2 Timoti 1:6 - Nobonob Baibel

⁶ Amunu amu, da na dautppa dokkunu imu attem. Haen da eppel na qaɗenppa memi, haen amuppa Kayak Ouɗi Nug nuhig ɗo hamu mettak laa mettom daatte amu, na haen oh ɗo hamu mettak amu maɗettan, uɗat mette!

2 Timoti 1:6 Referans Kwoze

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

1 Tesalonaika 5:19

Ag oolagppa Kayak Ouɗinu ib aib oo neppig!

2 Pita 3:1

O lailad, imuam ad uɗug aɗit batak ahilagnu yaami. Uɗug aɗit ohppa nai yaami amu, ag tatam dooppig, amge da ag dabmak ahilagppa keeke amu oh genabnab dooglagnu, da dabmak maɗattak nai aakku yaami.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

2 Pita 1:12

Ag keeke amu oh dootteb, doyak diig genabib ele aoppig amu, ag amuppa ɠagattag hippaidna daatteb, amge da amu ohnu hanhan dabmak ahilag maɗedakkulnu hettem.

Aposel 19:6

Pol nug eppeg qaɗelagppa me, Kayak Ouɗi ne aona, ag aabaab nailagppa nai mattinna, ag propet nai mehuqppig.

Eksodas 36:2

Moses nug danab ah amelagppa anam ana, amu dimppa nug Besalel Oholiap ele onilahppa ewa, nug danab laala ag uɗin, uɗat amu hekkulagnu oolag dayom, Yawe he, ag uɗat amu haknu doon autna aoppig ele amu, nug ag onilagppa ele eum.

Eksodas 35:26

Aria, ah laala ag oolag heum ele, ag muɗi meeme uɗigppa hak dooppig ele amu, ag amu hena, ag amu aon uɗippig.

2 Timoti 2:14

Na haen oh keeke imu oh nahipad danab ah ag daulagppa dokkunu amelagppa appe doyeg! Na Kayak noobppa ag amelagppa ag nau aomnanu nai ana, ag nai onig digdignu nug aib qeppig. Nai onignu nug qak, amuam meu iitta, danab laa ele ii ehanidtte. Kobol amuam danab ag nai amu dootteb amu, am ag he nauhtteb aakkuib.

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.

Luk 19:13

Nug anam dabmaama, aria nug nuhikkud maɗi nid eblaih tanig ele onilagppa ewowa, nug men doɗo onig mina laippu anen anen pania madatta amelagppa aum. ‘Ag imu tuɗidna, qagmebeppeg, da eɗue uɗippi meɗappeg aokkul,’ awa aum.

Aisaia 43:26

⌊Amge ag amu uutteb dayeb, ag, ‘Ig keeke laa, laa nug amu uhuqa megakkunu ii hemut,’ dabmetteb dayeb amu,⌋ ag hettoɗiak abenppa goppeg daat, ag ahilag oiyak digmakppanu gemu batak appeg doyei! Ag anam heppeg, ag da ele ig amunu nai apput ona, apput doaɗ! Ag ahilag dabmakppa ag eheɗ laa ii heppig, ag amunu appeg doyei!

Jut 1:5

Aria, ag dahil nai imu ebqetteb ele amu, ag nai imu oh dootteb, amge ag daulagppa eɗua dokkunu attem. Nai amuam inam. Naɗi Nug Israel danab Isipnu eɗua diiom, amge dimppa Nug danab laa nuhignu oolagppa genab ii dooppig ele amu he, ag padal meppig.

Hibru 6:2

layattak digdignu nai, eppeg danab qaɗeppa maknu nai, Kayak Nug mauhak danab maɗetteb eɗua hibaittaknu nai, Kayak Nug danab ah oh ag epeɗiatteb, ag hanhan nob ena o iitta nob nau aon daaglagnu nai ele amu, ig nai amuib ii mattimta.

Aposel 6:6

Ag danab amu otiadna heeg, totol danab 12 noolagppa hibaitteg, ag eppelag qaɗelagppa mena, ahilagnu unuqidppig.