Aisaia 1:28 - Nobonob Baibel

²⁸ Amge hipunin danab, danab ah ag Yawe waappa dayaknu uun, nuhig nai tappaeg nette ele amu, Yawe Nug hatteb, padal mekkulag. Yo, aun aɗi ag Yawe uun dimedatteb, geha ag mauhkkulag.

Aisaia 1:28 Referans Kwoze

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Aisaia 30:13

ahilag hipunin amu heeb, ag nauhkkulag. Men gilil attannab nug gai-iitta, aoɗak ele dayaya, laippun na qette, amubia ag nena qekkulag.

Job 31:3

Am inam. Nau hak danab ag uug naunabppa daaglag. Ao, laa eheɗ hetteb ele, ag padal mekkulag.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Aisaia 66:24

Amu dahilad danab ah ag aab dimittim gona, ag danab ah ag da waalppa daaglagnu uun, dahil nai tappaeg neum ele, ag danab ah amu gaɗalag anadkkulag. Amu ag gaɗalag niiglagppa amu, gawat naunau ag hanhan daatteb, aab aɗu aguppa daatte ele ii qauhtte. Danab ah oh ag gaɗalag amu anidna, ag eheɗ nau, gahag bak bia ele dooglag.” Yawe anam awa atte.

Aisaia 65:11

Da dahilad danab ah dilagnu anam hekkul, amge ag laa, ag da, Yawe, ag da dimeɗan, da dim lamiɗkkulagnu uutteb, ag dahil qauko, qauko amuam dahilnu tituanak daatte amu, ag appa gona dahil mettid hekkulagnu daulag atitte, ag kayak hambuppuak onig Gad noobppa dup nona binag mekkulagnu henana, nug onigppa hobul hena, ag kayak hambuppuak onig Meni noobppa dup nona binag mekkulagnu ag nuhignu wain digdig kabolina, tappiɗ okkaippa inatteb ele amu, da ag hettebnu dabmekkul.

Aisaia 50:11

Amge ag laa ag akka ag aab ilatteb, ag amahlak amuppa ahan oiyeg! Ao, ag laa ag akka ag hul amot-tteb ele amu, ag amunu amahlakppa oiyeg! Amge ag amu hebeppeg, ⌊Yawenu nai imu ahilagnu am anamib bekku. Nug atte.⌋ “Ag da eppelppa inam aoglag. Ag uug naunab, danab oɗe naɗinab awa, qaɗaqaɗppa niitte, ag uug amubia aoglag,” awa atte.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

Sam 104:35

Hipunin danab ah oh, wanppa iitta mena malaglagnu ool hette! Ao, nau hak danab ah ag qettoɗna, iittanab mekkulagnu ool daatte! Dahilnu amu, da Yawe binag humakkul. Ag Yawe binag meig!

Sam 92:9

O Yawe, nahip kekeɗ, ao nahip kekeɗ ag wana, padal mena oiglag amunu, danab ah oh ag nau hak kobol qetteb ele, ag tamtam gona, ɠagattag ii daamna.

Sam 73:27

O Kayak, laa ag gukkuidna ii daatteb amu, ag padal mekkulag. Ao, laa ag na ippuanattomnu oo metta ii uuak kobol ii dim lamidtteb amu, na hadappe, ag nauhkkulag

Sam 37:38

Anam amge hipunin danab amu, Nug heeb, ag padal mekkulag. Ao, nau hak danab ah, ag buɗulkad iitta daaglag.

Sam 9:5

Na wanppanu wan anen anennu danab ah ag daulag batan, na nau hak danab hattai nauhppig. Ao, danab ah ag geha baula danab ah amu, ag ahilagnu ii dabmemana.

Sam 5:6

Geha na danab ag hambuppuak nai maditteb ele hadappe nauhkkulag. Ao, na Yawe, na laa ag laa makkuɗadtteb, ag laa hambubutteb ele, na amu dilagnu ootppa uuaknab doottem.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

1 Samuel 12:25

⌊Ag anam hekkulag am ena,⌋ amge ag nau hak tuɗidna hekkulag dayeb amu, Yawe Nug ag, ahilag king ele amu, Nug heeb, ag oh padal mekkulag.” Samuel nug anam aum.

Aisaia 1:4

O gadon! Israel danab ah ag hipunin danab ah daatteb. Ag beɗulagppa aab okkainab ele. Israel anilkad mamelkad ele, ag nau hak danab ah. Kobol diig ena iitta uɗig wak ele Israel beɗulagppa ambeum daatte. Ag Yawe uuidppig oitteb. Ag Yawe, Nug am Israel, ahilag Kayak Oppiaawak Ele amu, ag nuhignu uuaknab doon oitteb. Ag Nug dimettan autna aoppig oitteb.

