Biblia Todo Logo
Bib sou entènèt

- Piblisite -




2 Samuel 21:12 - Nobonob Baibel

12 Dawit doya amu, nug Jabes Gileat ukka, Saul ebehi, Jonatan ebehi ele danab appanu eppelagppanu awom. Pilistia danab ag Saul, Jonatan ele Gilboa appa aqateg mauheh, ag gaɗalti aon gona, aab onig Betsan, appa haɗap-ppa, aihateg daaeheh, Jabes Gileat danab ag lokkumna gona, gaɗalti aon uɗin, Jabes Gileat appa boumatppig.

Gade chapit la Kopi




2 Samuel 21:12
15 Referans Kwoze  

Josua, nuhig ehanittak ele ag aab laala, am aab naunau aab amu taliliattak daappig ele, ag Israel dilag huu okkai Isakar, Aser ele dilah wanppa daappig amu, ag aab amu Israel dilag huu okkai Manase ele madappig. Aab amu onilkad amu, Betsan, Ibleam, Dor, onig laa am Napot Dor, Endor, Tanak, Megido ele. Aab naunau laala ele aab amu taliliattak daappig amu, ag aab amu ele ag madappig.


Amu Pilistia ban danab ag Israel ban danab ele ban hena, Israel ag oolna goppig. Pilistia ban danab ag qauko Gilboa appa Israel ban danab kuɗum aqaeg mauhppig.


Gu, baito ele Gilboa wanppan qaukoppa aib neum. Ao, ee aegnu ofanu keeke ele wan amuppa aib ba, meu oum. Aɗinu? Aben amuppa kekeɗ ag heeg, danab okkai, ɠagattag ele, nuhig guppiɗ am dubuttid tak ele dayom. Ao, gemu amu, laa nug Saulnu guppiɗ goɗenppa ii bappaidtte.


Dawit nug oɗ mette amu, nid bau amu nug aum. “Da qauko onig Gilboa appa oikkulnu ii dabmemi, amge da attem hein, appa oiyeye, Saul nug hibaitta daakkunu nuhig ban aɗa dayom anidmi. Nug anam dayeye, kekeɗ dilag daup ag bannu karis attan daan, ban hetteb, daup ag hos attan daan, ban hetteb ele amu, ag gukkuittak uɗin, Saul aɗaglagnu uɗippig.


Amu Pilistia ban danab ag Israel ban danab ele ban hena, Israel ag oolna goppig. Pilistia ban danab ag qauko Gilboa appa Israel ban danab kuɗum aqaeg mauhppig.


Pilistia ag Israel ele ban hekkulag heppig amunu, ag qagmena, ahan uɗin, aab okkai Sunem guguittak haen tutu dayaknu aab kalappig. Ag uɗin, aab aoegeg, Saul nug Israel ban danab e uɗieg, qagmaatte, Gilboa qaukoppa haen tutu dayaknu aab kalappig.


Ban hak amu anam ukke, Israel ag oolna ukkaeg, wagɗe deɗ amuppa Pilistia ag Israel ban danab mauhppig beɗulagppanu keeke akkaglagnu uɗippig. Ag keeke aona oina, Saul mauhom gaɗa, nug bekkod mauhppig gaɗalag ele qauko onig Gilboa niiegeg anadppig.


Ag Saul bekkod, nid danab ewam oh aqaeg mauheg, ban huan hena gona, Saul gukkuidna tena, Pilistia ban danab latppa ban hetteb ele ag Saul lamidna gona qeeg, nug guittak nau awom.


Saul nug guittak anam awa, nug danab bannu keeke nuhig maotte ele amegppa aum. “Pilistia danab amu, ag Kayak ii dootteb, ag uɗin, da aniɗna, yaaiɗna, ag da beɗul komanman nau kuɗum qettamnanu, nahip qep elab gaɗappa daatte amu eeɗna aon, iuppe mauhei!” Saul nug anam aum, amge danab ban hak keeke nuhig mawom ele nug eheɗ nau baɗom amunu, nug Saul aum bia ii he, Saul nug nukka qep elab ⌊nuhig⌋ awa, amuppa nukka ha mauhom.


Saul wau amge waunab iitta Rispa, nug Aia aɗeg amu, nug anam heehe, danab laa nug Dawit amegppa amunu a,


Dawit nug Saul, bekka Jonatan ele ebehilah appanu awa uɗia, nug aa ebehilah, danab eblaih aɗit Gibeon danab aqaeg mauheg, boumak iitta niippig ele amu, nug ag ebehilag ele awa he,


Ag anam daaegeg, Juda danab ag Hebron uɗin, ag Dawit nug ahilag king daakkunu hena, ag Dawit king daakkunu goɗen gokkaɗakppa tituanppig. Ag anam heppig dimppa amu, laa ag Jabes Gileat danab ag, Saul mauhe, haen elab ii ukke, ag gona gaɗa awona, ag aon uɗin boumppig Dawit amegppa aeg doyom.


Swiv nou:

Piblisite


Piblisite