2 Samuel 13:34 - Nobonob Baibel

³⁴ Amu nug bekkod dilagnu nai anam Dawit toppa te, Jonadap nug nai amu Dawit amegppa mattiom, amge haen gamag amuppa Apsalom nug oola ukkom. Anam daye ukke, danab nug aɗi uɗitte anittak danab amu, nug neekke ukke, danab kuɗum qaban uɗitteppanu uɗinna, qauko nakok igippa neegeg anattom. Anatta, nug ukka, Dawit amegppa aum. “Da danab kuɗum Horonaim ukkaglagnu ibppa, qauko nakok heqo laihppa uɗiegeg anadmi,” awa aum.

2 Samuel 13:34 Referans Kwoze

Amos 5:19

Deɗ amu geha danab laa nug doɗ laion laa baɗitta, oola ukka, doɗ bea laa noobppa watte bia daakku. O iitta, danab laa nug ⌊aɗi keeke baɗitta oola,⌋ laug ooppa noa, nug eppeg bahia, lagnu gilil aɗa hik aokkunu heehe, mat nau laa eppeg emaltte bia daakku.

Prowerb 28:17

Danab nug laa qe mauhtte amu, nug moɗppa nokkunu oola gotte; auntai laa nug nuhig haknu nob aomanu aib ehanittom.

2 Samuel 13:35

Nug anam a, Jonadap nug king amegppa aum. “Antte! Da, nahip maɗi nid, da ami amubia na begapad ag uɗin, iikku bekkulagnu uɗitteb,” awa aum.

2 Samuel 18:24

Am laa ag ban heegeg, Dawit nug aab laa amuppa dayaya, nug ukka, aab amuam aɗ aɗit ele, laa am laa talilittom, aɗit oh am od ele amu, nug od aɗit amu gamagppa dayom. Nug anam dayeye, aɗi uɗitte anittaknu danab nug aɗ attan ta, nug neekke ukke, danab nug nukka qaietta uɗieye anttom.