2 Samuel 23:10 - Nobonob Baibel

¹⁰ Amge Eleasar nug ii oolom. Iitta! Nug dayaya, qep elabppa Pilistia aqe mauhegeg, nug eppeg qep qaɗib aɗeɗe, dagta dayom; eppeg qep paɗakkun elele iitta. Nug anam he, Yawe Nug deɗ amuppa Eleasar eppegppa Israel ehanittak okkai mattom. Kayak ehanitte, Eleasar nug anam he, Israel dilag daup laa ag eɗun uɗippig, amge ban ii heppig. Iitta. Ban iitta meum. Ag eɗun uɗin, mauhppig dilag keeke amuib akkan, aon goppig.

2 Samuel 23:10 Referans Kwoze

1 Samuel 19:5

Haen Dawit nug Goliat, Pilistia ted, nug ele ban heya, nug daakku, o nug mauhkku, nug amunu ii dabmeum. Iitta. Yawe ehanitte, nug ban ha, Pilistia amu qe mauhe, nug Israel aɗi oh ehanatte, ag ban naɗi amu eɗidppig. Dawit nug amu he, na nug anidna, na nuhignu gaman ahom. Nug am eheɗ laa ii heum amunu, na nug qeppe mauhkku amu, na nuhigppa hipunin hekkut. Am aɗinu na diig ena iittappa anam hekkut?” Jonatan nug Saul amegppa anam aum.

1 Samuel 11:13

Ag anam appig, amge Saul nug aum. “Gemu Yawe Nug ig Israel ig ehanikka, ig Amon eppegppanu eɗua awikkom amunu, ig ikka laa qeppeg ii mauhma. Iittanab iitta!” awa aum.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

Rom 15:18

Da keeke laalanu ii madipa. Iitta. Da keeke laippunuib madikkul. Amuam Kristus Nug ehaniɗa, dahil naippa, dahil uɗatppa ele Nug he, iitta aɗi ⌊kuɗum⌋ ag aakku Kayak oɗe dim lamidppig.

Aisaia 53:12

Diig amunu da heppi, Nug danab ah oolagppa okkainab daya, Nug banppan awak keeke laa ag Nug dim lamidna, danab ɠagattag daatteb ele, Nug ag madakku. Da heppi, anam bekkunu diig laa am, nug doyaya, nuhig bauklel uua dayom. Laa am, ag nug danab nau ele laippu qagmaadna ⌊qeeg mauha, amuppa nug eheɗ haknu nob nau iitta mekkunu he elele mettom⌋. Laa am nug danab ah kuɗumnab dilag hipunin mawom. Amu laa am, Nug danab ah hipunin heppig ele, Nug amu dilagnu unuqittom,” awa atte.

Sam 144:10

Da amu hekkulnu diig am, na hee, king ag ban eɗidtteb! Da am nahip maɗi nid Dawit, am naib, na da ehaniɗe, kekeɗ ag qep elabppa danab ah aqaeg mauhtteb ele, ag qep amuppa ii iweg mauhmi.

Sam 108:13

O Kayak, na ig ehanigppe, ig keeke okkai okkai hekkunig. Ao, na ig ehanigppe amu, ig kekeɗ ihinkad tappaladta, oɗoɗadkkunig.

Sam 68:12

⌊Anam aakku bekkunu ame amunu, anam aakku beum.⌋ Kekeɗ dilag king, amu ahilkad ban daup ele ag oolna gonana, keeke uuadna goppig ele, Israel ban danab ag diin panippig.

2 King 5:1

Naman nug am Aram dilag kingnu ban daup ikki anuqak. Yawe ehanitte, nug ban kuɗum eɗattom amunu, kingnu neekkakppa, nug danab okkainab dayom. King nug nuhignu oo huana heum. Naman nug ban haaha, nug ban ebehi ele heum, amge nug gaɗa oɗe nau ele.

1 Samuel 14:23

Amunu deɗ amuppa Yawe Nug Israel ehanatta, Pilistia eppelagppanu diiom, amu Israel ag Pilistia lamadna gona, aab onig Betawen eɗidna goppig.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.

Ikki Danab 15:18

Aakku Samson nug le baag huananab diie, nug Yawe unuqitta aum. “Na da, nahip maɗi nid, na da ehaniɗe, da imu oh eɗadmi. Gemu da le baal eheɗnab diitte amunu, da mauhak bia daappi, gaɗa ii otaɗak danab imu ag aɗailkkulagte?” awa oɗ mettom.

Ikki Danab 15:14

Ag anam aon ukkaegeg, Samson nug Lehi teete amu, Pilistia ag ⌊ahilag dabmakppa ag Samson eɗidna aoppig doon, gamalag huananab ahe⌋ enana, nug gumidna uɗippig. Amge Yawenu Ouɗi nuhigppa ɠagattag ele uɗia, Samson ehanitte, nug eppegppan muɗi hoh, am muɗi aab manaeg ewe gai-iitta meum bia mataɗa awa, muɗi hoh eppegppanu na qe,

Josua 11:8

Yawe Nug Israel ehanatta, kekeɗ ban daup amu diia, ag eppelagppa meum. Israel ag kekeɗ lamadna gona, Saidon Anuqak, appa, amu Misrepot Maim appa wana, ag lamadna gona ele, Mispa, ban digmeppigppanu kaɗag uɗitteppanu daatte amu, ag appanu oolnu noakppa wappig. Ag tuɗidna lamadnana aqaegeg ukke, laippu laa bau ii dayom.

Josua 10:42

Yawe, Israel dilag Kayak, Nug nuhikkud danab banppa ehanattom amunu, haen tutu laippu amuppaib, Josua nug king appanu eɗattowa, nug wan amu oh awom.

Josua 10:10

Israel ag anam teeg, Yawe Nug Amo dilag king, ahilkad daup ele ag huan baɗaglagnu he, Israel ag Amo danab kuɗumnab Gibeon appa aqappig. Ag anam henana, Israel ag Bethoron ukkak, ibppa appa Amo lamadppig. Amu kekeɗ ag oolna ukkaegeg, Israel ag lamadna, aqaeg mauhattegeg gona, Aseka, Makeda ele batakppa appa goppig.

2 Samuel 23:12

Amge Sama nug dad okkai amu gamagppa dayaya, Pilistia ag aomnanu ban haaha, Pilistia aqe mauhppig. Yawe ehanitte, nug aqe mauhppig amunu, nug eppegppa Yawe Nug Israel ehanittak okkai mattom.

1 Stori 11:13

Deɗ laa Pilistia ban danab ag Pasdamim appa Israel ele ban hekkulagnu qagmeeg, Eleasar, nug Dawit ele appa daapiɗ. Pilistia, Dawit, Eleasar, Israel dilag ban danab ele ag oh appa daanna, ban henana, bali dad okkaippa Pilistia wagainab meeg, Israel dilag daup ag oolppig.

1 Samuel 17:53

Israel ag Pilistia lamattona, ag eɗun uɗin, Pilistia dilag haen tutu dayaknu aab kalakppa nona, keeke oh uun goppig amu, ag agappig.