2 Timoti 1:7 - Nobonob Baibel

⁷ Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

2 Timoti 1:7 Referans Kwoze

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

1 Jon 4:18

Baɗak nakok laa ⌊Kayaknu⌋ oo mauhakppa ii daatte. Aɗinu? ⌊Kayaknu⌋ oo mauhak elelenab daatte, amu oo mauhak amuam baɗak lamidtte. Nob nau aokkunu doyak am he, danab nug baɗatte, amunu danab nug anam baɗatte amu, ⌊Kayaknu⌋ oo mauhak ⌊elelenab, amunu diignu doyak tutukku⌋ am danab amu ooppa elelenab ii meum.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Luk 10:19

Amu doyeg! Da ag ɠagattag mattai, ag mat, apiap ele tappadna, kekeɗnu ɠagattag amu oh eɗadkkulagnu elele daatteb. Keeke laippu laa heeb, ag ii nauhmana.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Prowerb 2:7

Amu Yawe Nug danab ah ag genab tutukku hak danab daatteb ele ehanatte, ahilkad kekeɗ eɗadtteb. Ao, Nug aun aɗi ag nuhig neekkakppa danab ooppa kaliak laa iitta ele oitteb ehanatta, ahilag guppiɗ daatte.

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

1 Korint 2:4

Da nai mattimi, da Nai Ena ele ag amelagppa mehuqmi, amge da wanppan doyak dabmak ena ele, dahil ɠagattagppa da ag amelagppa ii mehuqmi. Iitta. Da Kayak Ouɗi ahilagppa uɗat heeb anidkkulagnu, ib amuppa da nai mehuqen ippuanatti, Nug anam heum.

Luk 24:49

Jesus Nug anam ana, Nug baula tuɗitta aum. “Doyeg! Da Mamel Nug keeke amu anukka ag madakkunu nai qakka aum amu, da meppi nekku, amge ag aab okkaippa daappeg, hab attannu ɠagattag amu ahilagppa neeb, ag uɗat digmekkulag,” awa aum.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Maika 3:8

Amge ⌊da Maika⌋ dahilnu amu, da Jakop buɗub, ag hipunin hetteb ele amelagppa akkulnu, ao, da Israel danab ag hipunin hetteb akkulnu, Yawe Nug he, nuhig Ouɗi, ɠagattag, nai doya mala hettoɗia epeɗia elele mettak kobol, aria ooppa ɠagattag doyak ele dahilppa ambe, da oittem.

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Kolosi 1:8

Nug ag Kolosi danab ah, ag Kayaknu danab oh dilagnu oolag mauhtte, nug amunu i amenihppa a doomuɗ. Kobol amuam Kayak Ouɗi Nug ag mattom.

Aposel 6:8

Amu Kayaknu ehanittak okkai hamu megatte, nuhig ɠagattag ele Stiven ooppa ambe, nug Kayak dabmettaknu kobol danab haknu elele iitta hatta, nug kobol danab haknu elele iitta laala ele danab ah oolagppa heum,

Aposel 9:22

Ag anam aegeg amu Saul nug Jesusnu, Kayak Nug Nug tituanom, Kristus daatte, amu tutukkunab nai ebehi eleppa ippuanatte, Juda ag Damaskus daappig, ag nuhig nai tabappeg nokkunu ib laa ii anidppig.

Luk 8:35

Mattieg doona amu, danab ah ag keeke amu anidkkulagnu Jesus gumidna gona, ag danab ouɗi nau uuidppig amu anidppig. Nug lamen takka, dabmak ena ele Jesus baegppa heɗep na dayeye anidppig. Danab ah ag anam anidna, ag baɗappig.

Aposel 26:25

Pestus nug anam e amu Pol nug aum. “O Naɗi Pestus, da kaaka ii niɗatte! Da madittem imuam genab, nai kaaka iitta.

Luk 15:17

Aria, haen nug qagaiettak dayaya, nug nukka ooppa be dabma, nug nugakka nai mattia aum. ‘Da mamelnu uɗat nid oh ag am ee elelenab ele, amge da ippa daattem amu enug huanaknab niɗe, mauhkkulnu hettem.

Aposel 26:11

Haen kuɗum da Juda dilag nai doyak lakka ukkatten, da laa Jesusnu oolagppa genab dooppig ele bu mattami. Amuib iitta, da ag Jesusnu dabittak nai mattiglagnu ele wagai memi. Da ahilagnu oppoɗi bak huanaknab doomi amunu, da atu laihppan aab okkai laalappa ele eheɗ hadakkulnu appa dim lamadmi.

Aisaia 11:2

Yawenu Ouɗi amu nuhigppa daakku. Yawenu Ouɗi Nug doyak dabmak ena elenu diig, Nug am diignu doyak tutukkunu diig, Nug am laa ulum ena mettak diig, Nug ɠagattag ena ohnu diig, Nug doyak ena ohnu diig, amu Yawenu ebehi oh bodoetta le maknu diig ele Nug daatte.