig, ag appa tena mattieg, appan danab ag doon, huan gaappig.

Josua 21:17

Israel dilag huu okkai laa Benyamin ooppan amu, Israel ag mana mettak danab Aron buɗub aab imu ele madappig. Aab amuam, Gibeon, Geba,

Hosea 10:9

Yawe atte. “O Israel danab ah, anukka Gibea appa ag hipunin naunab laa heppig; ag amu heeg uɗie uɗie, gemu ag tuɗidna hipunin henan daatteb. Gibea appa danab eheɗ heeg, Israel laa oh ag ahan, ban heeg, Gibea aɗi ag iite nauhppig? ⌊Amu Israel danab ah ag gemu eheɗ henan daatteb amu, ag ele bu iite aoglag?⌋

Hosea 9:9

Am dahilad danab ah ag kobol diig ena iitta uɗig wak ele anukka Gibea appa danab ah heppig bia hetteb. Kayak Nug nau hak ahilag ii daug atima. Nug genab, geha ahilag hipuninnu bu madakku.

Hosea 5:8

Kayak atte. “Gibea appa ag trampet iwaleg! Rama danab ag kekeɗ uɗitteb dooglagnu ag trampet appa iwaleg! Betawen appa ag ban haknu ewak heig! O Benyamin danab, ag ban hak amuppa anuqna ukkeg!

Jeremaia 31:15

Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

1 King 15:23

Amu keeke kuɗum laa oh ele King Asa heum, nuhig uɗat ɠagattag ele, aab okkai laala ele kalom amu, kaya amuam ag buk laappa, buk amu onig am, Juda Dilag Kingnu Kaya, ag buk amuppa yaappig daatte. Amge haen Asa nug kaino me amu, oɗe nau laa baegppa beum.

1 Samuel 15:34

Aria, amu dimppa Samuel nug aha, Rama ukke, Saul nug nug laugppa, Gibea appa ukkom.

1 Samuel 14:4

Amu ib qauko ikki oppoɗu noakppa gotte, Jonatan nug ib amu dim lamitta ukka, Pilistia daappigppa gokkunu dabmeum ele amu, aben laappa ib amu heqo laih laih oh bai daapiɗ; bai laih dayom am onig Boses, laih am Sene.

1 Samuel 13:16

Aria Saul, nug bekka Jonatan, amu ahilti daup ele ag Benyamin wanppa, aab onig Gibea, appa daappig; Pilistia danab ag am Mikmas appa haen tutu dayaknu aab kalan daappig.

1 Samuel 13:2

Saul nug Israel danab 3,000, ag nuhig daupnab daaglagnu tituanattom. Nug anam tituanatta, nug he, danab 2,000 ag nug ele aab onig Mikmas appa, amu laih qauko qauko ele, aab onig Betel taliliak, danab 2,000 ag nug ele aben aɗit amuppa daaglagnu aum. Aria, 1,000 laa amu, ag nug bekka Jonatan ele Benyamin wanppa aab onig Gibea, ag appa daaglagnu aum. Saul nug anam awowa, nug danab laa oh ag eɗun, lakka gona daaglagnu a, ag eɗun goppig.

1 Samuel 10:26

Saul ele eɗua, nug laugppa Gibea ukkom. Amu danab laala, ag am danab ɠagattag, Kayak Nug he, ag oolag Saul medappig ele amu, ag Saul ele oh nug ehanidkkulagnu nug laugppa goppig.

1 Samuel 14:2

Amu haen amuppa Saul nug aab onig Gibea, aab amu daugppa, ee aeg mumuɗaknu abenppa, appa dayom. Aben amuppa am ad laa onig pomigranet daye, Saul nug ad amu waappa dayom. Danab, ebqak ahilag am 600 keeke, ag nug ele aben amuppa daappig.

1 Samuel 14:5

Bai laa heqo laih, yawalti uɗitteppanu dayom, amu aab onig Mikmas atu amuppa dayom. Bai laa heqo laih, yau uɗitteppanu dayom, amu aab onig Geba atu amuppa dayom.