Aisaia 1:21 - Nobonob Baibel

²¹ O gadon! Aab okkai Jerusalem am ah laa bia daatte. Ah amu nug gamu ele pehettak, elele oipiɗ, amge dimppa ah amu nug gamunu oo metta ii uuak kobol ii dim lamitta, gamu uuitta, ib baag ah ba oiyom. Amu Jerusalem amubia daatte. Nug anukka Kayak pehettak, elele dim lamittom, amge gemu nug amu ii hette. Anukka nai doya mala hettoɗia epeɗia elele mettak kobol nuhigppa ambak dayom; genab tutukku hak kobol nuhigppa ele ambak dayom, amge gemu qe mauhak danab, ag nuhigppa ambeppig daatteb.

Aisaia 1:21 Referans Kwoze

Revelesen 11:8

Mauhpeɗ amu aa gaɗalah amu aab okkai okkainu ibppa niiglah. Piksa naippa laa ag aab amunu Sodom, Isip ele atteb. Aab amuppa danab ag Kayaknu laa aɗi heehe anttomnu mattiak danab aɗit dilah Naɗi ad emaitakppa atulppig.

Revelesen 11:2

Amge na Kayaknu mettid lagnu haɗap, iitta aɗi ag aguppa oitteb amu, na haɗap amuppa melemel aib meme. Haɗap amuam melemel maknu dimittim dayaɗ! Aɗinu? Kayak Nug haɗap amu iitta aɗi ag amuppa daaglagnu otiom. Amu iitta aɗi ag Jerusalem, aab okkai amuam Kayaknu amu, ag aab amu kalam 42 eheɗ naunab hettaglag.

Hibru 12:22

Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

Luk 13:34

O Jerusalem, O Jerusalem, na propet aqae mauhtteb, maɗi nid Kayak nahip-ppa maatte uɗitteb ele amu, na ag ele menppa aqae mauhtteb. Da haen kuɗum na begapad, matuk anig nug nakkud haugppa qagmaatta tonadtte, amubia qagmaadkkulnu hemi, amge ag uuppig.

Sekaraia 8:3

Amu Yawe Nug laa ele inam atte. “Da eɗuen, qauko Sion appa ukken, da Jerusalem daakkul. Da amu heppi, danab laa ag Jerusalemnu, aab okkai amu onig am Yawe Dim lamittaknu Oo Metta Ii Uuak Kobol, akkulag. Amu qauko Sionnu, qauko amuam Yawe Nukka Ɠagattag Oh Elenu amu, ag qauko amunu, qauko amu onig am, Qauko Kayaknu Tituanak Daatte, akkulag,” awa atte.

Hosea 11:12

Israel danab ah ag hanhan buppuiɗtteb. Ge, Israel danab ah ag hanhan nai genab iitta da amelppa maditteb. Amge Juda danab ah ag Yawe ele ɠagattag daatteb. Ao, ag tuɗidna, oo metta ii uuak kobol dim lamidna, Kayak Oppiaawak Ele oɗe dim lamidtteb.

Jeremaia 3:1

Amu Yawe Nug atte. “Danab ah aa ewau daattep, ah nug ⌊gappai heeb,⌋ danab nug nuhig ah amu lamitteb, ah nug ukka, danab laa awa, ⌊baula gappai heeb,⌋ danab amu ele nug ah amu lamitteb, danab nug tatam ah amu awa lamittom amu, nug eɗua, ah amu baula aokku am enate? Kobol augigiak amuppa wan am Kayaknu neekkakppa dubuttid tak ele iite daama. Anam, amge ag Juda, ag kayak hambuppuak kuɗum noolagppa dup nona binalag meegeg uɗie, gemu ele hetteb. Ag ib baag ah nug danab kuɗum ele niiglagnu hette, ag amubia hetteb. Ag anam hetteb, amge da tuɗitten, ag eɗue diiadkkulnu onilagppa ettem.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Sam 48:8

Tatam ig daunigppaib doomut, gemu ig amenigppanab anidmut. ⌊Jerusalem danab ah ag Kayak oɗe genab dim lamidkkulag dayeb amu,⌋ Kayak Nug nuhig aab okkai Jerusalem, Nug hanhan aab amu atognobob, padal ii mema. Jerusalem am Kayaknu aab; am Yawe Nukka Ɠagattag Oh Ele, nuhig aab. Sila.

Sam 48:1

Yawe Nug onig okkai ele; danab ah ag Nug binag mekkulagnu elelenab. Nug onig aab okkai Jerusalem appa meum daatte. Danab ah ag Nug appa binag mekkulagnu daatte. Ge, ag nuhig qaukoppa, Nug binag mekkulagnu daatte. Qauko amuam nuhignu tituanak daatte.

Sam 46:4

⌊Am le naɗi, le amunu le ippu danab eppelagppa buuppig ele, le ippu amu ag danab ah gamag ahak okkai madatteb, amubia⌋ Kayak Nug danab ah ag nuhig aab okkaippa daatteb ele, Nug ag gamag ahak okkai madatte. Aab okkai amuam Kayaknu tituanak daatte, Kayak Attannab Nug amuppa daatte.

