2 Samuel 8:8 - Nobonob Baibel

⁸ Dawit nug amu awa ukka, nug aab onig Beta, Berotai ele, Hadateser nug aab aɗit am gumatom amu, Dawit nug appanu bras huanak ele awa ukkom.

2 Samuel 8:8 Referans Kwoze

1 Stori 18:8

Laa amu, Hadateser nug aab Teba, Kun ele gumatom, amu Dawit nug aab aɗit amunu bras huanak awa ukkom. Nug awa ukke, dimppa Solomon nug Kayaknu mettid lag buuom, haen amuppa nug tappiɗ naɗi okkai brasppa hak onig Yu, biidod okkai aɗit, amu keeke laala brasppa hak ele amu, nug bras amuppa keeke amu heum.

Esekiel 47:16

Appanu tom amuam ugakka, Beota, Sibraim ele tekku. Aab Sibraim am Damaskus, Hamat ele dilah tomppa daatte. Aria, appanu tom amuam ukka, Haser Hatikon tekku. Aab amuam Hauran tomppa daatte.

1 Stori 29:7

Ag Kayaknu mettid lag hekkulagnu keeke Kayak medappig. Ag inam medappig; 170,000 kilogram gol, 345,000 kilogram silwa, 610,000 kilogram bras, amu 3,450,000 kilogram aen ele.

1 Stori 22:14

Da wagai mein, na Yawenu mettid lag hekkutnu keeke qagmein bappaidmi daatte. Da gol 3,450,000 kilogram, silwa 34,500,000 kilogram ele qagmemi. Aen, bras ele da qagmemi amu, danab nug skelppa uug dookkunu mekkunu elele iitta. Aɗinu? Am huanaknab. Amu da ad, men ele qagmemi. Da amu oh qagmemi, amge na amu tuɗidna, laa ele qagmekkutnu elele.

2 Samuel 8:7

Amu Hadatesernu ban daup ikki dilag guppiɗ am golppa hak, amu Dawit nug daup amu eɗatta, nug ahilag guppiɗ amu awa, diia Jerusalem ukka, appa meum.

1 King 11:23

Amu Kayak Nug he, danab laa ele Solomon kekeɗ medakkunu ahom. Danab amu onig Reson, nug am Eliada bekka. Reson nug anukka Soba wannu King Hadatesernu maɗi nid dayaya, oola ukkom.

1 Stori 18:1

Amu Dawit nug king ba dayaya, nug Pilistia dilag daup eɗatta he, Pilistia ag ban hekkulagnu elele iitta daappig. Nug anam ha, nug Gat, aab naunau aab amu talilidna daappig ele Pilistia eppelagppanu awe, Israel dilag daappig.