2 Samuel 7:10 - Nobonob Baibel

^10-11 Da danab keeke eppe, ena bette, amubia da Israel danab ah ag wan ele daaglagnu, ag amuppa maɗoɗ ele daaglagnu ehanatten, aben madappi daaglag. Danab nau ag anukka da Israel dilag ikki danab digmein tituanadmi, haen amuppa danab nau amu ag digmena, dahilad danab ah eheɗ hattaegeg uɗie, gemu ele hetteb, amge da heppi, ag amu tuɗidna ii hemana. Amu ele, da heppi, nahipad kekeɗ ag ɠagattag ii daamna. Amu da Yawe, da heppi, na buɗunad oolagppanu laala ele, ag anen anen ahilag haenppa, ag Israel dilag king hanhan bena daaglag.

2 Samuel 7:10 Referans Kwoze

Amos 9:15

Da heppi, Israel danab ah ag ahilag wanppa daaglag, danab nug ad laa eppe, ba daatte bia. Da heppi, laa nug Israel danab ah ahilag wanppanu baula diia ii goma. Da wan amu ag mattami.” Yawe, Nug am ag Israel, ahilag Kayak, Nug anam awa atte.

1 Stori 17:9

Da danab keeke eppe, ena bette, amubia da Israel danab ah ag wan ele daaglagnu, ag amuppa maɗoɗ ele daaglagnu ehanatten, aben madappi daaglag. Danab nau ag anukka da Israel dilag ikki danab digmein tituanadmi, haen amuppa danab nau amu ag digmena, dahilad danab ah eheɗ hattaegeg uɗie, gemu ele hetteb, amge da heppi, ag amu tuɗidna ii hemana. Amu ele, da heppi, nahipad kekeɗ ag ɠagattag ii daamna. Da na amenppa iikku attem. Da, Yawe, da heppi, na, amu na buɗunad oolagppanu laala ele ag anen anen ahilag haenppa Israel dilag king daaglag.

Jeremaia 24:6

Da ag atognoatten ehanadppi, ag wan imuppa eɗun uɗiglag. Da ag atognoadppi, elele daaglag. Da eheɗ hadappi ii nauhmana. Da danab keeke eppe, ena bette, da amubia ahilagppa hekkul. Danab nug keeke hiɗe nauhtte, da amubia ahilagnu ii hepa.

Aisaia 60:18

Da amu heppi, ag wanelagppa laa nug layag eheɗ ii hetama. Ao, laa nug ag oolagppa danab, o keeke laa heeb ii nauhma. Amu ii daama, kobol enaib daakku. Ag aab okkainu aɗ onig, ‘Yawe Nug ehanikke, ig padal ii memut,’ ataɗkkulag. Amu ag aɗnu od onig, ‘Ig Yawe binag metu!’ ataɗkkulag.” Yawe Nug anam atte.

Esekiel 28:24

Da keeke amu oh heppi, danab nau, Israel eheɗ hattaglagnu oolag huan daatte, ag Israel taliliadna ii daamna. Danab amu ag uud keeke qaun ele, danab guittak medatteb amu, ag amubia Israel dilagppa hekkulagnu ii daamna. Da heppi, anam beeb, Israel danab ah ag dooglag, da am Naɗi Yawe,’ ” awa atte.

Sam 80:8

Anukka na grep muɗi laa Isipnu aon uɗin, na danab laa wan imuppanu lamadna, grep amu wan imuppa eppame.

Jeremaia 18:9

Anam, amge haen laa da wanppan wan laa, o ɗo maɗoɗ laa ehanadppi, ag ena bena, ɠagattag daaglagnu akkul dayeb,

Revelesen 21:4

Kayak Nug heeb, amelag leb am iitta mekku. Danab ah ag baula ii mauhmana, ag baula ii mahimna, ag baula ii gaamna, amu ag guittak ele baula ii doomna. Aɗinu? Anukkan keeke amu oh iitta meum.”

