2 Samuel 20:9 - Nobonob Baibel

⁹ Qep anam niieye, Joap eppeg nanehppa bahia awa, nug Amasa amegppa aum. “O lai, na attem daattem?” awa oɗ mettom. Oɗ metta, nug Amasa ootuqidkkunu nug eppeg naɗiap-ppa Amasa akkaɗi aɗom.

2 Samuel 20:9 Referans Kwoze

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

2 Samuel 15:5

Apsalom nug haen oh anam hettom. Nug anam haaha, aun laa nug uɗia, Apsalom noobppa dup nokkunu he amu, Apsalom nug pahanab eppeg bahia aɗe, danab amu dup nokkunu elele iitta, hibaitta dayeye, Apsalom nug danab amu ootuqidttom.

2 Samuel 17:25

Ag Jodan mataɗna, ag gona, wan onig Gileat, ag appa haen tutu dayaknu aab kalappig. Am Joap nug Apsalom ele ii dim lamittom amunu, Apsalom nug Amasa nug nuhig daup dilag okkai daakkunu otiom. Amasa nug danab onig Jeter bekka. Jeter nug am Ismael buɗub, amu nug wau am Nahas aɗeg Abigel. Nug Joap anig Seruia makkeg.

2 Samuel 18:29

Ahimas nug anam a, King Dawit nug oɗ mettom. “Ge, nid bau Apsalom, nug ena daattete?” awa oɗ mettom. Oɗ mette am Ahimas nug aum. “Da amunu tutukku ii doottem. Joap nug da, nahip maɗi nid, amu nahip maɗi nid laa ele, i meiteb uɗignihnu heehe, danab ag muttub huan qeegeg anadmi, amge diig aɗinu ag amu heppig amu, da ii doottem,” awa aum

1 King 2:32

Joap nug danab aɗit hamu aqate, Yawe Nug nob iikku medakku. Da mamel, Dawit, nug ii doyeye, Joap nug qep elabppa ban ha, Ner bekka Apner, nug am Israel ban daup ikki anuqak, amu Jeter bekka Amasa, nug am Juda ban daup ikki anuqak, Joap nug aa hamu aqate mauhpiɗ, amge aa am danab aɗit, ahilah oiyak, ahilah kobol ele am ena. Aa, amu ahilah hak ele, am Joapnu kobol, oiyak ele eɗittom.

Jeremaia 41:2

Netania bekka Ismael nug danab eblaih laih ele, nug ag ele oh ahan, Ahikam bekka Gedalaia, nug am Sapan alag, ag nug qep elabppa qeeg mauhom. Ge, ag laa Babilon dilag king nug Juda wannu gawana daakkunu tituanom amu, ag nug qeeg mauhom.

Ikki Danab 3:15

Anam daye amu, Israel ag Yawe ag ehanadkkunu baula gaaegeg, Yawe Nug danab laa ag ehanatta, Moap eppelagppanu eɗua diikkunu qappom. Nug onig amu Ehud. Nug Gera bekka; nug am Israel dilag huu okkai laa Benyamin, amuppan danab. Ehud nug am naneh danab. Am Israel ag Ehud meeg, Moap dilag king Eklon toppa ahilag en takis bia medakkunu ukkom.

Prowerb 26:23

Wa, hinai, nippud, kap keeke, gau laittak ele am anttaknu enanag, amge ooppa aɗi daatte danab ah ii ippunadtte; amubia, danab laa nug ooppa nau daatte ele, nug nai ena madikku, amge nug danab ena iitta.

Prowerb 27:6

Layapnu daug batakppanu guittak awak, amuam keeke genab, nai amunu na genab elele dookkutnu elele; amge kekeɗnu ootuqittak huanak, amuam keeke genab iitta.