Aisaia 1:4 - Nobonob Baibel

⁴ O gadon! Israel danab ah ag hipunin danab ah daatteb. Ag beɗulagppa aab okkainab ele. Israel anilkad mamelkad ele, ag nau hak danab ah. Kobol diig ena iitta uɗig wak ele Israel beɗulagppa ambeum daatte. Ag Yawe uuidppig oitteb. Ag Yawe, Nug am Israel, ahilag Kayak Oppiaawak Ele amu, ag nuhignu uuaknab doon oitteb. Ag Nug dimettan autna aoppig oitteb.

Aisaia 1:4 Referans Kwoze

Aisaia 5:24

⌊Ag anam hetteb⌋ amunu, wit keeke gumu qaɗaiettak ewa iitta mette, amubia ag nauhkkulag. Ao, gikkiɗah qaɗaiettak aab aɗuppa ewa malatte amu, amubia ag nauhkkulag. Amu ad diɗilag beɗaeg, ad bunaɗtte; bala, ⌊uɗulag ele⌋ na qa iitta mette bia amu, ag anam nauhkkulag. Aɗinu? Ag am Yawe Nukka Ɠagattag Oh Ele, ag nuhig ɗo doyaknu uuppig oitteb. Ao, ag Israel dilag Kayak Oppiaawak Ele, ag nuhig nai dimedappig oitteb.

Jeremaia 2:17

Keeke amu oh ahilagppa beum amu, amunu diig am, ag da, Yawe, ahilag Kayak, da ag omalatti uɗippig amu, ag da uuiɗppig. Ag da uuiɗppig amunu, kobol eheɗ ahilagppa beum ele, amuam ag beɗulagppa iittate?

Jeremaia 2:13

Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

Matyu 3:7

Layattette amu, ɗo gumak danab-Parasia, ɗo gumak danab-Sadyusi ele ag layattak aoglagnu kuɗum ukkaeg, Jon nug ag anatta, nug ag amelagppa inam aum. “Ag am danab nau, mat nau bia. Aun nug nau aomnanu nai ag amelagppa mattie, ag Kayaknu oppoɗi bak uɗitte ele ii aqamanu uɗippig?

Jeremaia 7:19

Ag amu hetteb, amge diigppanab ag heeg, da eheɗ aottemte? Iitta. Ag akka ag ahilag eheɗ hak henana, ag eheɗ aonna, ag akka ag uɗa nak madatteb,” Yawe Nug anam awa atte.

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Aisaia 5:19

Laa ag, “Ig nuhig uɗat anidkkunignu Israel dilag Kayak Nug keeke laa ihinignu dabmette ele amu, keeke amu Nug paha haɗ!” atteb amu, ahilagnu am gadonnab gadon. Ao, laa ag, “Ig amu doognignu, Israel dilag Kayak Oppiaawak Ele Nug aɗi keeke hekkunu maittak awom amu, Nug amu heeb baɗ!” aon atteb amu, ahilagnu am gadonnab gadon. ⌊Ag padal mekkulag.⌋

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

1 Korint 10:22

Ig anam hepput, Naɗi Kristus Nug ihinignu, dahilppa anam daalon dabmak aɗa daakkunu dabmettemte? Ig nuhig ɠagattag eɗidkkunignu elelete?

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Matyu 11:28

Jesus Nug anam ana, Nug baula ele aum. “Ag danab oh, ag uɗat okkai henana, keeke uug ele maotteb amu, ag gumiɗna doig! Doppeg, da heppi, ag hik aoglag.

Esekiel 16:33

Ib baag ah ag ahilag hak amunu men doɗo aotteb, amge na laa laih ohppanu ag uɗin, na ele niiglagnu, na ag keeke ena, gol, silwa, keeke, na keeke amu ahilag daakkunu hamu madattem. Amuppa ag na ele niiglagnu na lokkumakppa eheɗ haknu ehanittak mattan, eeɗadttem.

Jeremaia 51:5

Aɗinu Babilon anam nena qena nauhkkulag? Kayak, Nug Yawe Nukka Ɠagattag Oh Ele, Israel dilag Kayak, Nug Israel, Juda ele uuata auta autanab ii awom. Laa amu, Babilon danab ah ag hipunin heegeg, Kayak, Nug Israel dilag Kayak Oppiaawak Ele, Nug nuhig neekkakppa ag beɗulagppa aab ambak daatte.

