2 Timoti 2:7 - Nobonob Baibel

⁷ Na da attem imunu dabmak aoppeppe amu, Naɗi Nug dabmak nahip matuleb, nai imu oh diig tutukku anidkkut.

2 Timoti 2:7 Referans Kwoze

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Luk 24:45

Nug anam ana, Nug Kayak nai amu ag ag oolagppa tutukkunab genab maitteb dooglagnu ippuanattatta,

Jon 14:26

Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

1 Timoti 4:15

Keeke amu oh amu na dabmenan, uɗat he! Danab oh ag na uɗat nahip hekkutnu dabmak aome ele, na dabmak amu dabmena uɗat amu hena, tuɗidna, dabmak laa ele aon hettem anidkkulagnu amu, na hik nitteb he!

Kolosi 1:9

Deɗ i nai amu doomuɗ, deɗ amuppa i diig amunu Kayak ag ehanadkkunu digmeɗa unuqidɗaɗa daattep. I ahilagnu daunih ii atitte. I Kayak ag ehanatteb, ag nuhig dabmaknab awak attem daatte dooglagnu, Kayak Ouɗi Nug ag doyak dabmak ena ele, amu oo maittak ele oh ag matteb, ahilag dabmakppa daakkunu unuqidttep.

Jon 16:13

Amge Kayak Ouɗi, doyak diig genabib diig, haen Nug na, Nug keeke oh doyak diig genabibppanu ippunadkku. Nug nukka nuhig dabmakppa ii mattima. Iitta. Nug aɗi doyom aakkuib madikku. Aɗi aɗi dimppa bekku, amu ele ippunadkku.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

Hibru 12:3

Ag Jesus aɗi ippunigtte am antteg! Hipunin danab anukka ag Jesus kekeɗ okkai medappig, amge Nug ɠagattagnab dayom. Ag gemu oolagppa genab dootteb amu, ag keeke amu dabmena, ag ele aib bahilag yom; ag ebehilag ele aib bodoettom.

Hibru 7:4

Aria Melkisedek nug am danab onig okkai ele amu, ag antteg! Nug am onig okkai iitta ele daalo amu Abraham nug ban ha, keeke awom amu ameg 10 oolagppanu laippu nug ii mettalo amge anam iitta. Nug ameg 10 oolagppanu ameg laippu mettom.

Hibru 3:1

Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!

1 Korint 12:8

Kayak Ouɗi Nug danab laa dabmak ena laa ippunadkkunu ehah medatta, Kayak Ouɗi laippu amu, Nugib danab laa nug Kayaknu nai mehuqeb, danab ah tutukku dooglagnu ehah medatte.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Daniel 1:17

Ag ee amuib laeg, Kayak Nug nid bau waɗele amu doyak ena ele matta, Nug ag kaya digdignu diignu doyak tutukku, am dabmak unuqagnu diignu doyak tutukku ele ag mattom. Nug amu matta, Nug he, Daniel nug tul niiak digdig, tulegleg digdig ele anattaknu diig doya, mehuqkkunu ehah ele mettom.

Aisaia 28:26

⌊Nug amu hettenu diig am,⌋ Kayak, nuhig Kayak, Nug amu haknu kobol ippunidtte. Ao, Kayak Nug ib tutukku dim lamitta, amu oh hekkunu doyak medatte.

Prowerb 24:32

Da antten amu, da aɗi anidminu dabmak ena laa aokkulnu dabmein; aakku da ippunittak ena laa anidmi.

Sam 119:125

Da am nahip maɗi nid. Da nahip ɗo oh diilag pehettak dookkulnu, na diignu doyak tutukku da meɗakkutnu oɗ medattem.

Aisaia 5:12

Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.

Sam 119:144

Nahip ɗo am gemu tutukkuib daatte, hanhan anamib daakku. Am da bau daakkulnu amu, na da ehaniɗppe, da diignu doyak tutukku aokkulnu ool daatte.

Sam 119:73

Na da heiɗme. Ao, na eppen da heiɗom. Na da ehaniɗna heppe, da ɗo nahipnu diignu doyak tutukku doyen dim lamidkkulnu oɗ medattem.

Sam 64:9

Anam beeb, laa oh ag Kayaknu ebehilag oh bodoetta le mekku. Ao, ag Kayak Nug keeke okkai okkai heumnu, ag laa amelagppa amunu mattiglag. Ge, ag amunu dabmena autna aoglag.

1 Stori 29:19

Amu na ele heppe, da bekkal Solomon nug meu ohppa nahip haknunab anak, nahip nai, amu nahip ɗo nai ele dim lamidkkunu, nug lag enanagnab nahipnu, da lag amunu keeke qagmein bappaidmi daatte amu, nug lag amu buua malakkunu dabmak aɗa oikkunu oɗ medattem.” Dawit nug anam unuqittom.

1 Stori 22:12

Amu na Yawe, nahip Kayak, na nuhig ɗo dim lamidkkutnu, haen Nug na Israel danab ah gumadkkutnu meitteb king daappe amu, Yawe Nug heeb, na laan neekkakppa nug dabmak eheɗ ii aomanu kobol, diignu doyak tutukku ele aɗan oikkutnu ool daatte.

Duteronomi 32:29

O gadon. Ag am danab ah doyak dabmak ena ele daanna, ag imu dooppeg, oolag maidlo am ena! O gadon. Ag aɗi kobol ahilagppa bekku oolag maidlo am ena!

Duteronomi 4:39

Amunu ag imu dabmettanna, ahilag dabmakppa ɠagattag aɗeg! Yawe Nug am wanppan, habppan ele Kayak daatte, kayak laal iitta.

Jems 3:15

Doyak dabmak ena ⌊iitta⌋ ele amuam hab aabppanu ii neum. Iitta. Doyak dabmak ena ⌊iitta⌋ ele amu nug wan imuppan, am Kayak Ouɗi, nuhigppanu iitta. Satan nug doyak dabmak ⌊iitta⌋ ele amu mameg daatte.

Luk 9:44

“Ag nai imu daulagppa tutukkunab doyeg! Dimppa haen elab iitta, laa nug Danab Bekkalag da, nug da awiɗa, danab eppelagppa meiɗkku,” awa aum.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

2 Timoti 2:6

Amu ele, danab nug dad uɗat ɠagattag hette amu, nug dad amunu meu digdig tatam aokku am kobol tutukku.

2 Timoti 2:8

Na Jesus Kristus, da Nai Ena madittem amubia, Nug Dawit buɗubppanu doum, Kayak he, Nug eɗua hibaittom amu, na amunu haen oh dabmenan oiye!