2 Samuel 23:1 - Nobonob Baibel

¹ Imuam Dawit, nug nuhig mauhaknu haen miag daye doya, nug nai laa inam mattiom. Imuam Jesi bekka Dawitnu nai meunab ele. Ao, imuam Kayak Attannab Laa Oh Eɗattak Nug he, Dawit nug danab okkainab dayom, am nuhig nai meunab ele. Jakopnu Kayak, Nug Dawit king daakkunu goɗen gokkaɗakppa tituane, nug king dayom. Ge, Dawit nug Israel dilag ahi enanag ettaknu danab dayom.

2 Samuel 23:1 Referans Kwoze

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Amos 6:5

Ag harp qenana, ahi hamu hamu ettanna; Dawit nug musik haknu keeke digdig hattombia, ag hetteb.

Sam 72:20

Jesi bekka Dawitnu unuqittak anen anen iguppa batom.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

1 Stori 16:9

Ag ahi ettanna, ag Yawe binag meig! Ge, ag onig humaknu ahi ettanna, ag Nug binag meig! Ao ag nuhig hak ena ena ohnu, ag danab ah laa oh ag amu dooglagnu ag amelagppa aig!

1 Stori 16:7

Amu deɗ amunu Dawit nug Yawe amegppa ena heme anaknu ahi imu Asap, nug laikkud ele, ag ahi ettaglagnu mattom.

1 Samuel 2:10

Danab ag Yawe ele ban hak bia hetteb amu, Nug heeb, ag nauhna autna aoglag. Genab! Yawe Nug hab aabppa dayaya, nuhig ɠagattagppa heeb, danab amu ag uug aoglag. Yawe Nug wan imuppan danab ah oh epeɗiadkku. Yawe Nug heeb, nuhig king am ɠagattag ele daakku. Ao, Nug laa king daakkunu goɗen gokkaɗakppa tituanom ele, Nug ɠagattag onig okkai ele nug metteb daakku.” Hana nug anam unuqittom.

Jems 5:13

Ag oolagppa laa nug uug dootte dayeb amu, nug unuqittaɗ! O iitta, lainig laa nug oo gamag ahak dootte dayeb amu, nug ahi edatta, Kayak binag maɗ!.

Luk 20:42

Dawit nug nukka buk Samppa amu inam yom. ‘Yawe Nug dahil Naɗi amegppa inam aum. “Na da eppel naɗiap-ppa daappe ukkeb,

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

Genesis 49:1

Aria, deɗ laa Jakop nug bekkod onilagppa e uɗieg, nug aum. “Dimppa keeke aɗi aɗi ahilagppa bekku amu, ag amu dooglagnu da noolppa qagmeppeg, da appi dooglag.

1 Samuel 17:12

Amu Dawit mameg Jesi amu, Saul nug Dawit ukkeb, nug ele daaglahnu Jesi oɗ mette, nug ena aum amunu, nug ukke, Saul ele daapiɗ, dimppa amu nug eɗua mameg toppa ukka, nuhig sipsip guma, eɗua Saul toppa ukka ehanitta, eɗua ukka, mamegnu sipsip gumattom. Jesi nug am Betlehem danab, Israel dilag huu okkai Judanu; nuhig aab ikki am Eprata. Haen Saul nug king dayom, Jesi nug kaino meum. Nug bekkod nid danab am eblaih ewam ele. Dawit nug am huh bieg. Aria, nid danab tatamnu, nug dimugppanu, amu nug dimugppanu ele, ewam amu ag Saul dim lamidna, Pilistia ele ban hekkulag goppig. Nid danab tatamnu onig Eliap, nug dimugppanu onig Abinadab, amu nug dimugppanu Sama.

1 Samuel 18:7

Ah ag ahi goɗanna, ahi inam edappig. “Haen kuɗum Saul nug danab 1,000 aqe mauhtteb, amge Dawit nug danab 10,000 aqe mauhtteb.” Ag anam anan ettanna goɗappig.

2 Samuel 22:34

Am doɗ dia laa nug na qekkunu elele iitta oitte, amubia Kayak Nug da ehaniɗeɗe oittem. Ao, ib qaukoppanu oikkulnu, Nug da ehaniɗe, da ii nein qettem.

2 Samuel 22:51

Yawe Nug nuhig king ehanitte, nug nuhikkud kekeɗ eɗadtte. Ao, Nug laa nug king daakkunu goɗen gokkaɗakppa tituanom ele, Nug nuhignu oo mauhaknab dootte. Ge, Nug da, Dawit, amu da buɗulad dilagppa hanhanib anam hekku.” Dawit nug anam aum.

Sam 89:21

Da nug ɠagattag medakkul. Ge, da nug ehanidppi, ɠagattag daakku.