Aisaia 10:13 - Nobonob Baibel

¹³ Aɗinu? Asiria dilag king nug ⌊laa oh dabatta,⌋ inam atte “Da dakka dahil ɠagattagppa da amu oh aakku hemi. Da am keeke amu oh hekkulnu doyak dabmak ena ele, da amu haknu amu, da am diignu doyak tutukku ele daattem amunu, da hemi. Da hei, gemu wan imuppan wan amu oh ag da waalppaib daatteb. Ag ahilkad keeke ena ena qagmaatteg dayom am, da amu oh aomi. Da am danab ɠagattagnab dayeye, da wan amu dilag king oh, da tappalatte oɗoɗatti noppig.

Aisaia 10:13 Referans Kwoze

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Duteronomi 8:17

Am ag inam akkulagtai. “Ig ikka ebehinigppa, ihinig ɠagattagppa ele ig enunig ele daattem,” aon akkulagtai.

Habakuk 1:16

Kakai eeɗak danab nug uhuippa kakai aotte amunu, nug en okkai ele daatte. Ao, nug ee ena enaib amuppa awa latte. Nug uhuippa anam awa lanana dootte amunu, nug uhuinu, ‘Dahil kayak,’ anan, uhui noobppa doɗ laa mana medatte. Ao, nug uhui diig laa ele nuhignu anam dootte amunu, nug kalu danab ile muttuɗig enanag bette ele awa, uhui noobppa amu ilatte.

Amos 6:13

Ag amu hetteb ele amu, ag aab Lo Deba eɗidna aoppignu gamalag ahatte. Ao, ag dada hena, ag aab Kamaim eɗidna aoppignu, ag, “Ig ikka, ihinig ɠagattagppa eɗadta aomut,” aon atteb.

Amos 5:27

amunu, da heppi, kekeɗ ag uɗin, ag eɗadna diiadppeg, ag Damaskus eɗitta wanak, appa diia ukka laih me dayak danab ah daaglagnu gokkulag.” Yawe, Nug onig laa am Kayak Nukka Ɠagattag Oh Ele, Nug anam awa atte.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Esekiel 26:2

“Danab bekka, Tair danab ah ag Jerusalem na qeumnu oolag gamag ahak eheɗ doon, ag inam appig. ‘Am enanag! Kekeɗ ag gona, aab okkai Jerusalem heeg nauha autanab awom. Gemu aab amuam loppaɗakib daatte. Jerusalem danab ah baula keeke meppeg, laa daden meppeg, men doɗo ii aomna. Ag ig ib amuppa men doɗo okkai aognignu ib baula oo ii nemata; ig anam aognig,’ aon appig.

Esekiel 25:3

na, ‘Ag Amon danab ah, ag Naɗi Yawenu nai doyeg!’ awona, na Naɗi Yawe Nug inam atte appe doyeg! ‘Haen kekeɗ ag uɗin heeg, dahil mettid lag nauhom, haen ag heeg, Israel wan oh nauhaknab dayom, haen ag heeg, Juda danab ah ag Babilon wanppa diia ukka laih me dayak danab ah daaglagnu goppig, haen amuppa diig amu ohnu ag Amon, ag oolag gamag ahe, “Enanag, ig oonig anamib hette,” appig.

Aisaia 10:8

Anam amu, diig amunu nug ⌊beɗu akoniaya⌋, ‘Dahil ban danab ikkilkad ag anen anen ag king bia iite daatteb?

1 Stori 5:26

Israel dilag huu okkai Ruben, Gad, Manase mahaib ele ag eheɗ amu heeg, Kayak, Nug Israel dilag Kayak, Nug he, Asiria dilag king Pul, nug onig laa am Tiklat Pileser, nug Asiria dilag king, nug aha, Israel dilag huu okkai Ruben, Gad, Manase mahaib ele eɗatta, appanu wan laappa diia ukka maatte, appa ag diia ukka laih me dayak danab ah daappig. Wan nug diia ukke daappig ele am Hala, Habor, Hara, amu le Gosan guguittak ele. Nug diia ukka, amuppa maatte daaeg uɗie, gemu ⌊nai imu yaak haenppa⌋ ele, ag appa ana daatteb.

