Aisaia 1:15 - Nobonob Baibel

¹⁵ Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Aisaia 1:15 Referans Kwoze

Maika 3:4

⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Prowerb 1:28

Amu da Doyak Dabmak Ena ele anam hekkul, amu haen amuppa aun aɗi ag dahil nai ii doon dim lamidppig ele amu, ag dahilnu ekkulag, amge da nob laa ii madapa. Ag da mattiɗkkulag, amge ag da ii aniɗmana.

Sekaraia 7:13

Amu Yawe Nukka Ɠagattag Oh Ele Nug atte. “Israel danab ah ag da ag amelagppa nai mattimi, haen amuppa ag dahil nai dooglagnu uuppig amunu, ag da onilppa eeg, da ele ii doomi.

Jeremaia 14:12

Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.

Sam 66:18

Da dabmak dahilppa hipunin qekkulnu dabmelom amu, Naɗi Nug unuqittak dahil ii doolo.

1 King 8:22

Solomon nug nai amu mattia mala, nug eɗua, Yawenu qaɗab guguitta ukka, qaɗab am noobppa daye, Israel danab ah oh noolagppa anam dayaya, nug eppeg laih laih oh bahia, eppeg oo oh otale hume daye,

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Sam 55:1

O Kayak, na dahil unuqittak dookkutnu oɗ medattem! Ao, da ehaniɗkkutnu oninppa ettem haenppa amu, na daut ii itumnanu unuqidttem.

Job 27:20

Baɗak eheɗ nau, ui oawa, keeke awa gotte bia, nuhigppa bette. Ao, ulah eheɗ nau tuqan he, nug nauhtte.

1 King 8:54

Aria, haen Solomon nug Yawe anam unuqittom amu, nug inam ha dayaya, Yawe unuqittom. Nug ukka, qaɗab noobppa gateg qaun o dayaya, nug eppeg laih laih oh bahia, eppeg oo oh otala huma daye, nug unuqittom. Nug unuqittak amu oh unuqittowa amu, nug eɗua aha hibaittom.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Matyu 6:7

Amunu haen ag unuqidtteb amu, ag iitta aɗi danab nai hamu kuɗum mattinna unuqidtteb, ag amubia aib heppig. Iitta aɗi ag atteb, ‘Ig nai kuɗum madipput amu Kayak Nug dookku,’ aon atteb,

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

Aisaia 8:17

Yawe, Nug gemu Jakop buɗub dimattowa, ii ehanadtte ele amu, da Nug ameg mebippi, ⌊Nug keeke oh hekkunu aum amu hekku⌋. Da Yawe, nuhignu oolppa genab dookkul.

Sam 134:2

Genab, ag nuhig mettid lagppa ag eppelag humana, Yawe binag meig!

Esra 9:5

Amu mana mettak danab ag tueb doɗ manan, Kayak mettaglagnu haen do, da dakka onil qei ne, heɗep nein daamippanu ahen, dahil lamen patiɗak dayeye, da dup noin, gatel qaun o, da eppel humai ta, Yawe, dahil Kayak, Nug daatteppa ukke,

Jon 9:31

Ig doottem, Kayak Nug hipunin danab oɗelag ii dootte, amge danab aun nug genab tutukku hak danab daatte, nug Kayak oo attem niitte amu hette ele amu, Kayak Nug nug oɗe dootte.

Eksodas 9:29

Paro nug anam a amu, Moses nug oɗeppa awa aum. “Da aab okkai ooppanu eɗue, dimittim goppi, haen amuppa na wan oh am Yawe, nuhigib daatte dookkutnu, da eppel attan hume, Yawe unuqidppi, geha hakkaɗ qak uueb, ais doɗo nette amu, amu ele iitta mekku.

Job 35:13

Am genab, Kayak Nug ahilag unuqittak haen amunuib ehanittak awaknu, dimppa Nug dim lamidkkulagnu ii dabmemana, Nug unuqittak amunu ii dabmette. Ge, Laa Nukka Ɠagattag Oh Ele Nug unuqittak amunu nakok laa ii dabmette.

