Aisaia 1:7 - Nobonob Baibel

⁷ ⌊Nid amubia amu,⌋ wan ahilag am wan hele-ettak daatte. Ao, aab okkai ahilkad amu, aab ewattom daatteb. Ag Israel ag neekkadna daaegeg, kekeɗ ag ban hena, keeke ahilag dad okkaippanu ag akkan, aon gotteb. Wan laappan kekeɗ ag wan laa heeg nauhakib daatteb, amubia ag ahilag heeg nauhe, wan ahilag amuppa keeke laa ii daatte, wan amu hamu daatte.

Aisaia 1:7 Referans Kwoze

Gayak Nai 5:2

Wan laihnu danab ag uɗin, ihinig wan, na wan amu ig aunig daakkunu mekkame amu, ag wan amu aon daatteb. Ge, wan laihnu danab ag uɗin, ig launigppa daatteb.

Duteronomi 28:43

Wan laihnu danab, ag uɗin, ag oolagppa daatteb, ag geha tuɗidib ɠagattag bebeppeg, ag amu geha tuɗidib bodoettaglag.

Duteronomi 28:33

Wan laappan danab ag ii doyadtteb ele, ag geha, ag Israel ag uɗat naɗi hena, keh ebatteb amu, wan laappan danab, ag ag ii doyadttem ele, ag lakkulag. Ag Israel, ag geha danab amu waalagppa daappeg, ag eheɗ nau hadappeppeg, ag bau dayak haen ahilag ohppa anamib daaglag.

Hosea 7:9

Ag wan laihnu danab ah kobol nau hetteb, ag amubia heegeg, ahilag ɠagattag bodoettaladtte, amge ag amu ii dootteb. Ao, Israel am danab kaino laa nug ikki uɗug nakok umimi qak ele, amge nug amu ii dootte, Israel danab ag amubia daatteb, amge ag amu ii dootteb.

Esekiel 30:12

Da heppi, Nil lenu lenag oh qaɗaiedappeg, Isip wan am eheɗ hak danab eppelagppa daakku. Da heppi, wan laihnu danab ag Isip wan heppeg nauhaknab dayeb, keeke oh Isip wanppa daatte, amu ele nauhakib daakku. Da Yawe, da aakku ain malami,” awa atte.

2 Stori 28:5

Nug eheɗ anam heum amunu, Yawe, nuhig Kayak, Nug he, Aram dilag king uɗia, nug eɗittom. Aram dilag daup ag Juda eɗadna, ag danab ah kuɗum aɗualatteg daaeg, ag diin Damaskus goppig. Amu laa, Yawe Nug he, Israel dilag king nug nuhikkud daup ele ag uɗieg, Juda ele ban hena, ag Juda eɗadna, daup kuɗum aqaeg mauhppig.

Hosea 8:7

Israel danab ah ag kobol nau huanak hetteb amunu, ag geha bu naunab aoglag. Amuam laa nug ulah eppalo, amge meu awak haenppa nug ulah kilibob aolo, amubia. Geha bu qak Israel danab ah dilag, amuam ee nug ena ii bema, meu ele ii oma. Meu laa ololob amu, wan laihnu danab ag akkan lalob.

Jeremaia 6:8

O Jerusalem danab ah, ag bu amu aomnanu, ag hamu bia aib dooppig. Iitta! Ag nau baula aomnanu dabmeig! Iitta dayeb amu, laa nug appa daakkunu elele iitta daakkunu, da dimatten heppi, ahilag wan am hele-ettak daakku,” awa atte.

Jeremaia 2:15

Am genab, kekeɗ ag laion gaatte bia hena heeg, ag eheɗ aoppig. Ao, kekeɗ ag laion bau nug liɗimtte bia hena heeg, ag eheɗ daappig. Kekeɗ ag heeg, ag Israel, ag ahilag wan am nauhaknab awom. Ao, kekeɗ ag ahilag aab amoteg ewe, appa danab ah ii daatteb.

