2 Timoti 1:18 - Nobonob Baibel

¹⁸ amunu, da keeke amu ohnu amu da gogtak haenppa, Naɗi Nug nuhignu oo gai-iitta doya oo metta ehanidkkunu unuqidttem. Nug Epesus appa keeke kuɗumppa ehaniɗom ele amu, na amu doon malame.

2 Timoti 1:18 Referans Kwoze

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

1 Timoti 1:3

Haen da Makedonia gokkulnu dayeye, nai da na amenppa ami amubia da baula nahip dabmak maɗetten, amenppa attem. Epesus appa, danab laala ag hambuppuak nai danab ah ippunadna madatteb amunu, na appa daanna, danab amu ag anam ii amananu haknunab nai appe doyeg!

Revelesen 2:1

Nug anam ana, Nug nai tuɗitta Jon amegppa aum. “Na nai da attem imu Epesus Kristen tamaniaknu ikki danab, nuhignu inam ye! Nai imu, laa Nug hoɗoppai eblaih aɗit ele eppeg naɗiap-ppa aɗalattatta, lam maknu balal eblaih aɗit ele oolagppa oitte amu, nuhigppanu uɗitte.

1 Pita 1:10

Eɗua diiak amunu amu propet, ag Kayaknu ehanittak okkai hamu mettak, ag gemu nai imu ebqetteb ele, ag amu aoglagnu dayeye, propet ag amu ii uɗiak haenppa amunu mehuqppig ele amu, ag eɗua diiak amunu diig dooglagnu, ag hettoɗin autnanab aoppig.

2 Timoti 4:12

Da Tikikus mei, Epesus ukkom.

1 Tesalonaika 2:19

Ig ag eɗut anadkkunignu oonig huana dayomnu diig am, dimppa ihinig Naɗi Jesus eɗua uɗikku, ig Nug noobppa hippaidkkunig ele amu, haen amuppa ag am ig oonig ena daakkunu, maɗoɗppan gamag ahak ele aognignu, nob ena aognignu diig daaglag.

Epesus 2:4

Amge Kayak, Nug ihinignu oo mauhak okkai dootte ele, Nug oo gai-iitta doya oo metta ehanittak kobol okkai ele dim lamidtte amu,

2 Korint 9:1

Da Kayaknu danab ah oppiaawak ele ⌊Juda daatteb⌋ ehanattaknu tuɗitten yaakkulnu ii daatte.

1 Korint 16:8

Amge da Epesus daabppi ukkeb, Pentikos deɗ dokku.

Aposel 19:1

Apolos nug Korint appa dayeye, haen amuppa Pol nug ukka, prowins yu ihippa ii daappig eleppa oiya oiya, nug Epesus ta, appa nug Kristen laala daaegeg anatta,

Luk 8:3

Laa Joana, nug amu Herot laug gumappig ele dilag okkai onig Susa, nug wau. Aria, laa am Susana, am kuɗum laa ele. Ah amu ag ahilag keekeppa Jesus, amu nuhikkud ippunittak awak danab ele ehanadppig.

Luk 1:78

Kayak ihinig Nug oo gai-iitta doya oo metta ehanittak kobol naɗi ele amunu, Nug ig ehanigkku. Geha Nug heeb, hab aabppanu amahlak uɗia, ig amahaligkku.

1 King 17:20

Mewowa, nug inam Yawe unuqittom. “O Yawe, na Kayak dahil. Ah imu nug da ena atognoiɗom, amge nug bekka imu mauhom. Na hee, uug naunab imu beumte?” awa unuqittom.

Aposel 18:19

Aria, ag gona Epesus tena, Pol nug ukka, Juda dilag nai doyak lakka no, Juda danab ag nug ele nai madippig. Nug ag ele nai mattin, ag nug amegppa appig. “Na haen nakok elab ig ele daatu!” aon appig amge nug aum. “Da anam hekkulnu elele ii doottem,” awa aum. Pol nug anam awowa, gokkunu haaha, nug ag amelagppa aum. “Kayak Nug dabmaknab amu awa ab amu, da eɗue uɗie anadkkul,” awa aum. Nug anam awowa, nug Prisila, Akwila ele aab okkai amuppa daaglahnu uuate daaeheh, nug uubppa ta, Epesusnu aha ukkom.

1 Korint 1:8

Naɗi Jesus Kristus Nug ag ehanatteb ukkeb, ag ɠagattag daappeg, haen malakppa batakku amunu, ihinig Naɗi Jesus Kristusnu deɗppa ag Kayak noobppa, ag danab oolagppa kaliak laa iitta ele daaglag.

1 Korint 3:13

Aria, danab ag lag, keeke piɗe piɗeppa heppig ele amu, aab lag amu eweb, ahilag uɗat am miag atikku. Laala ag keeke aab eokkunu elele iittappa uɗat heppig amu, ahilag uɗat am ii iitta mema. Amge laa ag keeke aab eokkunu eleleppa uɗat heppig amu, ahilag uɗat am iitta mekku. Amubia ele danab ag dahil nai aon, uɗat tuɗidna hetteb ele, ahilag uɗat am elele o elele iitta am miag atikku. Aab nug heeb, lagnu uɗat am miag atikku, amubia Kayak Nug heeb, danabnu uɗat am miag atikku.

2 Timoti 1:17

Iitta. Nug Rom ippa uɗia, uɗat okkai ha, da mattiɗa aniɗom

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.