Aisaia 4:4

⌊Danab laa ag Israel danab dilagnu, “Ag am Yawenu, oppiaawak ele,” akkulagnu diig am,⌋ Naɗi Nug nuhig ɠagattagppa Nug danab ah amu epeɗiatta, bappalatteb, ag Naɗinu, oppiaawak ele bena daan oiglag. Ib amuppa Naɗi Nug Sion ah oolagnu dubuttid, oolagppa aɗak daatte amu, Nug amu oh iha, oppieb ukkeb, Nug Jerusalem danab ag laa aqaeg mauhppig, ag beɗulagppa aab ele, Nug aab amu oh iha, oppieb gokku.

Aisaia 45:15

O Israel danab ah, genab ahilag Kayak Nug miag atiakib ii daatte. Iitta. Nug danab ah amelagppa lokkumak ele daatte. Nug am ahilag Kayak; Nug ag Israel, Nug ahilag Padal ii maknu ehanittak daatte.

Aisaia 58:4

Haen ag ee ohnu kud mena daatteb amu, haen amuppa ag nai aeg ona, aeg do, ag akka akka nug qenana, ag eppelag bitakkan, nau henana, nug makkuɗak, nug qak uɗat ele hetteb. Ag attem hena, ag ee ohnu kud mena daanna, kobol nau amu oh ele henana, da ahilag unuqittaknu dabmekkulnu dabmetteb?

Aisaia 64:7

O Yawe, ig hipunin heut, na ig ii ehanigttem. Ig hipunin heut, na he, ig ihinig hipunin waappa daat nauhttem. Ig anam aakku daattem amunu, auntai laa na ii unuqidtte. Yo, ig am anam aakku daattem amunu, auntai laa na tutukku dim lamidkkunu ii hette.

Jeremaia 4:31

⌊O gadon tuleglegppa da⌋ gayak doottem. Da ah nug nid tatamnu aokkunu haaha, ewawa aiqagatte, da gayak amubia doottem. Da gayak doottem am, ag Juda danab ah, ahilag. Ah laa nug laa ehanidkkunu eppeg bahia, “O gadonnab gadon, da mauhkkulnu hettem. Da danab nau eppelagppa daaiyi, ag heppeg mauhkkulnu hettem,” atte amu, ag Juda danab ah ag amubia daatteb doomi.

Jeremaia 11:11

Amu Yawe Nug atte. “Juda ag anam hetteb amunu, da heppi, uug naunab laa, ag eɗidna, ii anidmananu elele iitta, ahilagppa bekku. Uug naunab amu beebeb, ag da ehanadkkulnu da onilppa ekkulag, amge da ahilag ewak da ii doopa.

Esekiel 11:6

Ag danab kuɗum aab okkai imuppa aqaeg mauheg, aab imuam mauhak gaɗalag ambak daatte,” awa atte.

Esekiel 14:3

“Danab bekka, danab imu ag kayak hambuppuak dim lamadkkulagnu dabmak ag oolag unuqagppa meppig daatte. Ag amu hena, ag kayak hambuppuak dottolkad, amuam keeke nau, danab he na qette amu, ag amu noolagppa dup nona binalag metteb. Ag anam hetteb amunu, da nai laa ag madakkulnu am enate?

Esekiel 39:23

Israel ag anam dooppeg, wanppan wan laalappanu danab ag Israel ag dahilnu oo metta ii uuak kobol ii dim lamidna, hipunin heppig amunu, da hei, ag wan laappa diia ukka laih me dayak danab ah daaglagnu goppig dooglag. Israel ag anam heppig amunu, da ag ehanadkkulnu uuen, da kekeɗ eppelagppa maatti daaegeg, kekeɗ ag qep elabppa aqaeg mauhppig.

Hosea 5:6

Ag geha Yawe anidna, Nug dim lamittaknu Nug mattinna, ag ahilkad sipsip, meeme, amu makau main, Nug mettaglagnu akkan uɗiglag, amge ag Nug ii anidmana; Nug nukka awaitta, piɗe ukkom daatte.

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,