Biblia Todo Logo
Bib sou entènèt

- Piblisite -




Aisaia 10:26 - Nobonob Baibel

26 Amu Yawe Nukka Ɠagattag Oh Ele, Nug inam hekku. Nug Asiria geha buppa makkuɗadkku. Nug men laa Orep daatte, Nug amu guguittak Midian makkuɗattom amu, Nug amubia makkuɗadkku. Geha Nug eppeg huma dayaya, Asiria makkuɗadkku; anukka Isip dilagppa he, ag Le Kokoɗppa padal meppig, amubia ahilagppa hekku.

Gade chapit la Kopi




Aisaia 10:26
21 Referans Kwoze  

Aɗinu ⌊ag anam gamalag ahakku⌋? Anukka na Midian ebehilag tappae ne, Midian danab ag Israel baula ii gumanna, baula uug laa ii madappig, amubia na kekeɗ ag aɗi keekeppa uug madappig, aɗi keekeppa guittak madappig amu, na keeke amu oh maduduɗna, tabappe nob, kekeɗ ag baula danab ah nahipad eheɗ iinab hattamna. Diig amunu ag anam gamalag ahakku.


Epraim danab ag anam hena, ag Midian dilag ban daup ikki aɗit, Orep, Sep ele aɗulatppig. Ag Orep amu men onig Orep, appa qeppig, Sep amu, ag grep meu tappa leppu awaknu aben onig Sep, appa qeppig. Ag amu hena, ag tuɗidna, Midian danab lamadna goppig. Dimppa amu, Israel danab ag Orep, Sep ele ikkilti diiatna, Gideon, nug Jodan appa dayeye, ag nug gumidna gona medappig.


Yawe Nug anam aum dimppa, nuhig engel nug aha ukka he, Asiria dilag daup daappig ele, ag oolagppanu danab 185,000, ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.


Israel ag geha nona, ena gona, wan qaɗaiettakppa laih tekkulagnu amu, na dudqak hokkat nahip human, yu epponppe, geha yu nug oppata, aɗit laih laih ukka, ɠagattag gilil bia daakku.


Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.


Iitta aɗi ag nahipnu oo nauhak dooppig, amu na ag amunu bu aqakkutnu haen aakku beum. Anam amunu, na gemu mauhak aɗi epeɗiadkkutnu haen aakku beum. Gemu am ele nahip propet, ag nahipad maɗi nid amu, na ag nob ena madakkutnu haen. Anam amu, gemu am ele nahipad danab ah oppiaawak ele, amu danab oh ag nahipnu ebehilkad oh bodoetta le mette ele, na ag ele nob ena madakkutnu haen. Na danab amu ag onilag ele, onilag iitta ele, amu ag oh nob ena madakkut. Aria, gemu ele na danab ag wanppa tappe nak hena, wan heeg nauhtte ele amu, na heppe, ag nauhkkulagnu haen,” aon appig.


Yawe Nug anam heeb, nuhikkud danab ah oɗo yaak Asiria daatteb amu, ag ahilagppa ib ena beeb, ag eɗun ahilag wanppa uɗiglagnu ib uug iitta ena daakku. Haen matu anukkanab, Yawe Nug nuhikkud danab ah Isip uuglagnu ib ahilag heum, kobol anambia, amuppa geha Nug ib madakku.


⌊Ag Israel danab ah, laippu laippu qagaiettakppa ii mauhadna, eɗun⌋ uɗiglag amunu Naɗi, Nug Yawe Nukka Ɠagattag Oh Ele, Nug inam atte. “Danab ah dahilad Sion daatteb ag Asiria ag buppa makkuɗadna eheɗ hadatteb, anukka Isip ag ahilagppa daɗibppa heppig bia hetteb amu, ag amu dilagnu aib baɗappig.


Na heppe, danab eheɗ hekkulagnu atteb amu, ahilkad okkai danab ag Orep Sep ele mauhpiɗ bia mauhkkulagnu oɗ medattem. Ao, na heppe, ahilkad ikki danab ag Seba, Salmuna ele mauhpiɗ bia mauhkkulagnu unuqidttem.


Na ahakkutnu oɗ medattem. Da keeke eheɗ laa ii hemi me, ag hamu da bu iuglagnu hetteb; na ag ippulag amu oo nekkutnu ool daatte. Na da hettoɗiakppa ehaniɗkkutnu unuqidttem. Na am dahil Kayak, na dahil Naɗi.


Amu Asiria ag Yawe baag doon, Nug ag bu ɠagattag nuhig mattebeb anidna amu, Asiria ag baɗan autnanab aoglag.


O Kayak, na heppe, nahipad danab ah ag huan apatkkulag. Ao, na heppe, ag gamalag huan ahakku. Ahilag gamag ahak amu, ag na noomppa na ippunidkkulag. Ao, datta ee oɗuom awak haenppa danab ah ag aonna, gamalag ahehe aotteb, ag amubia hekkulag. O iitta ban danab ag ban hena, ag ban eɗittona, keeke ag aoppig am otin aona, gamalag ahatte, amubia ag gamalag ahakku.


Yawe Nug heeb, danab ag Nug baag enanag ɠagattag ele dooglag. Nug heeb, ag Nug, ɠagattag okkai okkai ele neebeb anidkkulag. Nug oo nauhak huanaknab, aab aɗu keeke oh ewewe iitta mette ele, Nug amu oh ele nekku. Nug gu huanak neebeb, amemɗi awak, hakkaɗ baag huanak, ais doɗo hab waappanu nak ele nekku.


Am inam daakku. Yawe Nug bu nuhig, Nug bu amuppa danab ah eheɗ hetteb ele bu madatte amu, Nug bu amuppa Asiria danab bu madakku. Nug bu mattebeb, laa ag ⌊Yawe he, eheɗ hak kobol aakku na qette anidna, ag⌋ tambarin, amu harp eleppa ahiettak hekkulag. Yawe, Nugnab Asiria ele ag ban hekkulag.


Swiv nou:

Piblisite


Piblisite