2 Samuel 24:16 - Nobonob Baibel

¹⁶ Yawe Nug he, engel laa nug oɗe amu he beum amu, engel amu nug Jerusalem uug amu aon nauhkkulagnu eppeg hume, Kayak antta, ooppa guittak naɗi doya, Nug engel uɗat amu heum ele amegppa aum. “Aakku elele! Baula aib heme!” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

2 Samuel 24:16 Referans Kwoze

Eksodas 12:23

Ag amu heppeg, haen Yawe Nug ukka, laih Isip dilagppa ahilkad nid danab matunu amu oh aqakkunu oiyaya amu, Nug ag Israel, ag laulkad anen anennu od ukku tiig laittak antta, Nug od amu tippala, nug engel, danab aqatte ele amu, Nug nug amegppa aib ab, nug ahilkad nid aqakkunu, ag laulkad anen anenppa ii noma.

Genesis 6:6

Nug amu antta, danab wanppa daaglagnu hattomnu kahipa aoɗom bia doya, ahilag haknu ooppa guittak doyom.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

2 Stori 3:1

Solomon nug amu oh ha mala, nug Yawenu mettid lag digma buuom. Nug Jerusalem appa, qauko Moria, appa digma buuom. Qauko Moria appa amu, Yawe Nug Solomon mameg Dawit appa gumitta ukka, tula beum. Anukka ee aeg mumuɗaknu aben appa dayom am, Jebus buɗubppan danab Arauna, nuhig dayom, amge Dawit nug daden ma, Yawenu mettid lag aguppa daakkunu tituanom.

2 King 19:35

Yawe Nug anam aum dimppa, nuhig engel nug aha ukka he, Asiria dilag daup daappig ele, ag oolagppanu danab 185,000, ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

1 Samuel 15:11

“Saul nug da dimeɗa, dahil nai tappe neum amunu, da hei, nug Israel dilag king daatte amu, da amunu oolppa uugnab doottem,” awa aum. Yawe Nug Samuel amegppa anam a doya, Samuel nug oo uug ele daya, nug tuqan amu oh Yawe unuqittom.

2 Stori 32:21

Asiria dilag king, daup ele ag haen tutu dayaknu aab kalakppa daaegeg, Hesekaia, Aisaia ele aa amunu unuqitteh, Yawe Nug nuhig engel laa me, nug uɗia, Asiria dilag daup, danab okkai ele huanaknab, oh bia, aqe mauhppig. Yawe he, engel anam he, Senakerip nug eɗua aha, uɗa nak nau guittak ele doyaya, aab diigppa ukkom. Nug eɗua, aab diigppa ukka, deɗ laa nuhig kayaknu mettid lakka te, nug bekoɗ aɗit qep elabppa nug qeeh mauhom.

2 Korint 2:6

Ahilag danab kuɗum ag danab amu eheɗ heumnu bu medappig, amuam aakku elele. Ag aib baubau huanaknab medappig.

Mak 14:41

Aria, haen ewam batak nug eɗua ukka, ag niiegeg anatta amu Nug ag amelagppa aum. “Ag iite ahappig? Ag tuɗidna niin, hik ele aottebte? Aakku elele! Haen aakku doum. Danab nug Danab Bekkalag da, hipunin danab eppelagppa meiɗkkunu haen aakku doum.

Sekaraia 9:7

Da heppi, ag doɗ teppu, tiig ele baula ii lamana. Ao, ag ee laala ele, ag lamananu nai anak daatte amu, ag amu baula ii lamana,” awa atte. Keeke amu beeb, Pilistia danab ah oɗo yaak daaglag amu, ag Kayak noobppa dup nona binag mekkulag. Ag anam hebeppeg, Kayak Nug heeb, ag Juda oolagppa aab ikki laa bia daaglag. Am Pilistia danab Ekron daatteb, ag Jebus danab anukkanab heppig bia Juda ele laippu daaglag.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Amos 7:6

Da anam awe ei, Naɗi Yawe Nug oo bodoetta le me, “Amu ele ii bema,” awa aum.

Amos 7:3

Da anam awe ei, Yawe Nug oo bodoetta le me, “Amuam ii bema,” awa aum.

Aisaia 57:16

Amu da hanhan dahilad danab dilagnu nai ii hepa. Da ahilagnu hanhan oo nauhak ii doopa. Aɗinu? Da hanhan nai helom, da hanhan oo nauhak doolom amu, danab ah dahilad ag gai-iitta daalob. Ao, da hanhan nai helom, da hanhan oppoɗi bak doolom amu, danab ah dahilad ag mauhlob.

Aisaia 27:8

Nug heeb, Israel ag guittak aoglag, amge ag nauhna autnanab ii aomna. Nug heeb, kekeɗ ag uɗin, Israel eɗadna, diin gona maadppeg, Israel ag diia ukka laih me dayak danab ah wan laappa daaglag. Ge! Nug heeb, kaɗag ɠagattagnab uɗia, ad uɗug keeke iwale gotte, amubia Israel ag wan laappa maniguittak bia anam gona daaglag.

Sam 135:14

Aɗinu anam daakku? Yawe Nug heeb, laa ag nuhig danab daatteb ele, ag nuhikkud daatteb dooglag. Ao, Nug ahilagnu oo bodoetta le mekku.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Sam 78:38

Ag amu heppig, amge Kayak Nug ahilagnu oo gai-iitta doya oo matta ehanatta, Nug ahilag hipunin uhuqa mattom. Nug ag oh ii hatte nauhppig. Haen kuɗum Nug oo nauhak nuhig aɗom. Ao, haen kuɗum Nug ahilagnu oppoɗi bak doyom, amge Nug aɗaɗa, ag bu madakkunu dayom bia ii bu mattom.

