2 Timoti 3:13 - Nobonob Baibel

¹³ Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

2 Timoti 3:13 Referans Kwoze

1 Timoti 4:1

Kayak Ouɗi Nug miag ippunigtte, haen gamag imuppa danab laala ag oolagppa genab doyak uuna, ag ouɗi hambuppuak dilag nai, amu ouɗi nau dilag nai ele dim lamidkkulag.

2 Pita 2:20

Amu danab ag ihinig Naɗi Jesus Kristus, Nug Padal ii maknu ehanittak ihinig ele daatte amu, ag Nug doon, amuppa ag wanppan kobol nau uutteb, amge ag eɗun kobol nau amunu baula hekkulagnu watteb dayeb amu, danab amu ag aakku qagaiettak tatam nakok bia aoglagnu daappig, amge gemu amu ag qagaiettak naɗinab aoglagnu daatteb.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

2 Timoti 3:8

Anukka Janes, Jambres ele aa Moses kekeɗ medapiɗ bia, danab amu hetteb ele, ag am doyak diig genabibnu kekeɗ daatteb. Dabmak ahilag aakku nauhom, ahilag ooppa genab doyak amu hambuppuakib.

2 Pita 3:3

Amu ag tatam inam dooglagnu, daulagppa dokkunu ele amelagppa attem. Gog tak haenppa eheɗ hak danab laa ag bekkulag. Amu ag beɗu kobol eheɗ ahilag dim lamidna, kobol ena genab amu aon aon qettana imidkkulag.

Job 12:16

Kayak Nug ɠagattag oh ele, Nug doyak dabmak ena hambuppuak nakok laa iitta ele; laa nug layag hambuppuidtte, layag bubuittom ele, aa oh Kayak eppegppa daattep.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Revelesen 18:23

Lamnu amahlak ag baula nahip-ppa ii amahalmana, danab ah aokkunu, ah nug danab aokkunu ele, aa baalah oqotti ele nahip-ppa baula ii daama,” awa aum. Awowa amu, nug nai tuɗitta aum. “Anukka nahipad keeke laihnu awa dadennu mak danab ag wanppanu danab okkai daappig, amu na onig awak kobol nahip-ppa na atu atu danab amelag aonna, ham-ele-buppualadme.” Engel ebehi ele nug anam aum.

2 Korint 6:8

danab laala ag ig oninig humaegeg amu danab laala ag am ig oninig aɗaeg notte eleppa, amu danab laala ag am nai nau ig dimunigppa mattiegeg, danab laala ag ig kobol ena hettem amunu maditteb eleppa, ig amu ohppa ig am Kayaknu maɗi nid daattem ippunadttem. Am laala ag ihinignu hambuppuak danab anam doigtteb, amge ig am anam iitta, ig nai genabnabib madittem.

Esekiel 8:13

Kayak Nug anam ana, Nug nai tuɗitta, da amelppa aum. “Ag kobol hetteb, da kobol amunu oolppa uuaknab doottem amu, ag hetteb imu na anidme, amge na kobol nau laa Israel ag hetteb, kobol amunu nau hak am imu eɗittak, na amu ele anidkkut,” awa aum.