Aisaia 1:25 - Nobonob Baibel

²⁵ ⌊O Jerusalem, danab amu ag nahip-ppa dubuttid bia daatteb amunu,⌋ da na uug mette, geha ⌊danab ag silwanu dubuttid na gokkunu aab gakkaɗak naɗippa manatteb, amubia⌋ da eɗue, nahip hak nau bappaidppi, na geha dubuttid iitta, oppiaawak bekkut. Ao, da geha ⌊danab ag silwanu dubuttid na gokkunu aab gakkaɗak naɗippa manatteb, amubia⌋ na tutukku daakkutnu bappaidkkul.

Aisaia 1:25 Referans Kwoze

Malakai 3:3

Laa nug silwa babaitta epeɗia awak uɗat hette, Nug amubia hekku. Ao, Nug heeb, laa ag gol, silwa ele babaitta epeɗia awak uɗat hetteb, amubia Nug heeb, Lewi buɗub ag oppiak ele daaglag. Nug anam heeb, ag genab tutukku hak danab Yawe eppegppa daan, ag doɗ manadna Yawe mettaglag.

Jeremaia 9:7

Amu Juda danab ah ag amu hetteb amunu, Yawe Nukka Ɠagattag Oh Ele Nug atte. “Antteg! Da ib laa iitta. Aɗinu? Dahilad danab ah ag hipunin hetteb amunu, da danab nug gol keeke babaitta epeɗia awak daakkunu uɗat hette, amubia da dahilad danab ah ma anttak madakkulnu, da ag dubuttid iitta daaglagnu, da amubia ahilagppa hekkul.

Aisaia 4:4

⌊Danab laa ag Israel danab dilagnu, “Ag am Yawenu, oppiaawak ele,” akkulagnu diig am,⌋ Naɗi Nug nuhig ɠagattagppa Nug danab ah amu epeɗiatta, bappalatteb, ag Naɗinu, oppiaawak ele bena daan oiglag. Ib amuppa Naɗi Nug Sion ah oolagnu dubuttid, oolagppa aɗak daatte amu, Nug amu oh iha, oppieb ukkeb, Nug Jerusalem danab ag laa aqaeg mauhppig, ag beɗulagppa aab ele, Nug aab amu oh iha, oppieb gokku.

Aisaia 1:22

Jerusalem anukka na silwa ena, ⌊na amubia⌋ daame, amge gemu na kapa tiig bak, ⌊na amubia⌋ beme daattem. Anukka na wain ubuhi ele, ⌊na amubia⌋ daame, amge gemu na wain le ele kaboliak ⌊bia⌋ daattem.

Sepanaia 3:11

Ag Jerusalem danab ah ag dahilnu eheɗ heppig, amge haen amuppa ag tuɗidna, uɗa nak akka ahilagnu ii doomna. Amu bekkunu diig amu, da heppi, laa ag dada kobol hena, ag amunu gamag ahak dootteb ele, ag baula aab imuppa ii daamna. Laa ag dada ha laa eɗittaknu dabmak awak kobol dim lamidtteb amu, ag ippa ii oimna.

Esekiel 22:22

Silwa aab ewak gakkaɗaknabppa dayaya, le mette, amubia ag Israel danab ah ag Jerusalem appa daanna, bu eheɗ aoglag. Ag bu aona, ag dooglag, da Yawe, da ahilag eheɗ haknu oppoɗi bak naɗi doyen hei, bu awak ahilagppa beum.” Yawe Nug anam aum.

Esekiel 20:38

Da amu heinne, da ag oolagppa aun aɗi ag dahil nai tappaeg nette amu, da ag anatten heppi, laa amu ag eɗun, ahilag wan, am Israel wan, ag appa ii gomana. Da wan laalappanu omaladppi, wan oh dilag atu taɗakppa daaglag, amge ag gona, ahilag wanppa ii daamna. Da amu heppi, ag oh dooglag, da am Yawe,” awa atte.

Jeremaia 6:29

Danab aen, o gol keeke, nug keeke amu babaitta epeɗia awak uɗat hette, amu amubia uug laala danab ah dahilad dilagppa beppeg, hipunin hak uuglagnu hemi, amge ag hipunin ii uuppig. Ag kobol nau hekkulagnu ii uuppig.” Yawe Nug anam aum.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Esekiel 22:20

Danab silwa laa, silwa amuam kapa, aen, led amu tin ele kaboliak, nug amu le mekkulagnu aab aɗu gakkaɗak nauppa mette, amubia da ag Israel, ahilag hak naunu oppoɗi bak nau doye, ool ele nauhtte amunu, da heppi, ag Jerusalem ooppa daappeg, da aab ewak keeke he le mette, amubia da bu eheɗ madakkul.

Duteronomi 32:43

Ag wanppan wan anen anennu danab ah oh, ag Yawenu danab ah ele maɗoɗppan gamag ahak doyeg! Aɗinu? Nug laa ag nuhig maɗi nid guittak madappig ele, Nug amunu nob tutukku madakku. Nug kekeɗ nuhikkud dilag eheɗ haknu nob tutukku madakku; amu Nug ele danab ah nuhikkud dilag eheɗ haknu nob nau tiigppa iitta mekkunu heeb elele metteb, Nug heeb, nuhig wan ele eɗua, nuhig neekkakppa oppiaawak daakkunu hekku.

Sam 119:119

Na laa nug kinipan akke gotte bia, na nau hak danab dilagnu oot ii hette amunu; da nahip ɗonu ool mauhe dim lamidttem.

Aisaia 27:9

Yawe Nug anam hekku amunu, amu beeb, Israel wanppa kayak hambuppuak qaɗab laa ena ii daama. Iitta. Oh nauhadna autnanab aon, gappud bia daaglag. Israel wanppa kayak hambuppuak Aserah dabmekkulagnu biidod laa qappak ii daama. Amu qaɗab laa, qaɗab amuppa danab ag kalu danab ile muttuɗig enanag bette ele manatteb amu, kayak hambuppuak dilag qaɗab laa amu ele ii daama. Iitta! ⌊Amu beeb, Israel ag ele oolagppa keeke amu uuppeg amu, Yawe Nug⌋ ib amuppa, Nug Jakop buɗub dilag eheɗ haknu nob nau nuhig ɠagattag naɗippa heeb, iitta mekku. Ao, ag hipuninnu nob nau aolob, amge ag ii aomna.

Esekiel 22:19

Anam amunu, Naɗi Yawe Nug inam atte. “Ag Israel, ag anam, silwanu dubuttid bia daatteb amunu, da heppi, ag Jerusalem appa daaglag.

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.