Aisaia 24:20

Wan nug geha ukka uɗikku, danab nug le ɠagattag lana, spak ma oitte, amubia uɗalkku. O ulah huan he, lag uɗaltte, wan amubia uɗalkku. Hak nau, amuam danab ah dilag hipunin amu, eheɗ hak amunu uug am naunab, wan nug geha maokkunu elele iitta amunu, wan nug geha na qewowa, eɗua ahakkun elele iitta.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Aisaia 58:2

Deɗ oh Israel danab ag ⌊gaɗalagppaib⌋ da aniɗna dim lamiɗkkulagnu mattiɗtteb, ag dahil nai dooglagnu hetteb bia hetteb, ⌊amge ag keeke amu oh ag oolagppa ele ii hetteb⌋. Ag huu laa kobol tutukku dim lamidtteb, dahil ɗo di-ii-mettan oitteb, ag huu amu, ag kobol amu genab hetteb bia ⌊dimittimnuib⌋ hetteb. Ag anam heegeg, laa anadna, ‘Danab ah umu ag genab Kayaknu ib dim lamidkkulagnu oolag hette,’ atteb, amge iitta! Ag da, Kayak, ag da hettoɗiakppa nai doya mala hettoɗia epeɗia elele mettak kobol dim lamidkkulnu anana, ag da Kayak, ag dahilnu, ‘Nug ig guguikka uɗikkunu oonig hette,’ ele atteb ⌊amge ag amu oh am gaɗalkadppaib hetteb. Oolagppa ele ii hetteb⌋.

Aisaia 66:17

Yawe Nug atte. “Danab ah amu ag kayak hambuppuak binag mekkulagnu ag akka ag kayak hambuppuak amunu neekkakppa elele dayaknu ag oolag meulag oh ⌊kobol hambuppuakppa⌋ bappaidna, ag kayak hambuppuak ⌊amu, ag nuhig ɗo hambuppuak dim lamidna, kobol digdig henan,⌋ nug noobppa elele daanna, ag dad enanagppa kayak hambuppuak binag metteb. Ag kayak hambuppuak laa dim lamidna, dad enanagppa ag nug noobppa bo teppu, tog teppu, doɗ lanaknu gahag bak ele amu, ag doɗ amu laala teppulag ele latteb. Ag amu anam hetteb, amge ag oh padal mekkulag.” Yawe Nug anam atte.

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Jeremaia 44:12

Uug naunab Juda wanppa beum, dimppa ag kuɗum iitta, ag laib laib uug haen dimppa bau daan, Juda wanppa daappig, amge ag haen amuppa Isip gona daaglagnu dabmak aoeg ɠagattag eppom daye, ag aakku heppig. Ag uɗin, Isip wanppa daatteb; am ag amu heppig amu, da heppi, ag nauhkkulag. Ag oh Isip daanna nauhkkulag. Ag qep elabppa, o enugppa mauhkkulag. Danab okkai ukkeb, danab onig iitta ele, ag oh qep elabppa, o enugppa mauhkkulag. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

2 Stori 21:10

Anam amu, Edom ag eɗun, Juda waalagppa ii daappig; ahilag nai ele tabappeg nekkunu ii uuppig. Gemu ⌊nai imu yaak haenppa⌋ ele ag anamib daatteb. Amu Jehoram nug Yawe, nug mamekkud aɗi dilag Kayak, nug Nug dimetta uuittom amunu, haen amuppa ele aab Lipna danab ah ag ahan, tappe nak henana, Juda waappa ii daappig.

2 Stori 28:6

Deɗ laippuppa Remalia bekka Peka, nuhikkud daup ele ag Juda dilag daup 120,000 aqaeg mauhppig. Amu beumnu diig am, Juda danab ah ag Yawe, ag mamelkad aɗi dilag Kayak, ag Nug dimettan, Nug uuppig.

2 Stori 28:23

Amu Aram ag uɗin, Ahas eɗitteg, Ahas nug inam dabmeum. “Aram danab ag kayak laa noolagppa dup nona binalag metteb. Kayak amu ag Aram dilag king ehanatteg, Aram ag da eɗilppig amunu, da doɗ manen, kayak amu madappi, ag da ehaniɗkkulag,” dabmeum. Ahas nug anam dabma, nug doɗ manatta, Aram danab dilag kayak mattom. Ahas nug ib amuppa ehanittak awaknu dabmeum, amge iitta. Kobol nug heum, kobol amuppa nug, Israel laa oh ele ag nena qeppig.

Job 34:26

Danab okkai amu ag Kayak dimettan, Nug ii dim lamidppig. Ao, ag nuhig ibnu ena ii dooppig. Anam amunu diig amunu Nug ahilag hak nau, Nug amunu danab ah oh dilag neekkakppa bu madatte.

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.