Jeremaia 50:29

Amu Yawe Nug atte. “Babilon ag da, Yawe, Israel dilag Kayak Oppiaawak Ele, ag da oɗel tappaeg neum amunu, kekeɗ ag laa appeg, latppa ban hetteb ag uɗin, Babilon aqeg! Ag Babilon talilidna daanna heppeg, Babilon laippu laa aib oola ukkom. Babilon danab ah ag eheɗ heppig amunu, ag nob matteg! Ag eheɗ digdig heppig, amubia ahilagppa heig!

Jeremaia 7:26

Amge Israel ag dahil nai ii dooppig; ag daulag human, nai doon, elele ii dabmedappig. Ag da oɗel dim lamidmananu dabmak ahilag ɠagattag eppe, ag mamelkad aɗi dilag eheɗ hak eɗidna, eheɗ huan heegeg uɗie, gemu ele hetteb.” Yawe Nug da amelppa Israel dilagnu anam aum.

Jeremaia 2:33

Ah laa ag danab ah noolagppa ah ena daatteb, amge lokkumakppa ag danab kuɗum ele niiglagnu kobol kobol henana, danab kuɗum, ib baag ah eɗittak eeɗadtteb, ib baag ah ahilagppa ippunittak aoglagnu elele, ag Israel ag kayak laa dilagnu amubia hetteb.

Jeremaia 2:31

Amu ag Israel ag gemu daatteb, ag dahil nai imu doon dabmetteg! Atu taɗakppa, danab nug appa ehanittak keeke nakok laa aokkunu elele iitta, da ahilagnu anam daamite? Ao, atu laa, gatatu manak ele, appa keeke kuɗum danab heppeg nauhkkunu daatteb amu, da ahilagppa anam laa daamite? Da amubia laa ii daami amunu, aɗinu ag, ‘Ig Yawe uut, Nug baula ii dim lamidmata,’ atteb?

Jeremaia 2:5

Yawe Nug inam atte. “Ag mamelkad aɗi ag da Yawe, ag dahilnu eheɗ aɗi laa anidppig amunu ag da uuiɗna, umanab goppig. Ag kayak hambuppuak, danab ah ehanadkkulagnu elele iitta, ag dottolkad amu dilag dabmena dim lamidnana, ag ele hambuppuak bena, aɗi keeke genab laa hekkulagnu elele iitta daappig.

Aisaia 65:3

Danab ah amu ag am hanhan da noolppanab eheɗ henana, ag datta appa doɗ main, kayak hambuppuak mattanna, ag qaɗab brikppa hak kalu danab ile muttuɗig enanag bette ele main, ahilkad kayak hambuppuak mattanna heeg, da oppoɗil bette.

Aisaia 41:20

Da amu hekkulnu diig am, danab ah oh ag imunu dabmak pehettak aon, diignu tutukku doyak aoglag Amuam, da Yawe, da amu hemi. Ao, da, da Israel dilag Kayak Oppiaawak Ele, da amu hemi.” Yawe Nug anam atte.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 30:15

Aɗinu ⌊ag anam nauhkkulag⌋? Naɗi Yawe, Israel dilag Kayak Oppiaawak Ele, Nug amunu inam atte. “Da ag ehanadppi, padal ii memananu ib am, ag oolag eɗueb, ag hik ii aqebeb, ag dabmak ahilag ii dim lamidmana. Ao, ag ɠagattag daaglagnu ib am, ag heɗi ii aqebeb, ahilag dabmak ii dim lamidmana, ag dahilnuib oolagppa genab dooglag. Anam daatte, amge ag amu uun autna aoppig.

Aisaia 30:9

Nai amuam hanhan danab ah inam ippunadkku; Juda danab ah imu ag am nai tappe nak danab ah. Ag nid naunau dahilad, amge ag hambuppun oinna, ag hambuppuak danab ah daatteb. Ao, nid naunau ag mamelkad anilkad dilag nai dooglagnu uutteb, amubia danab ah imu ag da, Yawe, ag dahil nai uutteb.

