Aisaia 1:16 - Nobonob Baibel

¹⁶ Ag nau heppig amunu, ⌊danab nug beɗu dubuttid ele le layowa, dubittid iitta daatte bia,⌋ ag oolag bappaidna, dubuttid iitta dayeg! Ag hak nau da amelppa baula aib heppig. Ag baula eheɗ aib heppig.

Aisaia 1:16 Referans Kwoze

1 Pita 3:11

Nug eheɗ hak dimetta, kobol ena haɗ! Ao, nug laa ele maɗoɗ ele daaglagnu wagai maɗ!

1 Pita 2:1

Amunu ag kobol nau oh dim lamidkkulagnu uueg! Ag nai hambuppuak, kobol hambuppuak ele uuna, ag laa dilagnu aib amelag qeeb oolag elele ii dayom; baeg qak nai atten ele aib madippig.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Matyu 3:8

Ag oolag eɗueb, kobol ena dim lamitteg!

Aisaia 52:11

⌊Haen amuppa amu, Juda danab ah, ag nai imu dooglag.⌋ Ag ahan, ⌊Babilon⌋ uun ukkeg! Ge, ag ahan, ⌊Babilonnu⌋ ukkeg! Ag ahan gonana, ag keeke Kayaknu neekkakppa dubuttid ele aib aɗappig! Ao, ag laa, ag Yawenu tappiɗ keeke, ag keeke amu maon oitteb ele amu, ag ahan, Babilon uun, ag oppiak ele dayeg!

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Aposel 22:16

Aria, na aib hamu daame! Na ahan, layattak aon, na Jesus onigppa unuqidppeppe, Nug hipunin nahip uhuqa medakku.’ Ananias nug anam da amelppa aum.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Jeremaia 25:5

Propet amu ag appig. ‘Ag anen anen ag ahilag eheɗ hak digdig hetteb, ag kobol eheɗ digdig dim lamidtteb ele, ag amu tuɗidna hemananu oolag eɗueb, ag hak amu, kobol amu ele ii hekkulag dayeb amu, ag wan imuppa, Yawe Nug ag, amu ag mamelkad aɗi dilag hanhan daakkunu mattom amu, ag aguppa tuɗidna daaglag.

Sam 37:27

Ag nau hak dimettan, ena heig! Ag anam hekkulag dayeb amu, ag hanhan ɠagattag, ena daaglag.

Sam 34:14

Na eheɗ hak dimettan, kobol enaib he! Ao, na laa ele maɗoɗ ele daaglagnu wagai me!

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

Prowerb 21:3

Danab nug Yawenu mana mettak hekku dayeb amu, amuam ena; amge danab nug kobol tutukku, amu nai doya mala hettoɗia epeɗia elele mettak kobol ele hette amu, amuam Yawenu neekkakppa enanag.

Jeremaia 18:11

Anam amunu, Jeremaia, na danab ah Jerusalem daatteb, Juda danab ah laa oh ele inam amelagppa appe doyeg! ‘Yawe Nug inam atte. Antteg! Da uug naunab ahilagppa bekkunu babaittette daattem, da ag nau aoglagnu ib aakku ooɗttem amunu, ag anen anen ag nau tuɗidna hemananu ag oolag eɗueb, ag ahilag kobol, ahilag hak ele tutukku dayaɗ!’

Jeremaia 26:3

Na da attem bia hekkut dayeb amu, danab ah anen anen ag oolag eɗueb, eheɗ hak kobol ag hetteb tuɗidna iitai hekkulag. Ag eɗun ii tuɗidkkulag dayeb, da ag hipunin kuɗum henan daaegeg uɗie, gemu ele hetteb, da amunu uug naunab madakkulnu dabmak aomi daatte amu, da dabmak amu uuen ii hepa.

Jeremaia 35:15

Da haen kuɗum dahilad maɗi nid, ag propet amu, da ag maatti, ag gona, ag Israel, ag amelagppa inam appig. ‘Ag anen anen ag nau hak ahilag uun, ii henana, ag ena hak henana, ag kayak laa dim lamadna, waappa daan, ag oɗelag dim lamidkkulagnu aib heppig. Ag amu hekkulag dayeb amu, ag haen elab wan imuppa, da wan imu ag mamelkad aɗi mattami amu, ag wan imuppa haen elab daaglag.’ Da propet oɗelagppa haen kuɗum anam ami, amge ag daulag human, nai dahil ii dabmedappig. Ag dahil nai ii dooppig.

Jona 3:8

Laa ele amu, ag ohnab, danab, doɗ ele, ag lamen heɗiag ele maattak daana, ag Kayak amegppa ɠagattag unuqitteg! Aria, ag danab guittak nau mauhnoak mettak kobol, amu eheɗ hak laa oh ahilag uueg!

Sekaraia 7:7

Yawe Nug nai amu da meɗom, amu Nug nai amuib nuhig propet anukkanu, Nug ag oɗelagppa Juda danab ah iite madattom. Amu Nug ag amelagppa nai amu mattiaya aum, haen amuppa Jerusalem danab ah, aab laala Jerusalem talilidna daatteb ele dilag danab ah ele ag maɗoɗ, keekenu ele eleleppa daaegeg, amu Juda wan ooppa aben laa onig Negeb, amu laih qaban uɗitteppa qauko nakok qauko okkai diigppa daatteb amu, haen amuppa danab ah ele ag amuppa daappig.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

2 King 17:13

Yawe Nug Juda, Israel ele, ag nau aomnanu nai, nuhikkud propet oh oɗelagppa mattom. Nug ag oɗelagppa, Juda, Israel ele dilagppa inam aum. “Ag oolag eɗueb, ahilag kobol nau am uueg! Ag dahil haknunab nai, am ɗo nai ele, da ag mamelkad aɗi dim lamidkkulagnunab mattoya, dahilad maɗi nid, propet, da ag oɗelagppa ele ag amelagppa mehuqmi amu, ag amu dim lamitteg!” awa aum.