2 Timoti 1:13 - Nobonob Baibel

¹³ Amu na Kristus Jesusnu ootppa genab doona, na nuhignu ele oot mauhtte amunu, na amuppanu na nuhig nai na dahilppanu aome amu, na amu laa ippunadkkutnu dabmenana, amu dim lamidna aɗe!

2 Timoti 1:13 Referans Kwoze

Taitus 1:9

Nug danab ah ippunittak nai genab ena eleppa oolag ɠagattag qekkunu, nug ɗo tappe nak danab nai amuppa toliadkkunu, nug nai danab aun aɗi ag nai amunu oolagppa genab doon ib ii apiɗidmana, tamaniak dilag ikki danab ag nai amu danab ah ippunatteg uɗie, gemu ele hetteb amu, nug nai amu ɠagattag aɗaɗ!

2 Timoti 3:14

Amge nahipnu amu na Kayak, nuhignu nai, nai amuam na doyak dabmak ena ippunitta heeb, na Kristus Jesusnu ootppa genab dooppe, Nug na eɗua awidkkunu elele daatte, na nai amu nid nakok daanna, digmen doona, na nai amu oh doottem, laa ippunidppig ele na doyadttem amunu, na amu dabmenan, aɗi keeke ippunidppig ele, nai amu aɗan oiye!

Pilipai 4:9

Amu kobol oh da ag ippuanatti aoppig amu, kobol oh dahilppa ag anidna dooppig ele amu, ag hanhan heig! Ag anam heppeg amu Kayak, Nug am maɗoɗnu diig, Nug ag ele daaglag.

Rom 6:17

Ib aɗit amu oh daattep, amge ig ahilagnu Kayak amegppa, “Ena heme,” aot attem. Aɗinu? Anukka ag hipuninnu begbeg maɗi nid daappig, amge dimppa Kayaknu nai aon, ag nai amu dim lamidna autna aotteb.

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

Revelesen 3:11

Da paha eɗue uɗikkul. Laa nug nahip keeke ena, king haɗ bia amu, nug aomanu, keeke na aome amu na ɠagattag aɗan daye!

Revelesen 3:3

Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.

1 Timoti 1:14

Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.

Hibru 10:23

Amu Kayak Nug keeke hekkunu nai qakka aum amu genab meu bekku amunu, ig Jesusnu ooppa genab doyak ihinigppa keeke ena meu okkunu attem amu, ig dabmak amu ɠagattag aɗat auta aota oitu!

2 Timoti 1:14

Kayak Nug doyak diig genabib na mettom, Kayak Ouɗi, Nug ihinigppa daatte amu, Nug na ehanittebeb, na pehettak atogno!

Rom 2:20

ag, “Kayak Nug ɗo ig mekke, ɗo nug ig doyak diig genabib ippunigtte amunu, ig am doyak amu ele elelenab daattem,” dabmetteb. Ag anam dabmetteb amunu, ag danab laa dabmak tutukku iitta ele dilagppa ippunittak hekkulagnu elele doona, ag nid naunau ippunittak mattaglagnu ele elele daatteb dootteb

Taitus 2:1

Nahipnu amu, na danab ah oh amelagppa ippunittak nai genab ena aɗi ippunigtte amu, na amu ippunadna appe doyeg!

1 Timoti 6:3

Laa nug ihinig Naɗi Jesus Kristusnu nai genab ippunikkom, Kayaknu kobol tutukkunu nai ele, nug nai amu uua, ippunittak hamu meu iitta madikku dayeb amu, ig doognig,

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Prowerb 23:23

Na doyak diig genabib ele aon, aib paɗappe ukkom; na hanhan doyak dabmak ena ele, laa nukka nuhig oiyak pehettak atognotte, diignu doyak tutukku ele, na kobol amu oh dim lamitte.

1 Timoti 1:10

am laa ag ewau pakkun gappai hetteb dilagnu, am laa ag danab danab o ah ah ele gappai hetteb dilagnu, am laa ag danab laa yabhok hippaladna dadennu maadtteb dilagnu, am laa ag nai hambuppuak danab dilagnu, am laa ag hettoɗiakppa hambuppunna, “Genab iikku attem,” aon atteb dilagnu, amu laa ag keeke laala amubia, keeke amu oh am ippunittak nai genab ena elenu kekeɗ daatte, danab ag amu hetteb ele amu, ɗo nug danab amu dilagnu daatte.

Prowerb 3:21

O bekkal, na hanhan epeɗia ha dabmak ena awak, aria oo maittak awaknu ehah eleppa oinna, dabmena autna awe! Na keeke aɗit amunu aibnab daut atiom!

Revelesen 2:25

Iitta. Amge ag keeke aoppig amu, ag amu ɠagattag aɗan daappeg ukkeb, da eɗue uɗikkul.

Hibru 4:14

Anam daatte amunu, ig ooppa genab doyak ihinig, ig heut miag atitte ele amu, ig amu aɗat auta aotu! Aɗinu? Ig ihinig mana mettak ikki danab, Nug hab aabppa teum daatte. Nug am Jesus, Kayak Bekka.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

1 Tesalonaika 5:21

Nai oh, amu keeke oh ele ag epeɗin, aɗi am ena aakkuib, ag aɗeg!

Prowerb 4:13

Keeke da na ippunidttem ele amu, na aɗan autna awe! Na aib agappe ukkom! Da ippunidttem ele amu, ippunittak amuam na ehanitteb bau daakkut amunu, na nahip dabmakppa mena, dabmettan autna awe!

Prowerb 3:18

Am danab aun aɗi ag doyak dabmak ena ele aoppig amu, ahilag doyak dabmak ena ele heeb, ag bauklel daaglag. Ao, danab aun aɗi ag doyak dabmak ena ele aoppig amu, ag itittak ena aoppig daatteb.

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

2 Timoti 1:1

Da Pol, da nai imu yaattem. Kayak Nug Kristus Jesusnu uɗatppa ig bauklel megakkunu nai qakka aum amunu, Nug dabmaknab awa tituaniɗa, da Kristus Jesusnu totol danab daattem,

2 Timoti 4:3

Aɗinu? Dimppa haen laa amu danab ag ippunittak nai genab ena ele uuglag. Ag akka ahilag dabmak dim lamidna, ippunittak danab hambuppuak kuɗum diiglag. Diippeg, ippunittak danab amu ag nai laala, danab ag dooglagnu oolag niitte ele, amu appeg dooglag.