Aisaia 29:19

Haen amu uɗieb amu, danab ag akka ag onilag qeeg nette ele, ag Yawe, nuhig ehanittaknu oolag gamag ahakku. Ao, danab ag keeke iitta ele, ag Yawe, Nug Israel dilag Kayak Oppiaawak Ele, ag nuhig ehanittaknu oolag gamag ahakku.

Aisaia 14:20

Na wan nahip he nauhe, danab ah nahipad aqame amunu, nahipad huu ag na matmat enanagnabppa ii meidmana; king laala ahilkad huu heppig bia. Danab ag hak nau, na heme bia hetteb ele amu, laa ag amu bekkalkad alalkad dilag baula ii dabmemana.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 3:8

Anam bekkunu diig am, Juda danab ah oh, laa Jerusalemnu, laa Juda wanppa laih laihnu amu, ag ahilag hakppa, ahilag mattiak ohppa ele ag Yawe, Nug binag amahlak oppiaawak ele, ag Nug noobppa Nug waappa daaglagnu uuna, ag nuhig nai tappaeg nette amunu, Jerusalem danab ah, ag taataɗ qeppig. Ao, Juda danab ah, ag nena qeppig.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Sam 89:18

Aɗinu? Ihinig king, nug ihinig guppiɗ daatte amu, nug Yawenu danab. Yo, ihinig king nug ig Israel, nug ihinig Kayak Oppiaawak Elenu danab.

Sam 78:40

O gadon, atu taɗakppa ag haen kuɗum Nug waappa daaglagnu uuna, ag nuhig nai tappaeg neum. Ao, wan meu waknu nakokib elele, amuppa ele ag haen kuɗum heeg, Nug uug doyom.

Sam 78:8

Am ag mamelkad aɗi bia ii hemana. Ao, ag alalkad ag oolag ɠagattag eppe, nai tappaeg ne, ii dim lamidppig. Ag oolagppa Kayak, nuhigib ii dabmena, oo metta ii uuak kobol ii dim lamidppig. Ao, ag Nugib dim lamidkkulagnu oo metta ii uuak kobol ii dim lamidppig.

Sam 58:3

Nau hak danab ag anilkad menuatteg dona, ag laippun ib apiɗidna, nauhtteb. Yo, ag anilkad oolkadppan donana, ag ib apiɗidna, hambuppuak nai maditteb.

Ikki Danab 10:10

Israel ag amu anidna, ag dimppa Yawenu gaan appig. “Ig na, ihinig Kayak, ig na dimetata, ig kayak hambuppuak Bal iɗu iɗu waalagppa daat, ag oɗelag dim lamidmut. Ig amu hemut amunu, amuppa ig nahip-ppa hipunin hemut,” aon appig.

Duteronomi 32:19

Israel danab ah, ag Yawe bekkod, aɗekkud ele amu, ag kobol nau heegeg, Nug amu antta, Nug oo nauhom. Nug oo nauhe, nug Israel danab ah guhuɗattom.

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

Duteronomi 29:25

Ag anam oɗ meppeg, laa ag akkulag. “Imu beumnu diig am, Kayak he, wan amuppan danab ah ag Nug ele nug tituana nai qakkak hewona, ag nai qakkak amu tippalppig. Yawe, ag mamelkad aɗi dilag Kayak amu, haen Nug ag Isipnu diia, omalatte uɗippig, haen amuppa ag nai qakkak amu heppig.

Namba 32:14

Amu gemu daatteb ele imu ag, ag am hipunin danab bekkod; ag amu, ag mamelkad heppig bia hetteb. Kobol ag hetteb, amuppa ag heeg, Yawe Nug Israel dilagnu tuɗid, oo huanak nauhtte.

Genesis 13:13

Amu Sodom danab ag nau hak danab. Ag Yawe noobppa hipunin kuɗum, okkai ele henan oidttappig.

Revelesen 18:5

Aɗinu? Nuhig hipunin am ameg naɗi habppa teppig bia daatteb. Ao, kobol eheɗ nuhig am Kayak daugppa doum.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Nehemaia 1:7

Ig nahip haknunab anak, nahip ɗo iɗu iɗu ele, na nahip maɗi nid Moses mettame amu, ig nai amu oh dim ii lamidtata, ig na noomppa naunab hemut.

Sam 71:22

O Kayak, na oo metta ii uuak kobol hanhan dim lamidttem amunu, da harp qeinne, binan mekkul. Yo, O Israel dilag Kayak, oppiaawak ele, da laia qeinne, nahipnu ahi edette, na binan mekkul.

