3 Jon 1:6 - Nobonob Baibel

⁶ Amu dilag ag Kristen tamaniak amegppa na ahilagnu oot mauhak doottemnu ele madippig. Amu danab amu ag gokkulagnu hebeppeg amu, Kayak Nug na danab amu attem ehanadkkutnu oo daatte bia ehanadkkut am ena.

3 Jon 1:6 Referans Kwoze

1 Tesalonaika 2:12

ig oo ɠagattag qaknu nai ag amelagppa mattitta, ig oo maɗoɗ dayaknu nai ele mattitta, ig ag Kayak Nug oo niitte bia elele oiglagnu nai mattamut. Kayak Nug, Nug ag nuhig ɗo maɗoɗppa, binag amahlak oppiaawak nuhig ele aon daaglagnu ag onilagppa ette.

Taitus 3:13

Na ɗonu doyak danab Senas amu Apolos ele, aa oiglahnu keekenu amu na elele ehanate! Aa amunu keeke laanu tutu aib daapiɗ!

Aposel 15:3

Amu Kristen tamaniak ag heeg, ag ahan Ponisia, Samaria ele tikkun gonana, ag appan Kristen amelagppa, Kayak Nug he, iitta aɗi ag oolag eɗuom amunu amelagppa appig. Ag anam heegeg, Kristen amu ag maɗoɗppan gamag ahak okkai dooppig.

1 Pita 2:20

Amge ag begbeg maɗi nid ag kobol eheɗ laa heppeg, ahilkad gumak danab ag guittak madappeg, ag begbeg maɗi nid ag ahan wagai ii mekkulag amu, ag amunu attemun ag nob ena aoglagnu dabmekkulag? Amge ag begbeg maɗi nid ag kobol ena laa heppeg, ahilkad gumak danab ag amunu ahan guittak madappeg amu, ag begbeg maɗi nid ag bodoettak daanna, eɗun wagai ii meppeg, Kayak Nug kobol amunu oo enaib daakku.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

Pilipai 4:14

Amge ag da ou iun, dahil uug ag ele maoppig amu, amuam kobol ena.

2 Korint 1:16

Da inam dabmemi. Da ahilagppa tatam ukkena, da ag uuatten, Makedonia ukkoya, geha da Makedonia uuatte eɗue, ag gumatte goppi, ag da meiɗppeg, Juda gokkulnu dabmemi.

Rom 15:24

amu da geha wan laa onig Spen appa gokkulnu dabmettem amunu da appa ugekke, da tatam ag anattoya gokkul. Da ag ele appa nakok daat, ool meeb, ahilag ehanittakppa da Spen gokkul.

Aposel 21:5

Aeg, ig aab okkai amuppanu ahat gokkunignu haen miag do, Kristen danab ag, amu ag waalkad, bekkalkad, aɗelkad ele ag qagmena, omaikkeg aab okkai dimittim dota, yu ihippa gatenig qaun ota unuqidmut.

3 Jon 1:12

Demitrius nug kobol ena hette amunu, danab oh ag nug binag metteb. Doyak diig genabib am ele nug onig hume, attan tette. Ig ele nug binag mettem, amu na doottem, ihinig nai am genab.

Aposel 15:29

‘Ag doɗ, danab ag doɗ amu main kayak hambuppuak dottolkad madappig ele amu, ag doɗ amu teppu ii lamana. Ag doɗ tiig ele ii lamana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag gappai kobol ele ii hemana.’ Ag keeke amu oh tutukku dabmettan, ii hemana am ena. Aakkuib. Ag ena daaglagnu oonig daatte.” Ag anam yaappig.

Genesis 4:7

Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.