2 Samuel 6:6 - Nobonob Baibel

⁶ Ag amu henana, ag Nakonnu ee aeg mumuɗaknu abenppa gona teegeg, makau uɗatnu karis eeɗpiɗ ele aa taataɗ qettak heeh, Kayaknu Tituanak Nainu Kunup, uɗatnu karis attan uɗalom amunu, Usa nug ɠagattag daakkunu eppeg bahia aɗom.

2 Samuel 6:6 Referans Kwoze

1 Stori 13:9

Ag amu henana, ag Kidonnu ee aeg mumuɗaknu abenppa gona teegeg, makau okkai ebehi ele uɗatnu karis amu eeɗpiɗ, aa taataɗ qettak heeh, Kayaknu Tituanak Nainu Kunup, uɗatnu karis attan uɗalom amunu, Usa nug ɠagattag daakkunu eppeg bahia aɗom.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Genesis 50:10

Ag gona, Atatnu ee aeg mumuɗaknu abenppa teppig. Aben amu le Jodan guguittak dayom. Haen ag appa tena amu, ag mahittak guittak ele heppig. Amu Josep nug mamegnu deɗ eblaih aɗit ele oo doyak doyaya, appa dayom.

Namba 4:18

“Kohat buɗub, ag Aron buɗub ii daatteb, ag keeke Yawenu tituanaknab daatteb ele ii hautak daatteb, ag amu gukkuidna aib wappig. Ag daappeg ukkeb, Aron, bekkod ele dahil mettid haknu peh lag ooppa gona, ag keeke amu oh hautppeg, ag wakkulag. Ag ii hautak haenppa wakkulag amu, ag mauhkkulag. Amunu ag ii mauhmananu, Lewi buɗub oolagppa ii daamnanu, ag bau daaglagnu amu, Aron, nug bekkod ele ag hautna malappeg, ag Kohat buɗub ele, ag oh pehppa nona, Aron, nug buɗub ele, ag Kohat buɗub ag aɗi aɗi mawadkkulag amu, ag tutukku ippunadkkulag,” awa aum.