Aisaia 1:28

Amge hipunin danab, danab ah ag Yawe waappa dayaknu uun, nuhig nai tappaeg nette ele amu, Yawe Nug hatteb, padal mekkulag. Yo, aun aɗi ag Yawe uun dimedatteb, geha ag mauhkkulag.

Aisaia 9:17

⌊Ikki danab aɗi ag anam hetteb,⌋ diig amunu ⌊Israel danab ah oh⌋ ag Kayaknu, nuhig haknu ele uuak doon, ag nau hak kobol henana, nai uɗig wak ele oɗelagppa anan oitteb. Anam amunu, Naɗi Nug Israel dilag nid bau dilagnu gamag ahak laa ii dootte. Diig amunu Nug ah qab, amu nid ag mamelkad mauhppig ele, Nug amu dilagnu ele oo ii madatte. Anam, amge Naɗi Nug nuhig oo nauhak amu iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Aisaia 31:2

Yawe Nug doyak dabmak ena ele. Nug heeb, uug naunab bekkunu elele. Nug aɗi keeke hekkunu dabma maditte, Nug mattiom amu aakku hette. Nug nai nuhig ii baolitte. Nug nau hak danab ah bu aqadkku. Ao, Nug danab ah ag eheɗ hak danab ehanatteg, ag eheɗ hetteb ele amu, Nug amu dilag oh Nug heeb, ag uug maon, padal mekkulag.

Aisaia 57:17

Da dahilad danab ag baubau awaknu hik aqeeqe eheɗ heppig amunu, da oppoɗil eheɗ beum. Da amu antten, da oo nauhak doyeye, da bu matten, dimattami. Da amu hemi, amge ag doonna, tuɗidna eheɗ heppig.

Aisaia 58:2

Deɗ oh Israel danab ag ⌊gaɗalagppaib⌋ da aniɗna dim lamiɗkkulagnu mattiɗtteb, ag dahil nai dooglagnu hetteb bia hetteb, ⌊amge ag keeke amu oh ag oolagppa ele ii hetteb⌋. Ag huu laa kobol tutukku dim lamidtteb, dahil ɗo di-ii-mettan oitteb, ag huu amu, ag kobol amu genab hetteb bia ⌊dimittimnuib⌋ hetteb. Ag anam heegeg, laa anadna, ‘Danab ah umu ag genab Kayaknu ib dim lamidkkulagnu oolag hette,’ atteb, amge iitta! Ag da, Kayak, ag da hettoɗiakppa nai doya mala hettoɗia epeɗia elele mettak kobol dim lamidkkulnu anana, ag da Kayak, ag dahilnu, ‘Nug ig guguikka uɗikkunu oonig hette,’ ele atteb ⌊amge ag amu oh am gaɗalkadppaib hetteb. Oolagppa ele ii hetteb⌋.

Aisaia 65:11

Da dahilad danab ah dilagnu anam hekkul, amge ag laa, ag da, Yawe, ag da dimeɗan, da dim lamiɗkkulagnu uutteb, ag dahil qauko, qauko amuam dahilnu tituanak daatte amu, ag appa gona dahil mettid hekkulagnu daulag atitte, ag kayak hambuppuak onig Gad noobppa dup nona binag mekkulagnu henana, nug onigppa hobul hena, ag kayak hambuppuak onig Meni noobppa dup nona binag mekkulagnu ag nuhignu wain digdig kabolina, tappiɗ okkaippa inatteb ele amu, da ag hettebnu dabmekkul.

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Jeremaia 32:32

Da heppi, aab amu nauhkku diig am, Israel danab ah, Juda danab ah ele ag eheɗ hak digdig heegeg uɗie, gemu ele heeg, da oppoɗil beum daatte. Ge, ahilag king, king dilag ehanittak anuqak danab, ahilkad mana mettak danab, propet danab amu, Jerusalem danab ah, Juda danab ah laa oh ele, ag oh anamib heegeg uɗie, gemu ele hetteb.

Esekiel 14:5

Da Israel danab ah oh, ag da uuiɗna, kayak hambuppuak dim lamadtteb amu, ag dabmak amu uun, eɗun daib dim lamiɗkkulagnu, da anam hekkul,’ awa atte.

