2 Timoti 3:2 - Nobonob Baibel

² Danab ag akka akka ahilagnu, amu men doɗonu ele oolag mauhkku. Ag akka beɗulag humana, ag dada kobol hena, dabittak nai ele mattiglag. Geha ag anilkad mamelkad oɗelag tabappeg neebeb, ag anen anen ag laanu, “Ena hen meɗame,” ii doomna. Ag oppiaawak ii oimna.

2 Timoti 3:2 Referans Kwoze

Pilipai 2:21

Danab laa oh ag akka ahilagnuib dabmenana, Jesus Kristusnu uɗat atognokkulagnu dab-ii-metteb.

Sam 10:3

Aɗinu? Nau hak danab ag eheɗ henana, en kuɗum aoglagnu dabmenana, ag amu haknu ag akka binalag metteb. Ao, ag danab baubau awaknu hik qak kobol dim lamidtteb binalag mena, ag Yawe Nug eheɗ laa awaknu anak waappa daakkunu anan, dimedatteb.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

2 Timoti 3:4

Ag kadoi layag kekeɗ eppelagppa mak kobol, ahilag dabmak nau paha dim lamittak kobol, amu enaen mak kobol ele hekkulag. Geha ag beɗunu gamag ahak digdig kobol amunuib oolag mauhebeb, Kayaknu amu oolag ii mauhma.

1 Timoti 6:10

Keeke eheɗ ohnu diig laa am enubnu oo mauhak kobol. Danab laala ag enub ele daaglagnu wagai metteb ele amu, ag aakku ooppa genab doyak kobol uuna, uug kuɗum aakku aoppig daatteb.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Kolosi 3:5

Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Timoti 6:4

danab amu nug hamu, ikki okkai kobol aakkuib hette. Nug diignu doyak tutukku laa ele iitta. Nug oɗmak hamu ge iitta hekkunu, nai onig diignu, naippa nug mehqak kobol amu ele hekkunu oo okkai daatte. Kobol amuppa kobol nau digdig ele betteb. Am inam: laanu ameg qe oo elele ii dayak kobol, naippa nug qak kobol, baeg qak nai anak kobol, layagnu dabmak eheɗ awak kobol amu

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Revelesen 16:11

Ag guittak doona, ag Kayak, hab aabppa daatte amu, ag nuhignu dabittak nai appig. Aɗinu? Ag ihilag eheɗ guattom, amge ag ahilag hak nau, amunu oolag laa ii eɗuom. Iitta.

2 Pita 2:12

Amge hambuppuak ippunittak danab ag am keeke ii doottebnu dabittak nai maditteb. Ag am doɗ dabmak iitta ele daatteb bia daatteb. Ag am doɗ dakkuɗ ag aɗi aɗi hekkulagnu daatteb amu, ag dabmenan ii hetteb. Iitta. Ag hakib hetteb, amubia ippunittak danab hambuppuak imu ag anam hetteb. Ag am doɗ pelemppa aɗualadta, aqadkkunignuib menuattak bia daatteb. Ag geha doɗ dakkuɗ bia padal mekkulag.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

Jems 4:16

Amge, gemu ag hetteb amu, ag akka akka beɗulag humatteb. Beɗu humak kobol amubia oh am kobol eheɗ.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

Rom 11:18

Amge ag eppekkud otakkattak, hamu daatteb ele, ag amu dilag nai eheɗ aib appig. Ag nai eheɗ amananu amu ag dabmena autna aweg! Ag diɗi ii gumatteb. Iitta. Diɗi ag gumadtte. Ag am eppekkudib daatteb.

Daniel 7:25

King amu nug Kayak Attannab Laa Oh Eɗattaknu nai nau anana, nug Kayaknu danab ah oppiaawak ele uug nau madatta, nug heeb, ɗo laala Kayak meum, keeke laala ele Kayak meum daatte baolikkunu hekku. Nug anam heebeb, Kayak Nug ib oo ii nekku amunu, king amu nug Kayaknu danab ah oppiaawak ele maɗ ewam maha ele eɗadkku.

Revelesen 16:21

Amu ais maha, ahilag uug anen anen amu 50 kilogram anam, habppanu nena, danab qaɗelkadppa neppig. Ais okkainab amu nak am naunab nau amunu, ag Kayaknu dabittak nai appig.

Jems 2:8

Kayaknu ɗo maɗoɗ ooppa dayaknu ɗo anuqak laa Kayak naippa daatte am inam. “Na nakka nahipnu oot mauhtte, amubia na laipad dilagnu ele oot mauhaɗ!” Anam amunu ag ɗo amu genab dim lamidkkulag dayeb, ag aakku kobol ena hekkulag.

