3 Jon 1:4 - Nobonob Baibel

⁴ Ao, dahilad nid ag haen oh doyak diig genabib dim lamidna oitteb doyen amu, da maɗoɗppan gamag ahak okkai aottem; maɗoɗppan gamag ahak laa am maɗoɗppan gamag ahak amu eɗidkkunu elele iitta.

3 Jon 1:4 Referans Kwoze

Galesia 4:19

O nid dahilad, da ag Kristen bekkulagnu guittak naɗi, ah nid menukkunu guittak dootte, amubia doomi, amu gemu da ag Kristus daatte bia bekkulagnu guittak amubia baula doottem.

2 Timoti 1:2

amu, da na Timoti, da nahipnu nai imu yaattem. Nahipnu amu da bekkalnab doyeye, ool ele mauhtte. Mame Kayak, amu Kristus Jesus, ihinig Naɗi ele, aa ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

1 Timoti 1:2

Amu da na Timoti, na Jesusnu ooppa genab doyakppa da bekkalnab daattem, da nahipnu uɗug imu iikku yaattem. Mame Kayak, amu Kristus Jesus, ihinig Naɗi, Nug ele, ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

Prowerb 23:24

Aun nug bekka am genab tutukku hak nid daatte ele amu, nug mameg am oo gamag ahak okkai dootte. Ao, aun nug bekka nug doyak dabmak ena ele, nug nuhignu enanagnab dootte.

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

1 King 3:6

Kayak Nug anam a amu, Solomon nug aum. “Da mamel Dawit, nahip maɗi nid amu, nug nahipnu oo metta ii uuak kobol dim lamittatta, nug genab tutukku hak kobol ele heum amunu, na oo mauhaknab kobol okkainab nuhignu doon dim lamidme. Am gemu ele anamib na nuhignu oo mauhaknab doonna, na hee, da, nug bekka, da nug abenabppa king daattem.

1 King 2:4

Amu na Yawe oɗe dim lamidkkutnu diig laa am, na Nug waappa daappe, Nug anukka dahilnu keeke laa hekkunu da amelppa nai ana qakkom, am heeb bekku. Nai qakkak amuam inam. ‘Nahip nid ag ahilag oiyak atognokkulag dayeb, ag oo metta ii uuak kobol dim lamidna, da noolppa tutukku oiglag dayeb amu, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.’ Yawe Nug anam aum amunu, Solomon, na nuhig nai amu, na oh ena tutukku dim lamidppe, Yawe Nug nuhig nai ana qakkom amu, Nug ii loppaɗma. Iitta.

Galesia 2:14

Aria, ag Nai Ena ippunigtte amubia ii oippig anidmi amunu, da ag noolagppa Pita amegppa ami. “Na Juda danab, amge na iitta aɗi ⌊ag Kristen daatteb, amge ag Juda dilag dimittimnuib ɗo oh ii dim lamidna oitteb amu,⌋ na ag oitteb bia oittem. Anam amunu, na attem hena, na gemu iitta aɗi, ag Juda kobol amu dim lamidkkulagnu ɠagattag hettem?

Pilemon 1:10

Da na Onesimus, nug Jesusnu ooppa genab doyakppa da bekkal daatte, amunu na nug dabmedakkutnu unuqidttem. Da maniguittakppa dayeye, nug Jesusnu ooppa genab dookkunu ib am da ippunitti, nug am dahil nid bia daatte.

Aisaia 8:18

Aria da, amu nid naunau, Kayak Nug da meɗom ele amu, da ag ele ig iikku daattem. Am Yawe Nukka Ɠagattag Oh Ele, Sion qaukoppa daatte ele, Nug am Yawe, Nug ig otikka, Nug keeke oh Israel danab ah dilagppa hekkunu aum amu, ig amunu at, amunu epponak keeke bia daagnignu meikke daattem,” awa aum.

Aisaia 38:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

2 Korint 6:13

Gemu da ag amelagppa attem amu, da danab nug bekkod dilagnu atte bia attem. Ag ihinig oo mauhak kobol nob mekkulagnu, ag ele ahilag oo mauhak ihinignu ippunikkeg!.

1 Tesalonaika 2:11

Ag dootteb, ig ag anen anen, danab laa nug bekkod bahi aqatte bia, ag bahi aqatta,

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

2 Jon 1:4

Ao, da nahipad nid naunau laala ag doyak diig genabib Mame Nug ig anam dim lamidkkunignunab aum ele amu, ag amu dim lamidna daatteb doyena, da maɗoɗppan gamag ahak okkainab doottem.