2 King 18:32

Ag anam daanna labeppeg ukkeb, da eɗuen uɗien, da omaladppi, ag gona wan laappa, wan amuam ahilag wan imubia amu, da omaladppi gona, aguppa daaglag. Wan amuppa ee aeg, amu muɗi grep ele betteb. Ao, appa ag ee, wain bau ele elelenab aoglag. Wan amuppa bret, grep dad ele elele daatteb. Ao, wan amuppa olip ad ag beegeg, uppuh leppu ele daatte. Ag bau dayak tituaneg! Ag mauhak aib tituanppig! Ag Hesekaia atte amu, ag aib dooppig. Aɗinu? Nug atte. “Yawe Nug ehanikkeb, ig Asiria dilag king eppegppa ii daamta,” awa atte,

2 King 18:15

Senakerip anam a amu, Hesekaia nug Yawenu mettid lagppa silwa dayom, nug silwa amu oh awa, kingnu lag enanagnab, appa en maknu oo anen anenppanu ele awa, nug amu oh me, King Senakeripnu ukkom.

2 King 18:11

Asiria dilag king nug Israel diia, Asiria ukka, nug Israel laala aab Hala maattowa, laala amu diia ukka, Gosan aab nuhig wan ele, appa le Habor guguittak ele maattowa, Midia wanppan aab laalappa ele maattom.

2 King 17:24

Israel ag anam gona daaegeg amu, Asiria dilag king nug danab ah Babilonnu, Kutanu, Awanu, Hamatnu, am Separwaimnu ele diia ukka, Israelnu aab anen anenppa maatte, Israel oulag daaglagnu daappig. Danab ah amu ag Israel wan ahilag daakkunu aon, ag Israelnu aab anen anenppa aakku daappig.

2 King 17:6

Hosia nug Israel dilag king dayaya, nuhig king dayaknu maɗ eblaih waɗeleppa amu, Asiria dilag king nug Samaria eɗatta, aab okkai amu awom. Awa, nug Israel danab ah diia, Asiria ukka, nug Israel laala aab Hala maattowa, laala amu diia, aab Gosan, nuhig wan ele, appa le Habor guguittak ele maattowa, Midia wanppan aab laalappa ele maattom.

2 King 16:8

Amu Ahas nug silwa, gol ele Yawenu mettid lag, amuppanu awa, kingnu lag enanagnab, appan en maknu oo anen anenppanu ele awa, Asiria dilag king nug uɗia, Juda ehanadkkunu, nug keeke amu nuhig daakkunu hamu medakkunu me ukkom.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

Jeremaia 46:8

Daup amu ag am Isip dilag daup aakku. Ag le Nil nug titiɗa ba, okkainab daatte, ag amubia hetteb. Ao, ag le laa kuɗum ag ui o, le okkainab daatte, ag amubia hetteb. Isip ag atteb. ‘Ig ahat, ig wan atu ohppa gota, ahilkad okkai daagnig. Ig aab kuɗum hepput nauhakib daappeg, danab ah appanu ele aqapput mauhkkulag,’ aon atteb.

Jeremaia 48:14

Ag Moap ag atteb, ‘Ig am ban danab ɠagattag. Ig ban ɠagattag hettem,’ aon atteb, amge attem hena, ag anam atteb?

Esekiel 35:13

Ag dada danab daan, dada danab nug layagnu nai nau maditte, amubia ag wan da Israel, Juda ele mattami aoglagnu mattinna, dahilnu nai nau huanak appig, amge da nai amu oh ele doomi,” awa atte.

Habakuk 2:6

Nug anam haaha daatte, amge da, Yawe, da heppi, wan atu ohppan danab ah ag nuhignu, ‘Keeke hamunab,’ iite doon, nug aon aon qettaglag? Ag nug aon aon qettan, inam akkulag. ‘Laa nug wagai ma, danab ah dilag keeke yab awa, qagmette ele, nuhignu am gadonnab gadon. Ao, laa nug keeke lokkumakppa awaknu duttuna hak kobol dim lamitta, en kuɗum aotte amu, nuhignu am gadonnab gadon. Nug amu tuɗitta ii hema,’ aon akkulag.

Ikki Danab 7:2

Israel dilag ban daup, Gideon ele ag Harot leppa haen tutu dayaknu aab kalaeg amu, Yawe Nug Gideon amegppa aum. “Na am ban danab kuɗumnab ele. Da ag oh daaglagnu paɗatten ehanadppi, ag oh Midian ele ban hekkulag dayeb amu, Israel ag dada hena, ag akka ahilag ɠagattagppa eɗadmut akkulag.

Prowerb 28:11

Danab enub ele nug nukka nuhignu, “Da am doyak dabmak ena ele,” anam dabmekkutai; amge daɗek danab, diignu doyak tutukku ele, nug enub danab nug anam ele iitta anidtte.

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Habakuk 1:11

Ag anam eɗadna aab aon, ag ulah gotte bia laippun ahan, laih gotteb. Ag danab nau, beɗulagppa aab ele. Ag ɠagattag ahilagnu, ‘Ihinig kayak,’ doon, ag ahilag ɠagattag binag metteb.” Yawe Nug anam aum.