1 Timoti 3:3

Nug le ɠagattag lanak danab, o laa guittak nau mauhnoak mettaknu tiigppa dayak danab ele ii daama. Iitta. Nug am oo bodoettak danab dayaya, nug mehqak ii hema. Nug ele oo men doɗonu aib mauhom.

1 Timoti 1:20

Kobol amunu amu Himeneus, Aleksander ele aa anam hepiɗ. Aa anam heeh, da aa tamaniak ooppanu lamati, dimittim Satan eppegppa wapiɗ daattep, amuppa aa oolah eɗueb, aa baula Kayaknu dabittak nai ii mattimyanu dabmak aoglah.

Aposel 5:36

Aɗinu? Ag imu dootteb. Matu haen Teudas nug aha, ‘Da danab okkai,’ ana, nug nukka binag ma hambuppualatta he, danab 400 ag ahan dim lamidppig. Amge gabman nug Teudas qe mauhe amu, danab ag nuhignu oolagppa genab dooppig ele, ag ele matatun ukkaeg, nuhig uɗat aakku iitta meum.

Luk 16:14

Amu ɗo gumak danab-Parasia, ag am men doɗonu oolag mauhom amunu, Jesus Nug nai amu oh mattie doona, ag ahan, nuhignu guhuɗittak nai madippig,

Revelesen 16:9

Danab ag gakkaɗak huanaknab amu anam ewatta auta awe, ag Kayak Nug keeke nau danab uug okkai madatteb amu oh gumattom ele, ag nuhignu dabittak nai anana, ag oolag ii eɗuom, Kayak binag amahlak oppiaawak ele ii medappig.

Revelesen 13:1

Anam daye amu, da doɗ dakkuɗ laa qeqeɗi eblaih laih ele, ikki eblaih aɗit ele, nug qeqeɗiudppa haɗ eblaih laih ele daappig amu, da nug yuppanu beebe anidmi. Nug ikkiudppa amu, onilag laala yaak ele. Onilag amuam Kayaknu dabittak nai.

2 Korint 5:15

Nug danab oh abenlagppa mauhomnu diig am, Nug danab oh daatteb, ag akka ahilagnuib dabmena ii oimnanu heum. Iitta. Ag am laa, Nug danab ehanatta mauhe, Kayak he, Nug eɗua hibaittom amu, ag nuhignu dabmenana oiglag.

Matyu 15:6

nug men doɗo amuppa anig mameg ele binalah matakkunu ii ehanatma.’ Ag anam henana ag, ag alalkad aɗi dilag ɗonu anuqak doon dim lamidtteb, amu amuppa Kayaknu nai am hamu bia daatte.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,

Sam 49:6

Kekeɗ dahilad amu, ag ennu oolagppa genab dootteb. Ao, ag enulag okkai okkai amu ehanatteb, padal ii memana atteb.

Sam 52:1

O ban danab naɗi, ⌊Doeg,⌋ aɗinu na nakka na eheɗ hemenu binan mettem? Kayaknu oo mauhaknab kobol ⌊dahilnu dim lamidtte am⌋ hanhan daatte.

Luk 6:35

Amge ag kekeɗ ahilkadnu ag oolag mauhaɗ! Amu ele ag ahilagppa kobol ena heig! Danab ag ahilagnu lon aoglagnu appeg amu matteg! Mattona, dimppa ag ahilagppa keeke amu eɗun aoglagnu aib dabmeppig. Ag anam heppeg amu, nob ena ahilag am okkai daakku. Ag Kayak Attannab Laa Oh Eɗattak, ag Nug bekkod daaglag. Aɗinu? Nug nuhig oo doyakppa danab laala, ag danab nau, danab nuhignu dab-ii-metteb ele, ag akka ahilagib dabmetteb ele, Nug amu dilag ele keeke ena madatte.

1 Timoti 1:9

Ig ele doottem, ɗo nug genab tutukku hak danab dilagnu ii daatte. Iitta. Ɗo nug ɗo ii dim lamittak danab dilagnu, am nai tappe nak danab dilagnu, am Kayak dimettak danab dilagnu, am hipunin danab dilagnu, am laa Kayaknu oppiaawak ele ii daatteb dilagnu, am laa Kayak dab-ii-mena wannu kobol dim lamidtteb dilagnu, am laa ag mamelkad anilkad aqaeg mauhtteb dilagnu, am danab ag lailkad aqaeg mauhtteb dilagnu,

2 Pita 2:10

Kayaknu kobol amuam, nug genab danab laa ag ahilag oo hak naunab dim lamidnana, Kayak oɗe dim lamittaknu ena iinab dootteb, am ag tonadkku. Ippunittak danab hambuppuak amu, ag akka ahilagnu ag am ɠagattag doonna, ag laanu dab-ii-menana, ag hab aabppan engel dilagnu baeg qak nai mattiglagnu ii baɗatteb.