2 Timoti 4:14 - Nobonob Baibel

¹⁴ Aleksander, nug am keeke brasppa hak doyak danab amu, nug da eheɗnab heiɗom. Dimppa Naɗi Nug kobol nug heum ele, amunu eleleppa nob medakku.

2 Timoti 4:14 Referans Kwoze

1 Timoti 1:20

Kobol amunu amu Himeneus, Aleksander ele aa anam hepiɗ. Aa anam heeh, da aa tamaniak ooppanu lamati, dimittim Satan eppegppa wapiɗ daattep, amuppa aa oolah eɗueb, aa baula Kayaknu dabittak nai ii mattimyanu dabmak aoglah.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

Sam 28:4

Am ag kobol ena iitta, am kobol nau, ag amu hetteb amunu, da na ag ahilag hak ena iitta, am hak nau amu, na amu oh eleleppa bu madakkutnu oɗ medattem. Ao, ag eppelagppa aɗi kobol ena iitta heppig amu, na ag ahilag hak ena iitta amu eleleppa nob madakkutnu unuqidttem.

1 Samuel 24:12

Am Yawe Nug geha kobol dahil, amu nahip kobol ele awa, i oonihppa aun nug eheɗ hette anidkkunu i oh hettoɗitkkunu ool daatte. ⌊Nug anam ha, nug geha anidkku, da eheɗ ii hemi⌋, amu geha Nugib na eheɗ hemenu nob tutukku medakkunu ool daatte, amge da am, da keeke eheɗ laa nahip-ppa ii hepa.

Revelesen 18:6

Ag nuhig kobol nau amunu dabmena, nob nau elelenab eɗun metteg! Nug kobol nuhig nau qagme, kuɗumnab beum, amubia ag tuɗidna, ag nuhig nob nau qagmena kuɗumnab metteg! Nug laa dilagnu le nau kap-ppa kaboliom bia, ag le naunab tuɗidna, kap amuppa kabolina, kuɗum metteg!

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.

Jeremaia 15:15

Yawe Nug anam a, da ami. “O Yawe, laa ag guittak meɗatteb na doottem amunu, na dahilnu dabmena, atognoiɗkkutnu oɗ medattem. Ao, na heppe, laa guittak meɗatteb, ag nob nau aoglagnu unuqidttem. O Yawe, laa guittak meɗatteb amu, ag amu hebeppeg, na oo maɗoɗ ele dayak kobol dim lamidppeppe ukkeb, ag da iuppeg mauhpanu oɗ medattem. Na da nahipnu anuqak doyen oiiyi, laa guittak meɗatteb amu, na amu dabmekkutnu oɗ medattem.

Sam 62:12

Ge, O Naɗi, oo mauhaknab kobolnu diig am naib. Am genab, na danab anen anen aɗi hetteb anidnana, ag nob tutukku madattem.

2 Samuel 3:39

Kayak he, da goɗen gokkaɗakppa tituanak, da amuppa gemu king daattem, amge da am ɠagattag okkai iitta. Seruia bekoɗ imu aa am ɠagattag okkainab ele. Aa eheɗ hepiɗ amu, Yawe Nug eheɗ hak amu andatta, Nug eɗua ahilah eheɗ hak eleleppa nob matakkunu ool daatte,” awa aum.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.

1 Jon 5:16

Laa nug layag hipunin hette anidtte, amge hipunin am he, danab mauhtte, amu iitta ele antta amu, nug layagnu Kayak unuqitteb, Kayak Nug heeb, nug layag bau daakku. Nai amuam hipunin nug he, danab ii mauhtte amunuib, amge hipunin laa nug he, danab mauhtte ele amu, da ag amunu unuqidkkulagnu ain ii attem.

Rom 2:6

Kayak Nug geha danab oh kobol ag heppig ele amunu nob elele madakku.

2 Timoti 4:15

Na ele nuhignu dabmena autna awe! Aɗinu? Nug ihinig nai tappeb na autanab aokkunu dabma heum.

Gayak Nai 3:64

O Yawe, laa ag amu hetteb amunu, na ag dahilppa eheɗ hettebnu nob elele ag madakkutnu oɗ madattem.