Sam 35:6

Ge, laa ag da eheɗ heiɗkkulagnu hetteb ele, ag ippulag am gatatu nau, aiɗikkak ele dayebeb, nahip engel laa, O Yawe, ag lamadkkunu na unuqidttem.

1 King 19:4

Nug maɗi nid nuhig uue dayeye, Elaiya nukka nug aha, atu taɗak ooppa aam laippu ukke ukke, tueb me, nug aben laa, ad brum laa aben amuppa dayom ele amu, Elaiya nug appa ta, ad amu waappa dayaya, nug Yawe amegppa mauhkkunu inam aum. “O Yawe, elele! Da, da mamelad aɗi ii eɗadttem amunu, na heppe, da mauhkkulnu oɗ medattem,” awa aum.

2 Samuel 24:18

Amu deɗ Yawe Nug engel nug uukkunu aum amu, deɗ amuppa Gad nug Dawit gumitta ta, amegppa aum. “Na ahan gona, Jebus danab Arauna, na nug nuhig ee aeg mumuɗaknu abenppa appa Yawenu qaɗab bappaitte!” awa aum.

2 Samuel 5:8

Dawit nug Jerusalem nuhig daakkunu awom, amge ii awom haenppa nug aum. “Jebus danab imu oh amu, ag dahil kekeɗ, ag ameg gaɗuak, baeg nau autaut oiyak ele daatteb bia doyeye, ahilagnu amu, da nau ninig ele doottem. Auntai laa nug Jebus danab imu eɗadkkunu hekku amu, nug le ippu wan ooppa hoyak dim lamitta ukka, aab imu ooppa ta, ag eɗadkkuoitte. Ib laa iitta,” awa aum. Dawit nug anam aum amunu, danab ag digmena appig. “Ameg gaɗuak, baeg nauhak ele am Dawitnu lag enanagnab, ag appa ii daamna,” adappig.

Ikki Danab 19:11

Ag anam gona, ag tueb aab Jebus gukkuidna tena, Lewi danabnu maɗi nid, nug nug amegppa aum. “Ukkaknu amu ukka, tueb ma, uudokkun hette. Ig tuqan imu aab okkai imuppa, Jebus danab ah daattebppa daatu!” awa aum.

Ikki Danab 1:21

Kalep nug ag lamattom, amge Israel dilag huu okkai Benyamin, ag Jebus danab ⌊ag eɗun gona Jerusalem daappig ele⌋ ag amu, ag ii eɗadppig. Benyamin danab ag Jebus danab ii eɗadppig amunu, Jebus danab ag Jerusalem appa, Benyamin danab oolagppa aakku daappig. Ag haen amuppa anam hena daaegeg uɗie, gemu ⌊nai imu yaak haenppa⌋ ele, ag aakku daatteb.

Josua 15:63

Wan, aab ele amu aakku, Josua, nuhig ehanittak ele ag Israel dilag huu okkai Juda madappig. Amge Juda ag Jebus danab Jerusalem daappig ele amu, ag danab amu lamadkkulagnu elele iitta amunu, Jebus danab ag aguppa daaeg uɗie, gemu ⌊nai imu yaak haenppa⌋ ele, ag aguppa daatteb.

Eksodas 12:13

Ag laulag od uguppa doɗ tiig laittak amu, tiig amuam ag Israel laa, ag lag amuppa daattebnu at daakku. Haen da tiig amu anttena amu, geha da ag tippaladkkul amunu, haen da Isip dilag nid ⌊danab⌋ tatamnu, doɗ ⌊dawai⌋ tatamnu ele aqadkkul amu, ahilagppa am eheɗ laa ii bema,” awa aum.

Eksodas 9:28

Ais doɗo am hakkaɗ ele ig eheɗ iqatte amunu, na amu iitta mekkunu Yawe unuqidkkutnu oɗ medattem. Da geha heppi, ag gokkulag; ag baula ippa ii daamna,” awa aum.

Genesis 10:16

Jebus danab, Amo danab, Girgas danab,

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

1 Korint 10:10

Amu ag Kayaknu naittuɗ, Israel oolagppa danab ah laala heppig bia aib heppig. Ag Kayaknu naittuɗ nai mattieg amu aqakkunu engel nug aqe mauhppig.

Jeremaia 26:19

Maika nug anam aɗi dimppa bekkunu nai amu mattie, Juda dilag king Hesekaia nug nug qe mauhomte? Juda oolagppa laa nug nug qe mauhomte? Iitta! Hesekaia nug baɗe, Yawe oo gai-iitta doya oo metta ehanadkkunu unuqittom. Nug anam he, Yawe Nug uug naunab madakkunu uuom amunu, uug naunab ahilagppa bekkunu aum amu, ahilagppa ii beum. ⌊Dabmeig!⌋ Ig hepput, uug naunab ihinigppa bekkunu hetata oittemde!” aon appig.

1 Stori 1:14

Jebus danab, Amo danab, Girgas danab,

Jeremaia 42:10

‘Ag Juda, ag hipunin heegeg, da bu madakkulnunab dayom, amge da gemu ag daattebnu oolppa guittak doottem amunu, gemu amu, ag wan imuppa daappeg, da danab lag he, ena daatte, amubia da ehanadppi, ag ena bena daan oiglag. Da danab lag loppaɗe nauhtte, da ahilagppa amubia ii hepa. Ge, ag wan imuppa daan oiglag amu, da danab nug ee eppe, ena ba, meu otte, amubia da ehanadppi, ag ena daan oiglag. Da danab ee hiɗe bunaɗtte, da amubia ahilagppa ii hepa. Iitta.