2 Timoti 4:11 - Nobonob Baibel

¹¹ Luk nukkaib da ele daattep. Mak nug da uɗat hettemppa ehaniɗkkunu elele amunu, haen na uɗikkut amu, na nug aoppe, aa oh uɗieɗ!

2 Timoti 4:11 Referans Kwoze

Aposel 12:12

Nug anam ana, kobol beum amunu dabma, meu anam doyom, Jon Mak anig Maria, nug laugppa ukkom. Appa danab kuɗum ag qagmena, unuqidnana daappig.

Pilemon 1:24

Dahilad uɗat laippu Mak, Aristarkus, Demas amu Luk ele ag na humidtteb.

Aposel 12:25

Kayaknu nai amu anam aha ugekke, Barnabas, Saul ele aa Jerusalem daayya, maɗi ahilah maloya, eɗui Antiok gokkulahnu heya, aa Jon Mak aoeh, nug ele oh goppig.

2 Timoti 1:15

Na doome, Asia danab ag oh da uuiɗna goppig; danab amunu oolagppa am Pigelus, Hermogenes ele.

Kolosi 4:14

Luk, ig lainignab, nug dokta, nug Demas ele aa ele ag humadttep.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

Aposel 15:39

Pol anam doyom amu, aa amunu nai okkai mattiya hepiɗ amunu, aa uɗatppa laippu baula ii oidpiɗ. Iitta. Barnabas nug Jon Mak awe, aa uub laappa teya, Saiprus gopiɗ.

1 Pita 5:13

Amu Kristen tamaniak laa ag bia Babilon daatteb, Kayak Nug tituanattom ele amu, ag ele humattak nai ahilagppa meeg gotte. Amu da bekkal Mak nug ele humattak nai me gotte.

Aposel 16:10

Pol nug keeke amu anam antte, aria wagɗe ig ahat paha Makedonia gokkunignu ib mattimut. Ig amut. “Ig doottem, Kayak Nug ig oninigppa eum, ig gota Nai Ena ag amelagppa mehuqpput dooglagnu aum,” aot amut.

Luk 13:30

Ao, danab laala gemu dim daatteb amu, geha ag anuqkkulag, amu danab laala gemu ag anuqak daatteb amu, geha ag dim daaglag,” awa aum.

Matyu 20:16

Jesus Nug anam ana amu, Nug nai tuɗitta aum. “Amubia dim daatteb amu, ag anuqkkulag. Anuqak daatteb amu, ag dim daaglag,” awa aum.

Matyu 19:30

Amge danab kuɗum anuqak daatteb amu, ag dim daaglag. Am kuɗum laa ag dim daatteb amu, ag anuqkkulag,” awa aum.

Hosea 14:4

Amu Yawe Nug ⌊danab anam unuqidkkulagnu dimppa inam akkunu⌋ atte. “Dahil oo nauhak am iitta ma, qeta awom. Qeta awom amunu, da heppi, ag baula da di-ii-meɗona, kayak hambuppuak laala ii dim lamidmana. Ao, da oo qak iittappa ahilagnu ool mauhkku,” awa atte.

Aposel 15:37

Pol nug anam awa a amu Barnabas nug ena doya, Jon Mak ele oh gokkulagnu oo heum.

2 Timoti 2:21

Amunu amubia danab laippu laa nug kobol nau oh amu lamitte ukke, nug oppiaawak daatte dayeb amu, nug am tappiɗ, nuhignu enanag dootteb, amubia nug Kayak amegppa enanag daakku; nuhig uɗat hekkunu elele. Nug aɗi uɗat ena oh hekkunu babaittak daakku.