2 Samuel 22:18 - Nobonob Baibel

¹⁸ Nug da kekeɗ ɠagattag ele eppelagppanu awiɗom. Ao, Nug laa ag dahilnu nau ninig ele dooppig eppelagppanu eɗua awiɗom. Aɗinu? Kekeɗ ag da eɗilak, da ag eɗadkkulnu elele iitta.

2 Samuel 22:18 Referans Kwoze

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.

Sam 56:9

Anam ⌊amunu⌋ da na ehaniɗkkutnu oninppa ekkul. Da eppi, na heppe, deɗ amuppa kekeɗ dahilad ag bittumttum gokkulag. Ge, da imu doottem. Na, Kayak, na dahil ehanittak daattem.

Sam 3:7

O Yawe, na ahan ⌊ehaniɗkkutnu⌋ oɗ medattem. Ao, O Kayak dahil, da nauhpanu awiɗkkutnu unuqidttem! ⌊O Yawe,⌋ na kekeɗ dahilad oh iɗulag mataɗadkkutnu oɗ medattem. Ao, na nau hak danab aelkad maduduadkkutnu unuqidttem!

2 Samuel 22:1

Dawit nug Yawe Nug ehanitte, nug nuhig kekeɗ eppelagppa ii dayaya, Saul eppegppa ele ii daya antta, nug ahi imu edatta,

2 Samuel 22:17

Yawe Nug attannab umanu eppeg bahia da aɗailom. Ao, Nug da, danab laa nug laa le naɗi ooppan ehanidtte bia da aben eheɗppanu ehaniɗa awiɗom.

2 Samuel 22:19

Deɗ da uug naunabppa daaiyi, ag da eɗilkkulagnu heppig. Ge, ag anam heppig, amge Yawe Nug he, da ɠagattag daami.

Sam 35:10

Yawe, da na binan meul ohppa ele hume akkul, “Yawe, auntai na bia laal iitta. Na danab ag ɠagattag iitta ele ehanatte, ag danab ɠagattag ele amu, ag ag eppelagppa ii daatteb. Ao, na he, laa ag daɗek danab, danab ah keekenu tutu mak ele, ag amu dilag keeke yab aoglagnu hetteb amu, na he, ag amu hekkulagnu elele iitta daatteb. Daɗek amu ag laa eppelagppa ii daatteb.”