Nehemaia 11:1

Amu danab ah ag eɗun, Babilon wanppanu uɗin, Juda wanppa daaglagnu bena, ahilkad okkai ag Jerusalem, aab amuam Kayaknu tituanak daatte, ag appa tena daappig. ⌊Amge danab ah laa ag Jerusalemnu iitta, ag aab laala, ag mamelkad aɗi anukka amuppa daappig amu, ag aguppa daappig. Ag anam daana, danab ah elele Jerusalem appa daaglagnu⌋ ag Israel danab oolagppanu om ena yaakppa danab eblaih laih ele oolagppanu laippu nug Jerusalem, Kayak Nug aab okkai amu nuhig daakkunu tituanom amu, ag appa daakkunu anidna, danab eblaih laih ele amu oolagppan danab eblaih waɗele laa amu, ag eɗun aab laala, mamelkad aɗi daappigppa daaglagnu ele anidppig.

2 Stori 19:9

Jehosapat nug danab amu tituanatta, nug ag amelagppa inam haknunab aum. “Ag ebehilag oh Yawenu bodoetta le meebeb, ag ahilag uɗatppa oo metta ii uuak kobol dim lamidna hanhan pehettak, meulag ohppa ele heig!

2 Samuel 8:15

Dawit nug Israel danab ah oh gumattom. Nug gumattatta, nug nai doya mala hettoɗia epeɗia elele mettak kobol, kobol tutukkuppa ele ag gumattom.

Revelesen 17:1

Amu dimppa engel eblaih aɗit ele ag tappiɗ eblaih aɗit ele, amunu oolagppa laippu laa nug doa, da amelppa inam aum. “Na inam doppe, da gappai ah onig ele, nug le kuɗum qaɗelagppa daatte ele, nuhig nob nau mak ippunidkkul.

Aisaia 1:22

Jerusalem anukka na silwa ena, ⌊na amubia⌋ daame, amge gemu na kapa tiig bak, ⌊na amubia⌋ beme daattem. Anukka na wain ubuhi ele, ⌊na amubia⌋ daame, amge gemu na wain le ele kaboliak ⌊bia⌋ daattem.

Aisaia 59:3

Ag danab aqaeg mauheg, ag tiilag ag eppelagppa qataqak daatte. Ao, hipunin ag eppelag doɗoppa qataqak daatte. Ag oɗelagppa hambuppuak nai maditteb. Ge! Ag nai laa, nau hak danab nai nau digdig maditte, ag nai nau amubia maditteb.

Aisaia 59:14

Nai doya mala hettoɗia epeɗia elele mettak kobol am uma ukkom daatte. Ao, genab tutukku hak kobol am miag iitta, am umaib daatte. Aɗinu? Doyak diig genabibppanu mattiaknu, dim lamittaknu ele, kobol amuam na qeum, ihinigppa ii daatte. Ge, doyak diig genabibppanu mattiak kobol, dim lamittak kobol ele ihinigppa ii daattep.

Aisaia 59:15

Doyak diig genabib anttaknu am, laa anam hekkunu elele iitta. Amu auntai nug nau hekkunu uutte amu, laa ag doɗ qeppeg mauhkkunu hetteb bia danab amu qekkulagnu hetteb. Anam daatte amu, Yawe Nug neekka, danab ah oh ag nai doya mala hettoɗia epeɗia elele mettak kobol iinab dim lamidtteb anttom amunu, Nug ena ii doyom.

Hosea 2:5

Ag anilag nug laa ele oiyya, ag menuattom; ag anilag nug nid amu uɗa nak nau guittak ele kobolppa nug oo noum. Ag anilag nug aum. ‘Da geha danab laala, da ahilagnu ool hette amu, da ag ele niignig. Da geha ag ele niitta, ag geha da ee, le ele, lamen sipsip uɗigppa hak, linenppa hak ele, olip goɗen, amu wain ele meɗaglag.’ Nug anam aum.

Habakuk 1:4

Laa ⌊ag ɠagattag ele⌋ ag amu hetteb amunu, ɗo ahilagnu aɗi haknu atte amu, laa nug amu ii hette. Nai doya mala hettoɗia epeɗia elele mettak kobol na qeum daye, laa amuppa ehanittak laa ii aotte. Diig amunu nau hak danab ag genab tutukku hak danab eheɗ hattana, babaittaknu ib heeg, keldoak daatte amunu, genab tutukku hak danab ag qakkak daan, keeke laa hekkulagnu elele iitta bia daatteb. Ao, nau hak danab ag anam hetteb amunu, nai doya mala hettoɗia epeɗia elele mettak kobol ii daye, kobol kaliak ele daatte.” Da na amenppa anam awe attem.

Aisaia 26:10

Nau hak danab ah amu, ag genab tutukku hak kobol ii dootteb. Na ahilagnu kobol ena attem hekkut am ii ehanadma. Iitta. Ag eɗun, genab tutukku hak kobol hekkulagnu iinab dabmemana. Ag danab ah genab tutukku hetteb imu oolagppa daatteb, amge ag ahilag hak nau am ii uutteb. Ag tuɗidna henana, ag Yawe, Nug dagom onig ɠagattag ele daatte amu, ag amu dab-ii-metteb. Iitta!