Aisaia 10:27 - Nobonob Baibel

²⁷ Haen amuppa Yawe Nug heeb, ag Israel, ag uug laa Asiria ag madatteb ele amu, ag uug amu baula ii maomna. Ag Israel, ag Asirianu uug baula ii maomna.

Aisaia 10:27 Referans Kwoze

Aisaia 9:4

Aɗinu ⌊ag anam gamalag ahakku⌋? Anukka na Midian ebehilag tappae ne, Midian danab ag Israel baula ii gumanna, baula uug laa ii madappig, amubia na kekeɗ ag aɗi keekeppa uug madappig, aɗi keekeppa guittak madappig amu, na keeke amu oh maduduɗna, tabappe nob, kekeɗ ag baula danab ah nahipad eheɗ iinab hattamna. Diig amunu ag anam gamalag ahakku.

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Aisaia 14:25

Da Yawe Dakka Ɠagattag Oh Ele, da geha heppi, Asiria ag uɗin, wan dahilppa daatteb, geha ag eheɗ naunab aoglag. Dahil qaukoppa, da ag tappaladppi nokkulag. Da heppi, geha danab ah dahilad, ag Asiria huu ehanadkkulagnu uɗat ɠagattag, guittak ele iinab hemana. Ao, ag Asiria dilag keeke uug okkai ele baula iinab maomna. Iitta!

Sam 105:15

Nug okkai danab amelagppa aum. “Ag dahilad, da goɗen gokkaɗakppa tituanadmi amu, ag amu dilagppa eheɗ laa aib heppig. Ao, ag dahil propet guittak aib madappig,” awa aum.

1 Jon 2:20

Anam, amge dahilad, ag Kayak Ouɗi aoppig amunu, ag oh aakku keeke doyak diig genabibppanu bette dootteb.

Sam 45:7

Na genab tutukku hak kobolnu oot mauhtte, kobol naunu amu, na nau ninig ele doottem.” Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.

Sam 20:6

⌊Danab ah ag anam unuqitteg, laa nug aum.⌋ “Gemu amu, da imu doottem. Yawe Nug laa king daakkunu goɗen gokkaɗakppa tituanom ele amu, Nug geha king amu padal memanu ehanidkku. Yawe Nug hab aabppanu, hab aab am nuhignu tituanak daatte, Nug appanu kingnu nai doya, nai nob medatta, Nug nug nuhig ɠagattag okkaippa ehanitteb, qagaiettakppa ii daama.

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

2 Samuel 1:21

Gu, baito ele Gilboa wanppan qaukoppa aib neum. Ao, ee aegnu ofanu keeke ele wan amuppa aib ba, meu oum. Aɗinu? Aben amuppa kekeɗ ag heeg, danab okkai, ɠagattag ele, nuhig guppiɗ am dubuttid tak ele dayom. Ao, gemu amu, laa nug Saulnu guppiɗ goɗenppa ii bappaidtte.

Sam 84:9

O Kayak, na ihinig king, nug ig atognoigtte ele amu, na nuhig dabmekkutnu oɗ medattem! Ao, na laa na nug king daakkunu goɗen gokkaɗakppa tituanme ele amu, na ii helom bia me, na ehanittak kobol dim lamidna, nuhigppa hekkutnu unuqidttem.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Sam 132:10

O Yawe, na Dawit, nahip maɗi nid, na nuhignu dabmak anuqak aona, na king, nahipad danab ah dilagnu goɗen gokkaɗakppa tituanme amu, na nug ii uuidmananu oɗ medattem.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Jon 1:41

Amu nug paha ukka, Saimon antta, nug amegppa aum. “I Mesaia aakku anidmuɗ,” awa aum. Mesaia diig am, danab laa Kayak Nug Nug wan imu ohnu okkai daakkunu epeɗiom. Grik naippa Mesaia eɗuak amu Kristus.

Sam 81:6

Kayak Nug atte. “Da ag gukkalagppan uug amu aɗatte aomi. Ao, da hei, ag baula uɗat uug ele, Isip danab ah ag heeg heppig ele, ag amu baula ii heppig.

Aisaia 30:23

⌊Ag amu heppeg,⌋ Yawe Nug heeb, gu nug keeke ag ebappig ele le medakkunu neebeb, ee meu huanak, ittag ele wanppanu aoglag. Haen amuppa ahilag makau ag gikkiɗah dad okkai okkaippa gikkiɗah lanan daaglag.

Aisaia 52:2

Ag Juda danab ah, ag gappudppan aheg! Ag ahan, ag abenlagppanab dayeg! Ao, ag Juda danab ah, laa ag aɗalatte, ag nug eppegppa daatteb ele amu, ag sen ag baalagppa qakkak daatte uhuqna, qakkak iitta oiyeg!

Aisaia 55:2

Aɗinu ag ee, ag ɠagattagnab ii madatte ele, ag amuppa men doɗo heeg iitta mette? Ao, ag aɗinu ee ag beɗulagib ehanidtte ele, ag amuib daden metteb? Ag daulag human daappeg, da ag ee ag meulkad oh ehanidkkunu elele amu, da ag ee amu adeppa aoglagnu appi doyeg!

Esekiel 30:18

Isip danab ah, ag dada kobol henan oitteb, amge deɗ amuppa da heppi, aab Tapanesppa gatatu neeb, Isipnu ɠagattag am iitta mekku. Da heppi, bud Isip wan tonebeb, kekeɗ ag heppeg, danab ah aab naunauppanu ag wan laalappa diia ukka laih me dayak danab ah daaglagnu gokkulag.

Lewitikas 7:35

Doɗ danab ag amuppa Yawenu aab aɗunu ofa hetteb ele amu, amuppanu laih Aron, bekkod ele dilag epeɗiak daatte am aakku. Haen Moses ag Yawenu mana mettak danab daaglagnu diiatta, Yawe gumitta wana, Nug mettom, haen amuppa epeɗiak amunu aakku beum.

Jeremaia 30:8

Haen amuppa amu, da Jakop buɗub ag danab laa waalagppa daamnanu da ehanadppi, ag anam ii daamna; danab nug doɗnu duugppan tuqai makau duugppanu loppaɗe, hamu oitte, amubia da hekkul. Jakop buɗub ag baula wan laihnu danab waalagppa daan, ahilag begbeg maɗi nid ii daamna.” Yawe Nukka Ɠagattag Oh Ele, Nug anam awa atte.