2 Samuel 22:7 - Nobonob Baibel

⁷ Amge da uug nau amuppa dayeye, da Yawe onigppa emi. Ao, da Kayak dahil unuqidmi. Da Nug unuqitti, Nug nuhig mettid lagppa dayaya doya, da ehaniɗom. Ge, Nug dahil unuqittak doya ehaniɗom.

2 Samuel 22:7 Referans Kwoze

Sam 18:6

Amge da uug nau amuppa dayeye, da Yawe onigppa emi. Ao, da Kayak dahil ehaniɗkkunu unuqidmi. Da nug unuqitti, Nug nuhig mettid lagppa dayaya doya, da ehaniɗom. Ge, Nug dahil unuqittak doya ehaniɗom.

Sam 116:4

Da anam dayeye doyen, amu da Yawe onigppa ein ami. “O Yawe, na da ehaniɗppe, da bau daye, ii mauhpanu oɗ medattem.” Da anam unuqidmi.

Jona 2:7

O Yawe, da mauhkkulnu hein dayeye, da nahipnu dabmein unuqitti, na nahip mettid lag nahipnu tituanak daatte, na amuppa daanna, na unuqittak dahil aakku doome.

Sam 120:1

Da uug nauppa dayeye, Yawe unuqidttem. Da unuqitti, Nug dahil unuqittak nob mette.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Habakuk 2:20

Kayak hambuppuak ag anam daatteb, amge Yawe Nug nuhig mettid lag nuhignu tituanak daatte, Nug appa daatte. Wan atu ohppan danab ah ag Nug noobppa toettan dayeg!

Sam 34:6

Da am daɗek danab laa, amge Yawe unuqitti, Nug doya ehaniɗe, uug dahil oh eɗidmi.

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Jona 2:4

Da anam daami amu, haen amuppa da inam ami. ‘Na da geɗilna, da ii neekkiɗttem. Ao, da nahip mettid lag nahipnu tituanak daatte, da lag amu baula ii anidpa,’ awe ami.

Luk 22:44

Jesus Nug beɗuppa uug nau, mauhak bia doyaya, Nug oo unuqagppanu unuqittette, heɗi tiig bia na, wanppa noum.))

Sam 107:6

Ag anam uugppa daanna, ag, “O Yawe, na ig ehanigkkutnu oɗ medattem!” unuqitteg, Nug ag ehanatte, qagaiettakppa ii daappig.