Esekiel 16:45

Jerusalem, na amu, na anin bianab daattem. Na anin nug gamunu ena iinab doya, nid nuhikkud dilagnu ele anamib doyom. Nug anam he, na apan, makkep ele, aa ele aa gamultinu, nid ahilti dilagnu ele ena iinab doopiɗ, amu na aa hepiɗ, na anamnab aakku hettem. Na anin nug am Hit ah, na mamen nug Amo danab.

Daniel 9:11

Ig Israel danab ah oh, ig na dimettat, ig na dim lamidkkunignu uut, ig nahip ɗo tippalmut. Moses, nug na Kayak, nahip maɗi nid amu, nug danab ah ag nahip ɗo ii dim lamidkkulag dayeb, ag eheɗ laa awaknu anak waappa daaglagnu aum. Amu nug na danab ah ag nahip ɗo ii dim lamidkkulag dayeb, na uug madakkutnu nahip nai ɠagattag qettan mattime ele yom. Moses nug anam yom amu, na yaak amubia na he, ig bu qak nai ippunigtte bia aomut. Ig hipunin nahip-ppa hemut amunu, ig bu anam aomut.

Sepanaia 1:6

Da heppi, laa ag anukka da noolppa dup nona binal meppig, amge ag uun uuiɗna, kayak laanu dabmetteb; ag da, Yawe, ag da aniɗna dim lamiɗkkulagnu ii mattiɗna, ag da ulum madakkulnu oɗ ii meɗatteb amu, da ag ele heppi, ag nauhkkulag.” Yawe Nug anam awa atte.

Eksodas 32:7

Ag amu heegeg amu, Yawe Nug Moses amegppa aum. “Na paha no! Aɗinu? Danab ah nahipad, na ag Isipnu diin uɗime ele amu, ag kobol ena iitta uɗig wak ele hena, da dimeɗappig.

Duteronomi 32:5

Amge Israel danab ah ag nuhignu amu, ag Nug dimettan, ii dim lamidna oitteb. Ge, ag anam hena oinna, ag genab nuhig nid daattebte? Iitta! Ag hambuppuak hak danab, ag kobol kaliak amu dim lamidtteb.

2 King 21:22

Nug Yawe, nug mamekkud aɗi dilag Kayak amu, nug Nug uuitta, nug Yawenu ibuppa ii oiyom.

2 Stori 12:1

Amu Rehoboam nug Juda dilag king ba daye ukke, haen king daakkunu ɠagattag nug eppegppa dayeye, laa nug abenab aokkunu ii heehe, Rehoboam nug ɠagattag dayaya, nug Juda danab ah oh ele ag Yawenu ɗo dim lamidkkulagnu uun, Yawe ii dim lamidppig.

2 Stori 27:2

Jotam nug Yawenu neekkakppa kobol genab tutukku ele dim lamittom; nug mameg Usia heum bia, nug heum. Amge nug mameg Usia nug Yawenu mettid lag ooppa ukkom bia ii heum. Jotam nug anam heum, amge Juda danab ah ag kobol nau ahilag ii uuppig, henan daappig.

Sam 78:41

Haen kuɗum ag Kayak ma anttak medappig. Ao, ag eɗuna heeg, Israel dilag Kayak Oppiaawak Ele, Nug oo nauhom.

Sam 78:57

Ag mamelkad aɗi heppig bia, ag nuhigib ii dabmena oo metta ii uuak kobol ii dim lamidppig, nuhignu ag ele oolagppa genab ii dooppig. Am lat tanig laa pimalaknu elele iitta, lat doɗo ele pehetta ii ema, laa nug lat pimala ekku amu, ewak am ena ii bema; ig alankad ag lat amubia daappig.

Aisaia 30:1

Yawe Nug atte. “Juda danab ag hib guitta danab ah daatteb. Ag ib laa, da ag ib amu ii ippunadmi amu, ag maittak amu aon, ib amu dim lamidtteb. Ag danab dilagppa ehanittak aoglagnu nai qagatteb, amge dahil Ouɗi Nug ag amu hekkulagnu ii ippuanattom. Kobol ahilag amuppa amu, ag hipunin ahilag tuɗitteg, okkainab metteb amunu, ahilagnu am gadonnab gadon.