2 Samuel 15:18 - Nobonob Baibel

¹⁸ Ag anam daaegeg, Dawitnu ban daup oh anuqna nug noobppa laippuppa tappan ukkaeg, danab Dawit gumappig, amuam Keret danab, Pelet danab ele, amu danab 600 laa, ag anukka Gat appa Dawit ele daan, dimppa Dawit ele oh uɗippig amu, ag ele nug noobppa goppig.

2 Samuel 15:18 Referans Kwoze

2 Samuel 8:18

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, Dawit bekkod ag nug ulum mettak danab daappig.

1 Stori 18:17

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, King Dawit bekkod ag nuhig ehanittak anuqak danab okkai daappig.

1 King 1:38

Dawit nug anam a, aakku mana mettak danab Sadok, propet Natan, am Jehoiada bekka Benaia, aria, danab Dawit gumappig, amuam Keret danab, Pelet danab ele amu, ag oh noppig. Ag nona Solomon aon, King Dawitnu miul attan mewon, ag nug ele oh le nakok Gihon, amuppa noppig.

2 Samuel 20:23

Joap nug Dawitnu daup oh dilag ikki anuqak dayom. Jehoiada bekka Benaia nug danab Dawit gumappig, amuam Keret danab, Pelet danab ele, nug ahilag okkai dayom.

2 Samuel 20:7

Dawit anam aum amunu, Joapnu daup, danab Dawit gumappig, amuam Keret danab, Pelet danab ele, amu daup oh ɠagattag ele ag Abisai dim lamidna goppig. Abisai nug ag oh, ahilag okkai dayom. Ag oh Jerusalemnu ahan, Abisai dim lamidna, Bikri bekka Seba aɗaglagnu goppig.

1 Samuel 30:14

Nid bau nug anam anana, nug nai tuɗitta Dawit amegppa aum. “Dahilnu amu anam, amge nakok matu bia danab naɗi dahil, nuhikkud huu amu ele ig Juda wan laih yau uɗitteppanu aben Keret daattebppa, ig gota, appa teut, danab amu ele ban heta, keeke ahilag aomut. Aot am ig eɗut, Juda wan laih yau uɗitteppanu Kalep alakkud daatteb, aben amuppa teut, ag ele ban heta, keeke ahilag amu oh akkat gomut. Gota, aab Siklak manaut ewom,” awa aum.

2 Samuel 18:2

Nug anam ha mala, nug he, daup amu oh ag huu obatak ewam daappig. Huu okkainab laippu dilag okkai am Joap. Huu okkainab laa dilag okkai am Joap amag Abisai. Abisai nug Seruia bekka. Amu huu okkainab laa dilag okkai am Gat danab Itai. King Dawit nug anam ha, ban haknu haenppa nug ag huu anam anam daanna, gona ban hekkulagnu maatte goppig. Amge ban haknu daanna, tatam nug nuhikkud daup amelagppa aum. “Da ag ele oh ban hekkunignu gokkunig,” awa aum.

2 Samuel 6:10

Dawit nug anam ana, nug Yawenu Tituanak Nainu Kunup awa ta, aab nug daatteppa, amuam Dawitnu Aab amu, nug appa mekkunu uuom. Nug uua, nug laih ukka, Gat ⌊Rimon⌋ danab onig Obetidom, nug laugppa meum.

1 Samuel 27:3

Dawit nug nuhikkud danab ele gona gumidna tena ⌊Dawit nug Akis oɗ mette, nug ena awa a,⌋ amu Dawit nug nuhikkud danab ag baelkadppa ele oh Gat aabppa, Akis daatteppa daappig. Dawit wauuɗ aɗit, laa Ahinoam, nug am Jesril ah, laa am Abigel, nug Karmel ah, aa ele oh Dawit ele Gad daappig. Abigel nug am anukka Nabal wau dayom, amge Nabal mauhe, Abigel nug hamu dayeye, Dawit awom.

1 Samuel 23:13

Yawe Nug anam aum amunu, Dawit nug nuhikkud danab ele, ag ahilag ebqak amu 600 keeke anam, ag ahan, Keila uun gona, haen tutu aben laappa daappig. Haen tutuib dayona, ag appanu ahan gona, aben laappa ele haen tutuib daappig. Ag anamib henan goppig. Amu Saul nug, “Dawit nug nuhikkud danab ele ag Keila uuppig,” doya, nug Keila ii ukkom.

1 Samuel 25:13

Ag Dawit amegppa amu mattieg doya, nug nuhikkud danab amelagppa aum. “⌊Ban hekkunignu babaittak dayaknu amu,⌋ ag qep elab ahilkad diin, imualagppa takkeg!” awa aum! Nug amelagppa anam a, ag oh ahilkad qep elab akkan, imualagppa takkeg, Dawit nug ele qep elab nuhig awa takkom. Nug takke, nuhikkud danab 400 keeke anam ag ahaeg, nug ele goppig. Danab 200 amu ag keeke guman daappig.

1 Samuel 30:1

Akis Dawit amegppa nug nuhig ban danab huu ele eɗun gokkulagnu a, aakku ag eɗun deɗ aɗit gona, gona, deɗ ewamppa ag aab ag daattebppa teppig. Aab amu onig Siklak. Ag gona, aab ag daatteb ele amuppa teppig, amge haen ag ii daaegeg, Amalek ban danab huu ag uɗin, Juda wan laih ulah yau uɗitteppanu, appa ban henan, uɗin Siklak aabppa ele ban heppig. Ag banelag uɗin, ban hena, aab Siklak manaeg ewom.

1 Samuel 30:9

Yawe Nug a, Dawit nug danab 600 nug ele daatteb ele amu ag oh ahan, danab amu dim lamadna gona, oolnu noak laappa teppig; oolnu noak amu onig Besor. Ag gona, appa tena, danab laala ebqak ahilag 200, ahilag ɠagattag amu iitta me, ag oolnu noak amu mataɗkkulagnu elele iittanu, ag aguppa daappig. Ag daappig, amge Dawit, nug danab 400 laa amu ele, ag goppig; ag kekeɗ ahilkad amu dim lamadna goppig.

2 Samuel 15:17

King nug ugekke, danab ah laa oh ag nug dim lamittegeg, ag gona, lag laa nakok uma, aab daugppanab daatte, appa tena, ag appa ag baelag yaan daappig.

1 Samuel 27:4

Dawit aakku Gat dayeye, laa ag amunu Saul amegppa aeg doya, nug baula Dawit mattia aɗakkunu ii oiyom, iitta.