2 Samuel 12:6 - Nobonob Baibel

⁶ Nug eheɗ nau heum, nug oo doyak nakok laa ii doyaya heum. Nug sipsip balat laippu qeum amunu, nug sipsip balat waɗele daɗek danab amu eɗua medakkuoitte. Nug amu hekkunu iinab uuma,” awa aum.

2 Samuel 12:6 Referans Kwoze

Eksodas 22:1

“Am laa amu, danab laa nug danab laanu makau okkai ebehi ele, o sipsip yab awa, qeeb mauhkku dayeb, o nug heeb, danab laa daden mekku dayeb amu, aria ag heppeg, nug doɗ amu mameg nug makau okkai ebehi ele yab awomnu nob am makau tanig ele metta, o nug sipsip yab awomnu nob amu, nug sipsip waɗele doɗ mameg mettaɗ!

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.

Prowerb 6:31

Ag nuhignu anam ii doomna, amge ag nug anam heebeb anidkkulag dayeb amu, epeɗiak danab ag heppeg, yab danab nug aɗi keeke awom amu, nug keeke amunu daden maknu nob, aria nob amubianab eblaih laippu ele laa ele eɗua, keeke mameg medakkunu akkulag. Yab danab nug nob amu mekkunu nug keeke nuhig oh meeb, laa daden metteb, keeke mameg medakku dayeb amu, anamib hekku. Nug iinab tippalma.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Eksodas 21:34

aria, danab nug moɗ oɗe hamu, tonak iitta daakkunu heum ele, nug doɗ amu mameg daden mettowa, doɗ mauhom ele amu, nug doɗ amu awaɗ!

Lewitikas 6:5

O nug aɗi keekenu hambuppuak nai ɠagattag qetta ana awom amu, nug amu ele eɗua mameg medakkuoitte. Nug keeke amu ohppanu keeke nuhig daakkunu ii daatte ele amu eɗua, laa nuhigppanu awom amu, nug keeke amu, aria maha laa ele, 20 pesent tuɗitta medakkuoitte. Nug keeke amu deɗ nug eheɗ haknu ofa hekku amu, nug deɗ amuppa keeke amu eɗua medakkuoitte.

Nehemaia 5:11

Amge anamib iitta. Ag laa ag amu heppig ele amu, ag paha eɗun, ahilkad wan, ahilkad grep dad, ahilkad olip dad, ag laulkad ele, ag amu dilag keeke amu lonnu onig awak daye aoppig ele amu, ag eɗun paha matteg! Ag amu mattanna, ag aɗi lon mattan, dimppa eɗun, lonnu intres, ag amu ele aoppig, ag tuɗittak amu ele eɗun matteg! Ag tuɗittak amu men doɗoppanu aoppigtai, o ee aegppanu aoppigtai, o wain bauppanu aoppigtai, o goɗenppanu aoppigte amu, ag men doɗo, o ee aeg, o wain bau, o goɗen amu oh, ag amu eɗun, daɗek matteg!” awe ami.