Aisaia 1:26 - Nobonob Baibel

²⁶ Da geha Israel danab ah dilagppa da epeɗiak danab bau, ahilag hak tutukku ele anukka daappig bia madappi, ahilkad epeɗiak danab daaglag. Da ahilkad ulum mettak danab ele digmakppa daappig, amubia heppi bekkulag. Da anam heppi, amu geha laa ag Jerusalem, nahipnu inam akkulag. ‘Aab okkai amuam Kayaknu oo metta ii uuak kobol dim lamittaknu aab okkai,’ amu ‘Nai doya mala hettoɗia epeɗia elele mettaknu aab okkai’ ele aon akkulag.” Kayak Nug anam atte.

Aisaia 1:26 Referans Kwoze

Sekaraia 8:3

Amu Yawe Nug laa ele inam atte. “Da eɗuen, qauko Sion appa ukken, da Jerusalem daakkul. Da amu heppi, danab laa ag Jerusalemnu, aab okkai amu onig am Yawe Dim lamittaknu Oo Metta Ii Uuak Kobol, akkulag. Amu qauko Sionnu, qauko amuam Yawe Nukka Ɠagattag Oh Elenu amu, ag qauko amunu, qauko amu onig am, Qauko Kayaknu Tituanak Daatte, akkulag,” awa atte.

Jeremaia 33:7

Da Juda danab ah, Israel danab ah ele ag wan laalappa diia ukka laih me dayak danab ah gona daatteb, ⌊daaglag ele amu,⌋ da omaladppi, ag eɗun uɗin daappeg, da heppi, ag anukka ɠagattag daappig bia, ag haen amuppa eɗun, anam daaglag.

Revelesen 21:27

Amu keeke oppiak iitta ele aab okkai amuppa ii noma. Laa kobol nau digdig, Kayak nug kobol amunu ooppa uuaknab dootte, amu hambuppuak kobol hette ele amu, nug ele iitta. Am laa ag onilag Sipsip Nagnu buk, amuam buk onig Bauklel Awe Onig Yaaknu Buk, buk amuppa ag onilag yaak daatte ele amu, ag aakkuib aab okkai amuppa nokkulag.

Sekaraia 8:8

Ag eɗun, Jerusalem daaglagnu da omaladppi, ag eɗun uɗin daaglag. Ag uɗin dahilad danab ah daappeg, da ahilag Kayak daakkul. Da ahilagnu oo metta ii uuak kobol, nai doya mala hettoɗia epeɗia elele mettak kobol ele dim lamidkkul,” awa atte.

Sepanaia 3:13

Israel oɗo yaak danab ah daaglag amu, ag eheɗ ii hemana; ag hambuppuak nai ii mattimna, layag laa ele ii buppuidmana. Aɗinu? Ag sipsip ee lawona niitteb, amubia ag daanna, ag uug laa ii doomna; laa heeb, ii baɗamna.” Yawe Nug anam awa atte.

Esekiel 45:8

Wan aben amuam Israel dilag okkainu daakku. Anam daakku amunu, danab okkai dahilad Israel gumadkkulag, ag wan elele amunu, ag baula dahilad danab ah eheɗ ii hattamna. Iitta. Wan laa oh am Israel dilag huu okkai anen anen eppelagppa daakku,” awa atte.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Jeremaia 31:23

Yawe Nukka Ɠagattag Oh Ele, Israel dilag Kayak, Nug inam atte. “Da heppi, Juda danab ah ag eɗun, ahilag wanppa uɗiona, ag Juda wanppa, aab laala eleppa daanna, ag Yawenu mettid lag Jerusalem ooppa qaukoppa daattenu amu, ag inam akkulag. ‘Yawe Nug qauko nuhignu tituanak daatte, Nug laug genab tutukku hak kobol inak ele qauko amuppa daatte, Nug qauko, lag amu ele itatteb, anam dayeɗ!’ aon akkulag.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Aisaia 60:14

Juda danab ah, danab ag eheɗ hadappig ele, danab amu buɗulkad ag uɗin, ag noolagppa dup nona, ikkilag wan yaakku. Ao, laa ag ahilagnu ena iinab dooppig, ag ag noolagppa gatelag qaun ona, ikkilag wan yaakku. Ag anam hena, ag Jerusalemnu, ‘Yawenu Aab Okkai,’ akkulag. Ag, ‘Israel dilag Kayak Oppiaawak Ele, Nug Sion appa ana daatte,’ akkulag.

Aisaia 33:5

Yawe Nug laa oh dilagnu eɗattak daatte. Aɗinu? Nug hab aabppa dayaya, Nug heeb, nai doya mala hettoɗia epeɗia elele mettak kobol, genab tutukku hak kobol ele aa Sion appa ambak daaglah.

Aisaia 1:21

O gadon! Aab okkai Jerusalem am ah laa bia daatte. Ah amu nug gamu ele pehettak, elele oipiɗ, amge dimppa ah amu nug gamunu oo metta ii uuak kobol ii dim lamitta, gamu uuitta, ib baag ah ba oiyom. Amu Jerusalem amubia daatte. Nug anukka Kayak pehettak, elele dim lamittom, amge gemu nug amu ii hette. Anukka nai doya mala hettoɗia epeɗia elele mettak kobol nuhigppa ambak dayom; genab tutukku hak kobol nuhigppa ele ambak dayom, amge gemu qe mauhak danab, ag nuhigppa ambeppig daatteb.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Sepanaia 3:9

Aɗinu? Da amu hewoya, wan atu ohppan danab ah ag da Yawe, ag da unuqilkkulagnu, ag oh laippu daan, ag da waalppa daan, da oɗel dim lamidkkulagnu, da heppi, ag amu hekkulagnu elele daaglag.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

Aisaia 54:14

Ag genab tutukku hak kobol dim lamidnana, tutukku, ɠagattag anamib daaglag. Yawe Nug heeb, keeke laa ag baɗaglagnu ii daama amunu, eheɗ hak laa eppelagppanu amu, eheɗ hak amu ahilagppa bekkunu aib dabmeppig. Ao, Yawe Nug heeb, baɗak nau ag gukkuattak ii daama amunu, ag baɗak naunab ahilagppa bekkunu aib dabmeppig!

Maika 4:8

Amu aab okkai Jerusalemnu amu, aab amuam lag attan ta ukkak menppa hak sipsip gumak danab nug aguppa ta, sipsip ena daaglagnu neegtte ele amubia daakku. Ao, Sion am ban haknu aben ɠagattag, Israel ag aguppa ena daaglagnu bia daakku. Aab am anambia daakku amu, Yawe Nug heeb, danab ah gumattaknu ehah Jerusalem appa king beɗuppa daakku. Ao, king Jerusalem appa ana daakku.

Aisaia 2:3

Danab ah huu kuɗumnabppanu geha ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.