2 Samuel 2:6 - Nobonob Baibel

⁶ Nug ele ahilagnu oo mauhaknab kobol, oo metta ii uuak kobol ele doya dim lamidkkunu ool daatte. Ag kobol ena amu heppig amunu, da ele ahilagnu anam hekkul.

2 Samuel 2:6 Referans Kwoze

Prowerb 14:22

Danab ag kobol eheɗ hekkulagnu dabmetteb, ag padal metteb; amge laa ag kobol ena hekkulagnu maittak aotteb, ag oo mauhaknab kobol, oo metta ii uuak kobol ele, ag kobol aɗit amuppa daatteb.

Eksodas 34:6

Nug anam ha, Nug Moses noobppa wanana, Nug inam anan mattiom. “Da am Yawe, Da am Yawe. Da Kayak, da am oo gai-iitta doya oo metta ehanittak diig, oo bodoette enanag maɗoɗ ele haknu diig ele. Da paha ool ii nauhtte. Dahil oo mauhaknab kobol, dahil oo metta ii uuak kobol ele am, ambeya, letaya nettep.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Sam 57:3

Kayak Nug hab attan daatte, Nug appanu da ehaniɗeb padal ii mepa. Ao, Nug danab ag da heiɗeg nauhttem ele amu heeb nauhkkulag. Sila. Ge, Kayak Nug dahilnu oo mauhaknab doya, Nug ele dahilnu oo metta ii uuak kobol dim lamidkku.

2 Samuel 15:20

Na tumainab iikku da ehaniɗkkutnu uɗime. Amu gemu da heppi, na ig ele ɗo danab, lag iitta bia da atu atten, da amu ii doottem ele, na ig ele anam oignig am ena iitta amunu, na, na baenadppa ele ag eɗun gokkulag am nai iitta. Amu Kayaknu oo bodoettak kobol, nuhig oo metta ii uuak kobol ele nahip-ppa daakkunu ool daatte.” Dawit nug Itai amegppa anam aum.

2 Samuel 10:2

Nahas nug mauhe, Hanun king daye, Dawit nug inam dabmeum. “Nahas nug dahilnu oo mauhaknab kobol doya dim lamittom, amubia da nug bekkanu ele oo mauhaknab kobol doye, dim lamidkkul,” dabmeum. Dawit nug anam dabmeum amunu, nug nuhikkud danab laa gona, oo doyak ehanittak nai Hanun amegppa akkulagnu maatte goppig. Nug maatte gona, ag Amon wanppa teppig.

2 Samuel 9:7

Mepiboset nug Dawit amegppa anam a, Dawit nug aum. “Da na mamen Jonatannu dabmak anuqak awen, nahipnu oo mauhaknab kobol doye dim lamidkkulnu hettem amunu, na aib baɗame! Na alan Saulnu wan oh amu, da eɗue, na eppenppa mekkul. Laa amu, na hanhan dahil balalppa ee lakkut,” awa aum.

2 Samuel 9:3

Siba anam amegppa a amu, King Dawit nug oɗ mettom. “Saul buɗub laa appan daattete? Laa daatte dayeb amu, da Kayak Nug oo mauhaknab kobol ihinignu doya dim lamidtte, amubia da danab amunu dabmekkulnu ool daatte,” awa aum. Nug anam a, Siba nug king amegppa aum. “Jonatan bekka laa appan daatte. Nug am baekuɗ oh kaliak ele,” awa aum.

2 Samuel 2:7

Saul, ahilag okkai, nug aakku mauhom, Juda danab ag da ahilag king daakkulnu goɗen gokkaɗakppa tituaniɗppig amunu, ag ɠagattag daan, ag oolagppa ɠagattag doyeg!” Nug nai amu me ukkom.

Josua 2:14

Nug anam a amu, lokkumakppa atu italak danab aa apiɗ. “Aakku! Ig Israel, ig wan imu aopput, na, nahipad ele ag mauhkkulag dayeb amu, Yawe Nug i niteb mauhkkunihnu oonig daatte! Na auntai laa i aɗi aɗi hettepnu, na nug amegppa ii akkut dayeb amu, haen Yawe Nug wan imu ig mekkebeb, ig nahipnu oo bodoettak doota, ena hetata, oo metta ii uuak kobol ele nahipnu dim lamidkkunig,” aoya apiɗ.

Rut 1:8

Ag ib aon gonana, Naomi nug baeg ya, hibaitta dayaya, ahipoɗ amelahppa inam aum. “Aa eɗuya gopeɗ, aa anilti ele dayeg! Aa dahilnu, amu aa gamulti dilahnu ele enanag hepiɗ, amubia Yawe Nug ahilahppa oo mauhaknab dookkunu ool daatte.