Aisaia 34:9

Yawe Nug heeb, Edom wanppanu le am eɗun, kolta daaglag. Ao, Yawe Nug heeb, Edom wanppanu gappud am eɗua, kalu laa huana eotte onig salpa, amubia ewawa daakku. Edom wan anam dayaya, kolta huana eotte, anamib eokku.

Aisaia 9:5

Amu ban danab dilag keeke beɗulagppa mena gona, ban hetteb ele, amu oh geha aab eokku. Baeg gaɗa okkai okkai ahilkad, am bannu danab dilag lamen, tiilag laittak ele, amu oh geha aab eweb, iitta mekku.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Aisaia 5:17

Nug anam heeb, sipsip, meeme ele ag ⌊Israel danab daappigppa⌋, ag appa ag abenlagppanab bia daanna, ag gikkiɗah lakkulag. Ao, laihnu uɗiak danab ag, ag enub danab laulkad nauhppig ele, amuppa ee lanan daaglag.

Aisaia 5:9

Am Yawe Nukka Ɠagattag Oh Ele, Nug nuhig nai ɠagattag qetta, da amelppa inam aum. “Genabnab genab, gemu lag kuɗum daatteb, geha danab ag lag amuppa laa ii daamna; hele-ettak daaglag. Ao, gemu lag okkai okkai ena ena daatteb, amuppa danab ii daamna. Iitta!

Sam 107:39

⌊Danab ah amu ag Yawe dim lamittak uun, nau heeg,⌋ ebqak ahilag honap neum. Yawe Nug he, laa ag uɗin eheɗ hattegeg, Nug he, ag uug naunab doyeg, kobol aɗi aɗi ahilagppa be, ag oo doyak okkai aoppig amunu, keeke amu oh ag onilag qeeg neum.

Lewitikas 26:34

Am haen ag wan imuppa ii daanna, haen ag matatun, kekeɗ dilag wan laappa gona tamtam, diia ukka laih me dayak danab ah daaglag, haen amuppa wan imuam hele-ettak daakku, amu haen amuppa wan imuam maɗ ebqak eblaih aɗit ele, maɗ amuam wannu sabat maɗ, amu wan imu haen amuppa nuhig maɗ amu oh elele aokku. Ao, wan nug aakku hamu dayaya, maɗ ebqak eblaih aɗit ele, maɗ amuam wannu sabat maɗ, am maɗ amu elele aokku.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Duteronomi 29:23

Wan ittag ele imu, am geha naunab daakku. Danab ah ag aɗitai laa amuppa iinab eppamna; keeke ele appa ii bemana; gikkiɗah ele amuppa ii bemana. Geha Sodom Gomora ele, Atma Seboim ele bia daakku. Yawe Nug danab ah aab okkai amuppan ⌊ag kobol nau heppig amunu,⌋ oo nauhak huanaknab doya, Nug he, ag padal mena, iitta meppig. Am wan imu ele anambia daakku.

Sam 109:11

Na men doɗo lon hak danab uuadppeg, ag keeke oh nug aɗatte ele aɗidkkulagnu oɗ medattem. Na heppe, danab laa, ag aab diig iitta, ag nug aɗi keeke ele, ag amu oh yab aoglagnu unuqidttem.

Aisaia 1:8

Kekeɗ ag heeg, Sion nukkaib daatte. Nug grep dadppan peh ⌊uɗat malak haenppa⌋ nukka, hamu daatte amu, nug amubia daatte. Ao, nug dadppan peh ⌊uɗat malak haenppa⌋ nukka, hamu daatte amu, nug anam bia daatte. Nug kekeɗ ag aab okkai laa talilidna, oo mettaeg, aab amu nukka, piɗe daatte, amubia Jerusalem nukka ⌊laa nug ehanidkkunu iitta⌋ aakku daatte.

Aisaia 3:8

Anam bekkunu diig am, Juda danab ah oh, laa Jerusalemnu, laa Juda wanppa laih laihnu amu, ag ahilag hakppa, ahilag mattiak ohppa ele ag Yawe, Nug binag amahlak oppiaawak ele, ag Nug noobppa Nug waappa daaglagnu uuna, ag nuhig nai tappaeg nette amunu, Jerusalem danab ah, ag taataɗ qeppig. Ao, Juda danab ah, ag nena qeppig.

