2 Timoti 4:5 - Nobonob Baibel

⁵ Amge nahipnu amu, na haen oh dabmak amahlak ele daye! Uug haenppa na ɠagattag daanna oiye! Kayak nai mehuqak uɗat am na he! Na Kayaknu mehuqak danab daakkutnu amu, na aɗi uɗat hekkutnu daatte amu na he!

2 Timoti 4:5 Referans Kwoze

2 Timoti 1:8

Amunu amu na ihinig Naɗinu madikkutnu uɗan aib neum. Da nuhig nai mehuqen, maniguittakppa daattem amu, dahilnu ele na uɗan aib neum. Iitta. Kayaknu ɠagattag amu ehanittebeb, da na ele i oh uug laala Nai Ena mehuqaknu betteb amu, uug amu oh i maoɗ oiɗu!

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

2 Timoti 2:3

Kristus Jesusnu daup ena nug hekkunu daatte bia, na anam oibppe, uɗat imunu uug ig Kristusnu daup laala ig ele oh laippu maognig.

Kolosi 4:17

Aria ag Arkipus amegppa, “Na uɗat Naɗi eppegppanu aome amu, na uɗat amu heppe gogppa taɗ!” aon appeg doyaɗ!

1 Timoti 4:12

Na am nid bau amunu, danab laa nug nahipnu ena iinab doomanu na enaib oiye! Na mauhnoak aib oime. Iitta! Na nahip nai mattiak, oiyak, oo mauhak, ooppa genab doyak, amu kobol oppiak nahip eleppa, danab ag Jesusnu oolagppa genab dooppig ele, ag nahip kobol amu oh anidna dim lamidkkulagnu elele daaglagnu oiye!

Aposel 21:8

Deɗ laippu amu uue, wagɗe deɗ amuppa ig Tolemes uuta gota, Sisaria teta amu ig gota, Pilip, nug Nai Ena mehuqak danab amu, ig nug laugppa nug ele daamut. Nug am digmakppa danab eblaih aɗit ele laa ag totol danab ehanadppig ele, nug am amunu oolagppan laa.

1 Timoti 4:15

Keeke amu oh amu na dabmenan, uɗat he! Danab oh ag na uɗat nahip hekkutnu dabmak aome ele, na dabmak amu dabmena uɗat amu hena, tuɗidna, dabmak laa ele aon hettem anidkkulagnu amu, na hik nitteb he!

1 Tesalonaika 5:6

Amunu amu, ig laala niitteb bia aib niimut. Iitta. Ig haen oh dabmetata daatta, ikka ig ihinig oiyak pehettak atognoak kobol dim lamidta oitu!.

Revelesen 3:2

Aib niime! Na ahan beɗun tatualna, kobol ena na nakok aɗalatte, mauhkkulagnu hetteb amu, na eɗun ɠagattag matte! Aɗinu? Nahip hak am Kayak dahil neekkakppa tutukkunab ii daatteb anidmi.

Epesus 4:11

Nugib ehah iɗu iɗu matta, danab laa ag totol danab dilag uɗat hekkulagnu mattom. Laa ag propet daaglagnu mattom. Laa ag nai mehuqak danab daaglagnu mattom. Laa ag pasto am laa ag ippuanittak uɗat hekkulagnu mattom.

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Luk 12:37

Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Mak 13:37

Nai imuam ahilagib iitta. Da danab ah oh dilagnu ele attem. “Ag dabmenan dayeg!” awa aum.

Kolosi 1:25

Kayak nukka Nug da tituaniɗe, da Kristen tamaniaknu maɗi nid, ag ehanadkkulnu bemi. Uɗat dahil amu da Kayaknu Nai Ena oh genab tutukku mehuqkkulnu daatte.

Rom 15:19

Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.

Mak 13:34

Haen amu inam bia bekku. Danab laa nug atu laih gokkunu aha, nug laugppanu uɗat oh otia, nuhikkud maɗi nid eppelagppa mewowa, laa nug od gumom ele, nug nuhig okkai eɗua uɗikkunu dabmaama daakkunu awowa, aha ukkom.

Esekiel 33:2

“Danab bekka, na nahipad huu, ag am Israel danab ah amu, na ag amelagppa nau aomanu dabmettak nai inam appe doyeg! ‘Da Yawe, da deɗ laa heppi, kekeɗ ag ban hekkulagnu wan laappa gokkulag. Da anam heppi, wan amuppan danab ag oolagppan laa nug aɗi uɗitte anittak danab daakkunu tituankkulag.

Esekiel 3:17

“Danab bekka, da na Israel dilag aɗi uɗitte anittak danab daakkutnu tituanidmi amunu, da na amenppa ag nau aomnanu nai appi, na dahil nai amu ag matte!

Jeremaia 6:17

Amu da aɗi uɗitte anttak danab ehanadkkulnu maatte, da, ‘Danab amu ag trampet iwalppeg, ag doyeg!’ ami, amge danab amu ag trampet iwalegeg, ag dooglagnu uuppig. Ag, ‘Ig ii doomta,’ appig.

Aisaia 62:6

Juda danab ah, aɗi uɗitte anittak danab ag aab okkai Jerusalem ena daakkunu aab amunu aɗppa daan, ehanidnana, maɗi ahilag hetteb amu, amubia da ag ena daaglagnu ahilag ehanittak danab maatti daatteb. Ahilag ehanittak amu ag amunppa, tuqanppa ele toettan ii daamna. Ag Yawe unuqidkkulagnu ii uumna. O danab ah ag Yawe unuqidtteb ele amu, ag hik aon daaglagnu aib heppig!

Esekiel 33:7

Yawe Nug anam ana, Nug nai tuɗitta aum. “Danab bekka, da na Israel dilag aɗi uɗitte anittak danab daakkutnu tituanidmi amunu, da na amenppa ag nau aomnanu nai appi, na dahil nai amu ag matte!

Epesus 4:12

Kristus Nug beɗu ena, ɠagattag daakkunu amu, Nug Kayaknu danab ah oppiaawak ele ag uɗat ena hekkulagnu, uɗat anen anen danab amu anam mattom.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Matyu 25:16

Nug ukke, laa nug talent tanig ele awom amu, nug pahanab awa ukka, men doɗoppa uɗat haaha, talent tanig ele baula awom.