2 Timoti 2:21 - Nobonob Baibel

²¹ Amunu amubia danab laippu laa nug kobol nau oh amu lamitte ukke, nug oppiaawak daatte dayeb amu, nug am tappiɗ, nuhignu enanag dootteb, amubia nug Kayak amegppa enanag daakku; nuhig uɗat hekkunu elele. Nug aɗi uɗat ena oh hekkunu babaittak daakku.

2 Timoti 2:21 Referans Kwoze

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

Sam 119:9

O Yawe, danab ah bau ag attem hena, ag oolag oppiak ele na noomppa daaglag? Ag nahip nai dim lamidkkulag, ib amuppaib ag oppiak ele daaglag.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.

2 Timoti 2:20

Lag okkai laa ooppa tappiɗ laa golppa hak, laa silwappa hak, laa adppa hak, laa wanppa hak bia daatteb. Tappiɗ amu oolagppa amu, danab ag laalanu ena dootteb, amge laalanu amu enanag ii dootteb.

Aisaia 52:11

⌊Haen amuppa amu, Juda danab ah, ag nai imu dooglag.⌋ Ag ahan, ⌊Babilon⌋ uun ukkeg! Ge, ag ahan, ⌊Babilonnu⌋ ukkeg! Ag ahan gonana, ag keeke Kayaknu neekkakppa dubuttid ele aib aɗappig! Ao, ag laa, ag Yawenu tappiɗ keeke, ag keeke amu maon oitteb ele amu, ag ahan, Babilon uun, ag oppiak ele dayeg!

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Jeremaia 15:19

Amu Yawe Nug da, Jeremaia, Nug da amelppa aum. “Na oot eɗueb amu, da heppi, na tuɗidna dahil propet, dagattolppa daakkut. Ao, na nai genab mattinna, nai hambuppuak, meu iitta ele ii madippe amu, da heppi, na da oɗel awa mattiak danab daakkut. Na ag ib ippuanatte! Na ahilag ib aib aon gome.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

1 Korint 5:7

Ag yis amu buɗippeg ukkaɗ! Ag anam heppeg iitta meeb, ag bret yis iitta, ag daaglagnu daatteb bia, ag anam bia dayeg! Aɗinu? Kristus Nug Pasowa Hobulnu sipsip nag ihinig, Nug nuhig mauhakppa aakku ihinig hipuninnu nob nau awa malom.

Malakai 3:3

Laa nug silwa babaitta epeɗia awak uɗat hette, Nug amubia hekku. Ao, Nug heeb, laa ag gol, silwa ele babaitta epeɗia awak uɗat hetteb, amubia Nug heeb, Lewi buɗub ag oppiak ele daaglag. Nug anam heeb, ag genab tutukku hak danab Yawe eppegppa daan, ag doɗ manadna Yawe mettaglag.

Taitus 3:14

Aria ihinig danab, ag Kristen, ag uɗat hekkulagnu, ag amuppa bau dayaknu keeke aoglagnu dooglagoitte. Ag hamuib daaglagnu am aib.

Taitus 3:1

Na danab ah ag ahilkad ikki danab, amu ahilkad danab gumaknu ehah ele waalkadppa daaglagnu daulkadppa dokkunu, ag oɗe dim lamittak danab daan oina, ag aɗi uɗat amu uɗat ena hekkulagnu babaittak daaglagnu,

Aisaia 1:25

⌊O Jerusalem, danab amu ag nahip-ppa dubuttid bia daatteb amunu,⌋ da na uug mette, geha ⌊danab ag silwanu dubuttid na gokkunu aab gakkaɗak naɗippa manatteb, amubia⌋ da eɗue, nahip hak nau bappaidppi, na geha dubuttid iitta, oppiaawak bekkut. Ao, da geha ⌊danab ag silwanu dubuttid na gokkunu aab gakkaɗak naɗippa manatteb, amubia⌋ na tutukku daakkutnu bappaidkkul.

2 Korint 9:8

Amu ag haen oh bau daaglagnu keeke ohppa eleleib daanna, ag keeke kuɗumppa uɗat ena oh hekkulagnu, Kayak Nug heeb, ehanittak okkai hamu mettak oh ag tuɗitta tonadkkunu elele.

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

2 Timoti 2:16

Na nai Kayaknu dabmak dim ii lamidtte ele aib mattime. Aɗinu? Danab ah ag nai amu mattinna daatteb ele, ag Kayak dimettan, umanab gokkulag.

2 Timoti 4:11

Luk nukkaib da ele daattep. Mak nug da uɗat hettemppa ehaniɗkkunu elele amunu, haen na uɗikkut amu, na nug aoppe, aa oh uɗieɗ!