Aisaia 9:18

Amu nau hak kobol am aab aɗu bia. Aab aɗu keeke qaɗaiettaknab ele ewawa ukka, atuppan ad, keeke laa oh ele ewewe, aab kah huanaknab tette, ⌊amubia hipunin hak kobol am danab ah heeb nauhna autna aoglag.⌋

Aisaia 49:19

Amu ag Israel, ag ahilkad kekeɗ ag uɗin heeg, ahilag wan am nauhak, hele-ettak daatte. Ge, ag heeg, ahilag wan am nauhakib daatte. Amu da heppi, ahilag wan eɗua, ena dayebeb, ag Israel ag appa ambak daaglag. Wan amuam nakok dayebeb, ag huanak daaglag. Amu laa ag heeg nauhppig ele amu, ag uma daaglag.

Aisaia 60:15

Am genab, da hei, laa ag ahilagnu nau ninig ele doon, ag uɗin heeg nauheg, laa nug laih gokkunu ippa uɗia, haen tutu dayaya ii ukkom. Iitta. Ib laa awa, laih ukkom. Anam, amge da heppi, Jerusalem babaittak dayeb, danab ah ag Jerusalemnu enanagnab, aab bala enanag dooglag. Ag Jerusalemnu oo gamag ahak okkai hanhan dooglag.

Aisaia 62:8

Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.

Aisaia 64:10

Kekeɗ ag nahipad aab okkai, nahipnu tituanak daatteb, ag amu hatteg nauhppig, atu taɗak bia daatteb. Sion ele anamib. Ge! Ag heeg, Jerusalem am nauhakib dayeye, danab ah appa ii daatteb bia.

Jeremaia 4:7

Yawe Nug anam a, da, Jeremaia, da Juda danab ah amelagppa ami. “Laa amu uɗitte amu, nug am laion laa nug teɗ nuhigppan aha, doɗ aqeeb mauhkkulagnu oitte bia uɗitte. Ao, laa nug wan kuɗum he nauhtteb ele, nug uɗikkun aakku ahom. Nug heeb, ag Juda, ag ahilag wan am nauhaknab daakkunu ahom. Ao, nug heeb, ahilkad aab kuɗum am nauhakib daaglag. Danab ah laa appa ii daamna. Iitta.

Jeremaia 7:34

Da heppi, Juda wan am hele-ettak daakku amunu, Jerusalem appa, Judanu aab laa ohppa ele oo gamag ahak laa ii daama. Danab ah ele ag oo gamag ahak doon, ewau matulak ii aomna.” Yawe Nug anam awa atte.

Jeremaia 44:6

Juda ag amu heppig amunu, dahil oo nauhak huanaknab ba dayeye, da hei, Juda danab ah ele ag bu eheɗnab aoppig. Bu amuam Jerusalem appa, Judanu aab laala eleppa dayaya he, aab amu oh am hele-ettak daappig, gemu ele anamib daatteb,’ awa atte.

Esekiel 25:4

Ag amu heppig amunu, gemu da heppi, kaɗag uɗitteppanu danab ag uɗin eɗadppeg, ag Amon danab ag ag eppelagppa daan, ahilag daaglag. Danab amu ag kaɗag uɗitteppanu uɗin, ag haen tutu dayaknu aab ag Amon danab oolagppa kalan daaglag. Ag peh lag ahilkad ag oolagppa qappan taiettan daaglag. Wan laappan danab amu ag ag Amon danab, ag ahilag ee, ahilag huh ele aon lakkulag.

Maika 5:11

Da heppi, ahilkad aab okkai ⌊ban haenppan aɗ ele⌋ amu nauhkkulag. Ao, da ahilag ban haknu aben ɠagattag ele heppi, loppaɗak daaglag.

Maika 6:13

Diig amunu amu, da digmein hei, ag Juda, ag padal mekkulagnu oitteb. Ao, ag hipunin henan daatteb amunu, da hei, ag nauhkkulagnu oitteb.