2 Timoti 1:8 - Nobonob Baibel

⁸ Amunu amu na ihinig Naɗinu madikkutnu uɗan aib neum. Da nuhig nai mehuqen, maniguittakppa daattem amu, dahilnu ele na uɗan aib neum. Iitta. Kayaknu ɠagattag amu ehanittebeb, da na ele i oh uug laala Nai Ena mehuqaknu betteb amu, uug amu oh i maoɗ oiɗu!

2 Timoti 1:8 Referans Kwoze

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Mak 8:38

Aria, danab laa nug danab Kayak uuna, kobol eheɗ laala dim lamadtteb ele, ag hipunin kuɗum laa hetteb ele amu, nug ag oolagppa oiyaya, nug dahilnu, dahil nainu ele uɗa neeb, dimppa Danab Bekkalag da, da Kayaknu binag amahlak oppiaawak ele, amu nuhikkud engel oppiaawak ele eɗut uɗit, haen amuppa danab amunu da ele uɗal nekku,” awa aum.

2 Timoti 4:5

Amge nahipnu amu, na haen oh dabmak amahlak ele daye! Uug haenppa na ɠagattag daanna oiye! Kayak nai mehuqak uɗat am na he! Na Kayaknu mehuqak danab daakkutnu amu, na aɗi uɗat hekkutnu daatte amu na he!

Revelesen 12:11

Ig lainkad ag Sipsip Nag tiigppa, amu doyak diig genabib mehuqttebppa ele ɠagattag aon, ban eɗidna, kekeɗ amu eɗidppig. Ag wanppa enaib, bau daaglagnu amu ii dabmeppig. Iitta. Ag beɗulag maoeg ukke, bau daaglagnu anuqak ii doon, Jesus onignu mauhmananu dabmak ii aon oippig.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Pilipai 3:10

Kristus, Nug mauhowa, Kayaknu ɠagattagppa eɗua hibaittom amu, da Nug, amu ɠagattag amu ele dookkulnunab hettem. Ele amu, Nug aɗi uug mawawa oiyom amu, da ele mawewe oikkulnu, Nug attem haaha mauhom amu, da ele anam mauhkkulnu ool daatte.

Luk 9:26

Amu danab nug dahilnu, dahil nainu ele uɗa neeb, dimppa Danab Bekkalag da, da dahil binag amahlak oppiaawak ele, Kayaknu binag amahlak oppiaawak ele, amu nuhikkud engel oppiaawak ele dilag binag amahlak oppiaawak eleppa eɗue uɗikkul, haen amuppa danab amunu da ele uɗal nekku,” awa aum.

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

2 Timoti 2:3

Kristus Jesusnu daup ena nug hekkunu daatte bia, na anam oibppe, uɗat imunu uug ig Kristusnu daup laala ig ele oh laippu maognig.

1 Tesalonaika 3:4

Ao, haen ig ag ele daatta, haen amuppa ig Kristen, ig eheɗ hekkak aognignu amelagppa mattitta daamut. Amu meu aakku beum, ag aakku dootteb.

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Epesus 3:13

Amunu amu, da iikku ag amelagppa attem. Da uug mawadttem imu amu, da ag ehanadkkulnu mawadttem amunu, ag uug imu dabmenana, ag aib bodoedappig. Ag ii bodoettaglag amu, ag ele binag amahlak oppiaawak ele aoglag.

Rom 16:25

Ig Kayak binag metu! Nug da Jesus Kristusnu Nai Ena mehuqttem bia, amu nai lokkumak anukkanu dayom, nai amu atte, amubia ele, Kayak Nug ag ahilag ooppa genab doyakppa ɠagattag daaglagnu ehanadkkunu elele daatte.

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Rom 9:33

Kayak naippa, nai amunu inam daatte. “Antteg! Sion appa da men laa eppami daatte. Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, men amuam, men laa he, danab ag nena qetteb bia daatte. Amge aun laa nug nuhignu ooppa genab dookku, nug geha uɗa nak iinab aoma,” awa atte.

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

Revelesen 1:2

Uɗia ippunitte amu Jon keeke oh anttom ele amu, iikku bukppa yom daatte. Kayak aɗi keeke Jesus ippunitte, Jesus Kristus engel amegppa a, engel Jon ippunittom ele amu iikku yom.

Jon 19:35

Ag ele oolagppa genab dooglagnu laa nug keeke imu oh amegppa anttom ele nug amunu mattiom. Nai nug mattiom am genab, amu nug dootte, nai amunu nug maditte am genab.

Sam 119:46

Da nahip ɗonu king amelagppa abippi, ag heppeg, da uɗal ii nema.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Epesus 4:17

Amunu da imu ag amelagppa attem. Da Naɗi onigppa iikku ɠagattag madittem. Ag nai imu aotteb ele amu, ag iitta aɗi ag dabmak apiɗidna oitteb ele amu, ag kobol amubiappa baula aib oippig.

Rom 8:36

Uug amu oh, amuam Kayak naippa, nai laa daatte bia. Nai amuam inam. “O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.”

Jon 15:27

Amu ag ele dahil nai mattinna oiglagoitte! Aɗinu? Ag digmakppanu da ele daaut uɗie, gemu ele daattem.

Aisaia 51:7

Ag danab ah dahilad, ag kobol tutukku dootteb, ag dahil ɗo ag oolagppa daatte amu, ag dahil nai doyeg! Ag danab dilag nai haknu aib baɗappig. Ao, ag awa awa qettak nai naunab ahilagnu atteb amu, ag amunu baɗak eheɗ nau aib dooppig.

Sam 19:7

Yawenu ɗo am ena eleleib; am danab ah ehanatte, ag bauklel daatteb. Yo, danab ah ag Yawenu ɗonu genab elele dooglagnu elele; ɗo amu ag heeg, danab ah ag doyak ii awak daatteb, ag doyak dabmak ena ele aon daatteb.

1 Timoti 2:6

Nug danab ah oh dilagnu Nug nukka Nug bau dayak nuhig uua, amuppa Nug haenppanab Kayak Nug danab oh eɗua diikkun hette ippunikkom.

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

2 Timoti 1:10

Amu lokkumak dayom, amge gemu ihinig Eɗua Awikkak Danab, Kristus Jesus, Nug uɗia he, miag atiom. Nug mauhaknu ɠagattag he iitta me, ig attemun bauklel aognig amu Nug Nai Enappa ippunikkom.

2 Timoti 2:8

Na Jesus Kristus, da Nai Ena madittem amubia, Nug Dawit buɗubppanu doum, Kayak he, Nug eɗua hibaittom amu, na amunu haen oh dabmenan oiye!