2 Samuel 23:8 - Nobonob Baibel

⁸ Dawitnu ban daup ɠagattagnab onilkad am inam. Tatam am Takemon ted onig Josep Basebet. Nug am huu laa onig Danab Ewam dilag ikki dayom. Danab Ewam ag am Dawitnu ban daup oolagppa onilkad okkai, laa oh eɗattak ele. Deɗ laa Josep Basebet nug danab 800 ele ban henana, qep elab nuhigppa aqe mauhppig.

2 Samuel 23:8 Referans Kwoze

1 Stori 27:2

Sabdiel bekka Jasobeam nug am kalam anuqaknu obatak dilag okkai dayom. Danab 24,000 ag obatak amuppa daappig.

1 Stori 27:32

Dawit mameg nakok Jonatan, nug Dawit ulum nai mettom. Nug am yaak danab, dabmak meu unuqagnu doyak danab ele. Hakmon danab Jehiel nug king bekkod gumattom.

1 King 1:8

Aa ehanidkkulahnu apiɗ, amge danab laib laib laa, ag Adonaiya ele oolag laippu ii dayom. Amuam mana mettak danab Sadok, Jehoiada bekka Benaia, propet Natan, amu Simei, Rei, amu King Dawitnu gumak daup, ag ele.

1 Stori 11:10

Yawe Nug Dawit, Israel wan oh dilag king daakkunu Dawit amegppa nai anan qakkom amu, Nug aum bia Israel danab oh, ban danab ɠagattag ele ag Dawit ehanitteg, nug Israel wan oh dilag king ba dayeye, nuhig gumak ii uɗalom. Amu ban danab ɠagattag dilag nai am inam.

Ikki Danab 15:15

nug donki hippeg ebehi laa wanppa niiom antta, nug amu awom. Donki amu nug anukkanab ii mauhom, amu amuppa Samson nug Pilistia danab 1,000 hippeg amuppa aqe mauhppig.

2 Samuel 10:7

Amon ag anam heeg, Dawit doya, nug he, Joap, Israel dilag ban daup oh ele ag Amon ele ban hekkulagnu goppig.

1 Stori 27:1

Kalam anen anen danab 24,000 ag uɗin, king ehanidnana, ban daup dilag uɗat aakku henan daappig. Kalam laa 24,000 uɗin heppig. Kalam laa 24,000 laa uɗin heppig. Ag anam heegeg ukke, maɗ laippu uue, ag baula haen ahilagppa uɗippig. Laa ag kalam anen anen uɗin, ban daup daappig, ahilkad ikki am Israelnu baelkadppan okkai, ban daup 1,000 dilag ikkilkad, ban daup 100 dilag ikkilkad, amu ban daup ikki laa ele. Danab amu ag daup kalam anen anenppa uɗin daappig, ag ag gumadppig; amu ag onilag am inam.