2 Timoti 4:1 - Nobonob Baibel

¹ Jesus Kristus Nug eɗua uɗikku, nuhig ɗo maɗoɗ ele daakku, Nug bau dayak aɗi amu mauhak aɗi ele epeɗiadkku amu, da Nug amu Kayak ele, aa noolahppa na uɗat imu hekkutnu ɠagattag amenppa attem.

2 Timoti 4:1 Referans Kwoze

Aposel 10:42

Amu Nug ig nai ena mehuqkkunignu ana, ig danab ah amelagppa Kayak Nug Jesus dimppa mauhak aɗi, bau dayak aɗi ele epeɗiadkkunu tituanittom, Nug ig nai amu ele mehuqkkunignu haknunab nai ig mekkom.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

1 Timoti 5:21

Kayak, Kristus Jesus, amu Kayaknu engel oh ele noolagppa da tutukku na amenppa iikku attem. Na uɗat amu tutukku atogno! Na atognonana, na ameg laa dilagppa nai bodoettak anana, ameg laa dilagppa nai ɠagattag aib mattime; na laanu ena doon, laanu ena iitta doon, aɗi keeke laa aib heme!

2 Timoti 2:14

Na haen oh keeke imu oh nahipad danab ah ag daulagppa dokkunu amelagppa appe doyeg! Na Kayak noobppa ag amelagppa ag nau aomnanu nai ana, ag nai onig digdignu nug aib qeppig. Nai onignu nug qak, amuam meu iitta, danab laa ele ii ehanidtte. Kobol amuam danab ag nai amu dootteb amu, am ag he nauhtteb aakkuib.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

1 Jon 2:28

Ao, nid naunau dahilad, haen Nug miag atieb, ig ɠagattag daagnignu, ig uɗa nak ele ii aomtanu amu, ag Nug ele laippu dayeg!

1 Pita 4:5

Amge dimppa ag akka Kayak amegppa ag kobol hetteb amunu miag atinna akkulag. Nug am epeɗiak danab anuqak, amu Nug danab bau daatteb, amu mauhppig ele oh kobol anen anen heppig amuppa epeɗiadkkunu babaittom daatte.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

2 Tesalonaika 2:8

Haen amuppa ɗo ii dim lamittak danab nug miag atieb, dimppa Naɗi Jesus, Nug geha Nug oɗeppa ouɗi iwaleb, qeeb mauhkku. Yo, Naɗi Nug nuhig amahlak naɗi ele uɗia, miag atia, amahlak amuppaib Nug ɗo tappe nak danab amu heeb nauhkku.

Rom 2:16

Amunu epeɗiak deɗ ana uɗieb, Kayak Nug geha danab oh dilag kobol lokkumak daatte, ahilag dabmak lokkumak daatte ele Jesus Kristus nuhigppa, da Nai Ena mehuqttem bia, epeɗiadkku.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Sam 98:9

Heppeg, keeke amu oh ag Yawe noobppa anam heig! Aɗinu? Yawe Nug wanppan danab ah oh epeɗiadkkunu uɗitte. Nug genab tutukku hak kobol dim lamitta, epeɗiak amu hekku. Ao, Nug wan atu ohppan danab ah nai doya mala hettoɗia epeɗia elele mettak kobolppa epeɗiadkku.

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.

2 Pita 1:11

Aria, ag kobol amu hekkulag amu, Kayak Nug ag diia, ag Nug ele laippu dayaknu ooppa elele doya aut auta awa heeb, ag ihinig Naɗi, Nug am ihinig Padal ii maknu ehanittak, Jesus Kristus, ag nuhig ɗo maɗoɗ hanhannu ooppa daaglag.

Luk 23:42

Nug anam ana, nug Jesus amegppa aum. “Jesus, haen na nahip ɗo maɗoɗppa daanna amu, na dahilnu dabmekkutnu ool daatte,” awa aum.

Luk 19:15

Ag anam appig, amge wan laappa ag nug king daakkunu ehah mettaeg, dimppa nug eɗua uɗia, nug maɗi nid anukka nug men doɗo mattom ele onilagppa e, ag oh anen anen men doɗo amu tuɗidna tuɗittak gane aoppig amu nug dookkun aum.

Luk 19:12

Nug mattia aum. “Anuqak danab laa nug aha, wan laappa uma ukkeb, appa ag nug nuhig wanppanu king daakkunu ehah medappeg, dimppa amu nug eɗua uɗia, king daakkunu dabmeum.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

2 Pita 1:17

Haen Mame Kayak Nug Jesus binag huma, binag amahlak oppiaawak ele hab aabppanu mettom amu, ig doomut. Kayak Nug inam aum. “Imuam da Bekkal, da nuhignu ool mauhtte. Da nuhignu enanag doottem,” awa aum.

Kolosi 3:4

Amu Kristus, Nug am ihinig bauklel diig, haen Nug miag atikku amu, ag ele miag atippeg, Nug binag amahlak oppiaawak ele daatte, ag Nug ele binag amahlak oppiaawak amu ele daaglag.

Sam 50:6

Hab daup ag Kayak Nug genab tutukku kobolib dim lamidtte ippunigtteb. Aɗinu? Nug nukka, Nug am epeɗiak danab daatte ⌊amu Nug hanhan nai doya mala hettoɗia epeɗia elele mettak kobolib dim lamidtte⌋. Sila.

2 Timoti 1:10

Amu lokkumak dayom, amge gemu ihinig Eɗua Awikkak Danab, Kristus Jesus, Nug uɗia he, miag atiom. Nug mauhaknu ɠagattag he iitta me, ig attemun bauklel aognig amu Nug Nai Enappa ippunikkom.

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.