3 Jon 1:1 - Nobonob Baibel

¹ Da Jon, da Kayaknu tamaniaknu ikki danab laa, da layalnab Gaius nahipnu nai iikku yaattem. Da genab nahipnu ool mauhtte.

3 Jon 1:1 Referans Kwoze

1 Jon 3:18

O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

1 Korint 1:14

Amu da ag oolagppa Krispus, Gaius eleib layatmi; danab laa oh ag iitta amunu, da amunu Kayak amegppa, “Ena heme,” attem.

Rom 16:23

Amu Gaius, da nug laugppa daaiyi, nug da atognoiɗtte, Kristen tamaniak nug laugppa ele qagmetteb amu, nug ele ag humadtte. Amu Erastus, nug am aab imunu men doɗo gumak danab, amu ig lainig Kwartus ele, aa ele ag humadttep.

Aposel 19:29

Ag anam aon eeg amu ewak baag naɗinab aab okkai amuppa ahehe, danab ah oh ag muttub qenana, ag ahan oh qaiqaɗ qagmak abenppa gonana, ag Gaius, Aristarkus ele aɗualatna eeɗatna ag ele oh goppig. Aa amu Makedonia danab aɗit, aa Pol ele oh oippig.

Aposel 20:4

Dabmeum amunu, Beria danab Sopater, nug am Pirus bekka, amu Tesalonaika danab aɗit Aristarkus, Sekundus ele, amu Derbe danab Gaius amu Timoti amu Asia danab aɗit, Tikikus, Tropimus ele, ag oh Pol ele goppig.

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

3 Jon 1:2

O lai gamal, Na Kayak ele oittep, oiyak nahip amuam ena daatte doottem, amubia amu na keeke ohppa ena daakkutnu Kayak unuqidttem.