2 Samuel 7:2 - Nobonob Baibel

² nug propet Natan amegppa aum. “Gadon, da lag enanagnab, ad sidappa hak, da lag amuppa iikku daattem, amge Kayaknu Tituanak Nainu Kunup am pehppa daatte,” awa aum.

2 Samuel 7:2 Referans Kwoze

2 Samuel 5:11

Dawit nug anam dayeye, Tair dilag king onig Hiram nug he, nuhig nai awa ukkak danab laala, kapenda danab, keeke menppa hak danab ele ag oh Dawit toppa goppig. Ag gonana, ag ad sida ele aon gona, kapenda, keeke menppa hak danab ele ag Dawitnu lag enanagnab heppig.

2 Samuel 12:1

Yawe Nug ena ii doyom amunu, Nug he, propet Natan nug aha, Dawit toppa ukka ta, nug amegppa aum. “Aab laappa danab aɗit daapiɗ, laa am enub danab, laa am daɗek danab.

Aposel 7:46

Amu Kayak, Nug Dawitnu enanag doye, Dawit nug Kayak, Nug am Israel dilag Kayak, nug Nug laug hekkunu unuqittom.

Jon 2:17

Jesus anam a, nuhikkud ippunittak awak danab ag Kayak naippa nai daatte, nai amu ag daulagppa doum. Nai amuam inam. “Na lautppa, na ig attemnab daagnignu ippunigttem amu, da amunu yag-nab-bak doye hettem.”

Hagai 1:4

“Gemu ag lag enappa daatteb. Dahil mettid lag am nauhak daatte. Ag ahilag lag enappa daappeg, dahil mettid lag anam daakkunu am enate?” Yawe Nug he, Hagai nug nai amu doya, danab ah mattom.

1 Stori 29:29

Amu Dawit nug digma king daye ukke, nug mauhom batak nug aɗi aɗi heum, nuhigppa aɗi aɗi beum amu, kaya amu oh am propet danab Samuel nug buk laappa yom. Propet danab Natan nug ele buk laappa yom, amu propet Gad nug ele bukppa yom.

1 Stori 16:1

Aria, ag Kayaknu Tituanak Nainu Kunup anam aon uɗin, Jerusalem bena, peh lag Dawit nug amunu babaittom amu, ag aon gona, amu ooppa meppig. Ag mewona, ag manaknu ofa, laippu dayaknu ofa ele aon, Kayak gumidna wana, Nug medappig.

Sam 132:5

Da anam ii heppi ukkeb ukkeb, da aben laa, da appa Yawenu mettid lag hekkulnu anttoya, da eɗuen lakka ukken niikkul. Ao, da Laa Ɠagattag Okkai Ele, Jakop Nug binag meum ele amu, da nuhig lag daakkunu aben anttoya, da eɗuen lakka ukken niikkul.” Dawit nug anam aum.

2 Stori 1:4

Anukka Dawit nug Kayaknu Tituanak Nainu Kunup Jerusalem appa meeb daakkunu peh lag aguppa taiettom amunu, nug aha, Tituanak Nainu Kunup amu Kiriat Jearimnu awa uɗie, aben nug babaittom amuppa meum.

1 Stori 14:1

Dawit nug anam dayeye, Tair dilag king onig Hiram nug he, nuhig nai awa ukkak danab laala, kapenda danab, keeke menppa hak danab ele ag oh Dawit toppa goppig. Ag gonana, ag ad sida ele aon gona, kapenda, keeke menppa hak danab ele ag Dawitnu lag enanagnab hekkulagnu goppig.

2 Samuel 7:17

Yawe Nug nai amu oh Natan amegppa a, Natan nug Dawit amegppa Yawe Nug mattiom, nug nai amunab Dawit amegppa aum.

