Aisaia 10:14 - Nobonob Baibel

¹⁴ Wan amuppan danab ah dilag enub am, oppa laa ai teɗ laappa daatteb bia daaeg, da aomi. Danab nug ai teɗ laa, ai anig oola ukka ii daatte, nug teɗ amu ooppa oppa daaegeg diiadtte, amubia da wan anen anen diiatti, da waalppa daatteb. Amu da ag, ag enulag ena ena ele aɗadkkulnu amu, da am danab ɠagattag dayeye, laa nug da tappiɗeb nokkulnu elele iitta; da aakku aomi. Ai anig nug laa nug oppa aomanu ewawa, haugppa laa amu lamidkkunu hette amu, laa amubia dahilnu ii heum,” awa atte.

Aisaia 10:14 Referans Kwoze

Job 31:25

o iitta, da en okkai ele amunu, gamag ahak eheɗ doolomlob, o iitta, da uɗat huana hein, en okkai aomi amunu, gamag ahak eheɗ aolomlob,

Nahum 2:9

Ag anam hebeppeg, kekeɗ aab eɗidppig ele ag ekkulag. “Silwa huanaknab daatte amunu, ig aotu! Ao, gol ele huanaknab daatte amunu, ig aotu! En naɗi bodok iitta daatte. Ge, en imuam ebqaknu elele iitta,” enana akkulag.

Obadaia 1:4

Ag ai igel hagagaɗa attannab tette bia attannab tekkulagtai. Ge, ag teɗ ahilag hoɗoppai oolagppa appa bappaidkkulagtai. Anam amge ag amu heloblob, da, Yawe, da heppi, ag nena qena, nauhna autna aoglag.” Yawe Nug anam awa atte.

Jeremaia 49:16

Ag Esau buɗub ag qauko igippa daatteb. Ag ahilag aab baippa kalatteb. Ag anam daanna, ag heeg, danab ah laa ag baɗak eheɗ nau dootteb. Ag am dada danab. Ag anam daatteb, amge keeke aɗit amu ag buppualatteh, ag eheɗ dabmena, ‘Ig neta ii qemata,’ anan oitteb. Ag aben ɠagattag, ai igel daatteb bia daatteb, amge da ag appanu aɗualadppi nekkulag,” awa atte.

Aisaia 5:8

O gadonnab gadon, ag danab ag lag kuɗum, wan kuɗum ele aonna, ahilagnu qagmetteb. Ag anam hetteb, amu geha ag wan oh aoppeg, danab laa ag daaglagnu aben laa ii daama. Ag akka, ⌊Kayak anamnu ii aum bia,⌋ agib appa daaglag.

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Aisaia 14:6

Kingnu qakun amu aɗappig ele amu, ag oo nauhakppaib daan, ag haen oh danab ah laa oh eheɗib hadappig. Ao, ag oppoɗilag be amelag kokoɗ eppe, ag haen oh ban henana, wan laa oh eɗadnana heeg, agib waalagpa daappig.

Esekiel 35:13

Ag dada danab daan, dada danab nug layagnu nai nau maditte, amubia ag wan da Israel, Juda ele mattami aoglagnu mattinna, dahilnu nai nau huanak appig, amge da nai amu oh ele doomi,” awa atte.

2 Stori 32:13

Da, amu da mamelad aɗi ele ig wan laala ohppan danab eɗadmut amu, ag amu iite dootteb. Wan anen anen, amu dilag kayak ag heppeg, wan amuppan danab ah ag da eppelppa ii daamnanu elele daappigte?

Aisaia 37:25

Da wan digdigppa, anukka ag am dahil wan iitta, da appa le moɗ awen, le amuppanu lami. Da hei, Isip wanppa le naunau qaɗaiedappig.’ Na anam ame.