Hosea 2:18

Amu Yawe Nug atte. “Haen amuppa amu, da geha doɗ dakkuɗ, ai, amu doɗ laa ag oolag wan qeeqe oitteb ele amu, da doɗ amu oh ele ag dahilad danab ah eheɗ ii hattamananu nug tituanta nai qakkagnig. Geha da heppi, dahilad danab ah ag wanelagppa qep elab, lat, amu ban hak ele ii anidmana. Da heppi, ag baɗak iittappa daan, tuqan niiak abenppa niiglag.

Eksodas 15:17

Aria, geha na ig omaigna gona heppe, ig ɠagattag daagnig. Ao, ig qauko na aut daatteb, ig amuppa ena daagnig. O Yawe, na nahip dayaknu aben aguppa daakkunu tituanme. Ao, Naɗi, na nahip mettid lag aguppa daakkunu tituanme.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Aisaia 5:2

Nug wan buue be, men oh akke ukke, muɗi grep eppeg enaib epeɗia eppom. Dad amu gamagppa nug neekkeb ukkeb, aɗi uɗitte anttaknu lag attan ta ukkak menppa hak laa heum. Amu nug dad ooppa nug grep meu tappa leppu awaknu aben laa heum. Nug keeke amu oh ha malowa, nug “Muɗi grep dahil imu geha meulag ena, ubuhi ele daaglag,” dabmeum. Nug anam dabmeum, amge anam iitta. Muɗi grep amu meu ena ii oppig, meulag doɗo naunau oppig; lanaknu am mua ele, ena iitta.

Sam 44:4

⌊O Kayak,⌋ na am dahil King, dahil Kayak ele. Naib danab ah nahipad, Jakop buɗub, na ag ehanatte, ag ahilkad kekeɗ eɗadtteb.

Ikki Danab 4:3

Am Jabin nug bannu karis 900 aenppa hak ele, amu nug maɗ 20 Israel danab ah eheɗ hadatta, guittak mattom amunu, Israel ag Yawe ehanadkkunu gaappig.

1 Samuel 13:17

Amu Pilistia danab ag oppatna, huu ewam daanna, ag aben anen anen gona, ag Israel danab ah ele ban henana, aqana, ag Israel dilag keeke agappig. Huu laa ag ahan, aab onig Opra goppig. Amuam wan maha nakok laa onig Sual, appanu aab.

Eksodas 1:22

Aria dimppa, Paro nug Isip danab ah amelagppa inam aum. “Hibru ah ag nid danab bau menuadppeg anidna, ag aɗadna, Nil leppa agappeg noig; amge nid ah menuadppeg amu, ag uuadppeg dayeg!” awa aum.

2 King 21:8

Amu danab ah dahilad ag pehettak dahil haknunab nai oh dim lamidna, ag dahil ɗo nai oh ele, Moses, dahil maɗi nid, nug ag mattom amu, ag amu ele dim lamidppeppeg, aria da geha baula wan anukka da ag mamelkad aɗi mattami, ag gemu daatteb ele, da baula heppi, ag amuppanu laih gona daan ii oimna,” awa aum.

2 Stori 33:8

Amu danab ah dahilad ag pehettak dahil haknunab nai oh dim lamidna, ag dahil ɗo nai oh, amu ɗo iɗu iɗu laa oh ele, Moses oɗeppa ag mattami amu, ag amu ele dim lamidppeppeg, aria da geha baula wan anukka da ag mamelkad aɗi mattami, da baula heppi, ag Israel, ag amuppanu laih gona daan ii oimna,” awa aum.

Sam 44:2

Ig mamenkad aɗi ii uɗippig dayeye, danab ah Kanan daappig ele ag na ii dim lamitteg ukke, haen na ig mamenkad omaladna uɗin, haen amuppa na laa ag wan anen anenppa wan imuppa daappig, na he, Israel ag danab amu lamatteg, na wan imu ig mamenkad aɗi mattame. Yo, na danab ah, ig mamenkad aɗi dilag kekeɗ, ag Kanan daappig ele amu, na hee nauheg, na hee ig mamenkad aɗi ag elele daappig.

Sam 80:9

Na grep amu ena mekkunu aben qena ooɗitte, grep diɗi wan unuqag ukka, grep muɗi amu nahip wan oh tona malom.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.