2 Samuel 14:1 - Nobonob Baibel

¹ Amu Seruia bekka Joap nug Dawit Apsalomnu oo huana heehe, nug eɗua anidkkunu oo okkai dayom ele doyom

2 Samuel 14:1 Referans Kwoze

2 Samuel 13:39

Anam daye ukke King Dawit nug Amnonnu oo meum amunu, nug Apsalom anidkkunu oo huana heum.

2 Samuel 2:18

Amu Seruia bekkod ewam, ag ban amuppa daappig. Ag onilag am Joap, Abisai am Asahel ele. Asahel nug doɗ gasel huana qaietta gotte, nug amubia huana qaietta gokkunu elele.

Prowerb 29:26

Danab kuɗum ag gumak danab nug ii helo bia me, nug ehanadkkunu hetteb; amge nai doya mala hettoɗia epeɗia elele mettak kobolnu amu, danab ah ag amu Yawe, nuhigppanu aotteb.

1 Stori 2:16

Jesi bekkod am aakku. Ag appinalti onilah am Seruia, Abigel ele. Seruia bekkod Abisai, Joap, Asahel ele.

2 Samuel 19:4

Ag anam heppig, amge Dawit nug iɗu hauta, Apsalom mahitta, huana qanana aum. “O da bekkal Apsalom! O da bekkal, da bekkal Apsalom!” awa aum.

2 Samuel 19:2

Amu Dawitnu daup ag, “Apsalom mauhom amunu, King Dawit nug oo uug naunab nau doyaya, mahidtte,” dooppig amunu, ag uug dooppig. Deɗ amuppa ag ahilag kekeɗ eɗadppig, amge King Dawit nug bekka mahittette, ag kekeɗ eɗadppignu oo gamag ahak am ii dooppig. Iitta. Ag oolag uug dayom.

2 Samuel 18:33

King Dawit nug nai amu doya, nug eheɗ ottaiom. Nug ottaia, nug aha, nug aben amu uua, oo laa od attan dayom amu, nug amuppa ukka ta, gayom. Nug aguppa tekkunu taata, nug inam mahittom. “O da bekkal Apsalom! O da bekkal Apsalom! Da na abenam awen mauhlom am ena. O Apsalom, da bekkal, da bekkal,” awa mahittom.

2 Samuel 14:2

amunu, Joap nug he, laa nug aab onig Tekoa ukka, nug appanu ah doyak dabmak ena ele omale uɗipiɗ. Ah amu nug uɗie, Joap nug ah amu amegppa aum. “Na mahiaya oiyak bia ippu hak hena, na mahiaknu lamen mena, na beɗun anttak ena daakkunu goɗen laa beɗun ii laidmana, auntai nahip-ppan laa mauhe, haen elab na dub mena oittem bia ippu hak hena,