2 Timoti 1:1 - Nobonob Baibel

¹ Da Pol, da nai imu yaattem. Kayak Nug Kristus Jesusnu uɗatppa ig bauklel megakkunu nai qakka aum amunu, Nug dabmaknab awa tituaniɗa, da Kristus Jesusnu totol danab daattem,

2 Timoti 1:1 Referans Kwoze

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

2 Korint 1:1

Da Pol amu, Kayak Nug nukka da totol danab meiɗe, da Kristus Jesusnu totol danab daattem. Da ig lainig Timoti ele i ad uɗug imu yaattep, amu i ag danab ah Kayaknu Kristen tamaniak Korint daatteb, ahilagnu amu Kayaknu danab ah oppiaawak ele oh prowins Akaia appa daatteb, amu oh dilagnu ele yaattep.

Jon 10:28

Anam amu, da ag bauklel hanhannu madattem. Ag padal ii memana. Iittanab. Laa nug da eppelppanu ii oqaiatta diima.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Epesus 3:6

Nai lokkumak dayom amu inam. Gemu Nai Enanu ɠagattagppa ameg laa, amuam iitta aɗi, ag Juda ele laippu ouqak daatteb. Ig oh laippu daattem. Ag anam daanna, keeke oh Kayak Nug Juda aoglagnu nai qakka aum amu, iitta aɗi ag Kristus Jesusnu daatteb ele, ag ele amu aoglag.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

1 Jon 2:25

⌊Ig anam daagnig amu,⌋ ig bauklel hanhannu aognig; Kristus Nug nai amu qakka aum.

1 Timoti 6:19

Ag anam hekkulag amu ag keeke kuɗum dimppa ehanadkkunu, ag bau dayak genab aoglagnu qagmekkulag.

2 Korint 1:20

Ao, Kayak Nug keeke oh hekkunu nai qakka aum amu, ag oh Kristus nuhigppa meu otteb. Kristus nuhigppa, ig “Genab, anam dayaɗ!” atata, nai amuppa ig Kayak binag mettem.

1 Korint 1:1

Da Pol, Kayak Nug da onilppa e, da Nug oo niitte bia Kristus Jesusnu totol danab daattem amu, da amu ig lainig Sostenes ele

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Jon 6:54

Am laa nug da teppul tiil ele lakku amu, nug bauklel hanhannu ele, am wan haen malakppa da nug maɗedappi, nug eɗua hippaidkku.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

2 Timoti 1:10

Amu lokkumak dayom, amge gemu ihinig Eɗua Awikkak Danab, Kristus Jesus, Nug uɗia he, miag atiom. Nug mauhaknu ɠagattag he iitta me, ig attemun bauklel aognig amu Nug Nai Enappa ippunikkom.

2 Timoti 1:13

Amu na Kristus Jesusnu ootppa genab doona, na nuhignu ele oot mauhtte amunu, na amuppanu na nuhig nai na dahilppanu aome amu, na amu laa ippunadkkutnu dabmenana, amu dim lamidna aɗe!

2 Timoti 2:1

O da bekkal, na Kristus Jesusnu ehanittak okkai hamu mettak, na amuppa ɠagattag daye!

2 Timoti 2:3

Kristus Jesusnu daup ena nug hekkunu daatte bia, na anam oibppe, uɗat imunu uug ig Kristusnu daup laala ig ele oh laippu maognig.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Taitus 1:4

O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.