2 Samuel 5:23 - Nobonob Baibel

²³ Ag anam heeg, Dawit nug Yawe, nug aɗi hekkunu oɗ mette, Yawe Nug Dawit amegppa aum. “Tutukku, Pilistia noolagppa tena, ban aib heme. Iitta. Na taliliadna gona, dimulagppa tena, ad balsam kuɗum ag dimulagppa daatteb amunu, na aben amuppa tena, appanu Pilistia gukkuadna goppe, ag ele ban heig!

2 Samuel 5:23 Referans Kwoze

1 Stori 14:14

Ag anam heeg, Dawit nug baula Kayak, nug aɗi hekkunu oɗ mette, Kayak Nug Dawit amegppa aum. “Tutukku, Pilistia noolagppa tena, ban aib heme. Iitta. Na taliliadna gona, dimulagppa tena, ad balsam kuɗum ag dimulagppa daatteb amunu, na aben amuppa tena, appanu Pilistia gukkuadna goppe, ag ele ban heig!

Josua 8:7

Ai ag anam heppeg, ig Israel laa ig ele anam hepput amu, ag lokkumna daaglag ele, ag amu anidna, ag ahilag haen aakku beum doon, ag ahan, ban hena, aab okkai amu eɗidna aoglag. Yawe, ahilag Kayak, Nug ag madakku.

Josua 8:2

Geha ag Jeriko, nuhig king ele heeg nauhom bia, ag Ai heppeg nauhkku. Amge gemu, haen imuppa amu, ag danab dilagppan doɗ keeke, ag aoglag amu, ag amu oh ag ahilagnu aɗaglag. Amu ag ban hekkulagnu, ag aab okkai dimugppa lokkumna daappeg, haen beeb ag ahan, ban hekkulag,” awa aum.

1 Samuel 22:15

Anukka deɗ laala da Dawit geha aɗi hekkunu, da Kayak oɗ medattami ⌊amu haen amu ohppa na dahilnu oot ii nauhom⌋. Dawit keeke eheɗ laala heum amu, da, nahip maɗi nid, da amunu nai nakok laa ii doomi amunu, na, nahip maɗi nid da, na dahilnu, ‘Nug eheɗ heum,’ aib ame. O na da mamel baekkudppa oolagppanu laa nug eheɗ heumnu ele aib ame,” awa aum.

1 Samuel 23:2

Dawit nug nai amu doya, nug Yawe oɗ metta aum. “Da Pilistia ban danab banelag gokkul, o iitta?” awa oɗ mettom. Nug Yawe oɗ mette, Yawe Nug nob ma aum “Ao, na gona, Keila danab ehanadna, Pilistia aqe!” aum.

2 Samuel 5:19

Ag anam daappig amunu, Dawit nug Yawe oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Yawe anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

2 Samuel 2:1

Amu Saul mauhe ukke, dimppa Dawit nug Yawe oɗ mettom. “Da eɗuen, Juda wanppa aab laappa ukken daakkul, o iitta?” awa oɗ mettom. Oɗ mette am Yawe Nug eɗua amegppa aum. “Ahan, anam hekkut,” awa aum. Nug anam a amu, Dawit nug oɗ mettom. “Ge, da aab attenppa ukken daakkul?” awa oɗ mettom. Oɗ mette amu, Yawe Nug aum. “Hebron gona daakkut,” awa aum.