2 Samuel 6:17

Aria, ag Kayaknu Tituanak Nainu Kunup anam aon uɗin, Jerusalem bena, peh lag Dawit nug amunu babaittom ele, ag amuppa Tituanak Nainu Kunup amu aguppa daakkunu aben dayom amu, ag appa meppig. Ag meeg, Dawit nug manaknu ofa, laippu dayaknu ofa ele Yawe noobppa Nug mettom.

Eksodas 40:21

Nug anam hewowa, nug Tituanak Nainu Kunup kontrak inak ele mettid haknu peh lag ooppa mewowa, nug Oo Gun Ele, Oo Gunnab Ele makkulaknu lamen, Tituanak Nainu Kunup amu miag atiak daamanu, qehakkak daakkunu ele aihom. Nug Yawe nug amegppa haknunab aum, nug aumbianab aakku heum.

2 Samuel 11:11

Dawit nug anam oɗ mette, Uraia nob ma aum. “Tituanak Nainu Kunup, Israel daup, Juda daup ele ag laih goppig, pehppa daatteb. Dahil okkai Joap, daup ele ag lakka ii daatteb. Iitta. Ag haen tutu dayaknu aab kalakppa daatteb. Ag anam daatteb, am da attem hein ukke, da laulppa tein, ee, le ele lappi, dahil ah ele niignih? Da amu heina, am da eheɗ helom. Na genab bau daattem, genab amubia da anam iinab hepa,” awa aum.

1 King 1:22

Am Batseba nug king ele nai mattieheh amu, propet Natan aakku king laugppa beum.

1 King 8:17

Aakku da mamel Dawit nug gumak uɗat amu haaha, nug mettid lag laa, Yawe, Israel dilag Kayak, Nug onig amuppa daakkunu helonu dabmeum.

1 Stori 22:7

Amu Dawit nug Solomon amegppa aum. “O bekkal, da Yawe, dahil Kayak, da Nug laug, Nug onig amuppa daakkunu hekkulnu dabmein, ool okkai dayom.

2 Stori 9:29

Amu keeke kuɗum laa ele King Solomon digmakppan ukke batakppa ele heum amu, kaya amuam ag buk laalappa yaappig daatteb. Propet danab Natan nug laa amu yom. Propet danab Ahaiya, Silonnu, nug ele laa yom. Amu propet danab Ido, nug tuleglegppa keeke antta, bukppa yom amu, buk amuppa nug Nebat bekka Jeroboamnu nai ya, nug Solomonnu kaya nai ele yom.

2 Stori 29:25

Amu dimppa amu, Hesekaia nug Lewi buɗub ag Yawenu mettid lag ooppa aben atten atten daaglagnu ippunatte, ag amuppa daaglagnu aum. Ag aguppa daanna, ag simbal hena, harp, laia ele qena, musik hekkulagnu aum. Aɗinu? Yawe Nug anukka nuhikuɗ propet danab aɗit, laa am kingnu ehanittaknu propet Gad, laa am propet Natan ele, Nug aa oɗelahppa nai amu Dawit mettom amu, Hesekaia nug nai amu dim lamittom.

1 King 1:8

Aa ehanidkkulahnu apiɗ, amge danab laib laib laa, ag Adonaiya ele oolag laippu ii dayom. Amuam mana mettak danab Sadok, Jehoiada bekka Benaia, propet Natan, amu Simei, Rei, amu King Dawitnu gumak daup, ag ele.

1 King 4:5

Natan bekka Asaria nug am wan obatak gumak danab, amu dilag gumak ikki anuqak. Natan bekka Sabut, nug am mana mettak danab, amu nug ele kingnu ulum mettak danab.

Sam 132:2

Dawitnu amu, nug keeke laa hekkunu Yawe noobppa nuhig nai ɠagattag qetta aum. Ao, nug Laa Ɠagattag Okkai Ele, Jakop Nug binag meum ele amu, nug Nug amegppa keeke laanu genabnab hekkunu nai ana qakkom. Nug inam aakku Kayak amegppa aum.