2 Samuel 12:16 - Nobonob Baibel

¹⁶ Oɗe me, Dawit nug Kayak heeb, nid amu eɗua ena daakkunu oo doyakppa unuqittom. Nug ee oh lanaknu kud ma dayaya, tuqan ohppa nug laug oo laa, nug amuppa wanppa niiom.

2 Samuel 12:16 Referans Kwoze

2 Samuel 13:31

Nug anam a, Dawit doya, nug hibaitta aha, lamen pattiɗa, ukka wanppa niiom. Nug anam he, nuhig maɗi nid ag oh ele lamen pattiɗadna, nug talilidna hippaidna daappig.

Aposel 9:9

Ag aon noeg, nug deɗ ewam ii neekkom, ameg gatatuib dayeye, nug ee le ele laa ii laum.

Jona 3:9

Ig anam hepput, Kayak anikka, ihinignu oo bodoetta le meeb, ihinignu oo nauhak huanak uukkutai. Ig iitai mauhmata,” awa aum.

Aisaia 22:12

Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Sam 69:10

Haen da gayeye, kud daattem, haen amu danab ah laa ag dahilnu, “Keeke hamunab,” dootteb.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

1 King 21:27

Haen Ahap nug Elaiya nai mattiom amu doya, nug eheɗ heum amu doya, nug nuhig lamen patiɗa, nug lamen heɗiag ele awa takka, nug ee ohnu ele kud dayom. Tuqan ele nug lamen heɗiag eleppa niiom. Nug dada danab kobol uua autanab awa, nukka onig qe ne oiyom.

2 Samuel 12:22

Ag anam oɗ mettaeg, Dawit nug amelagppa aum. “Nid amu nug bau dayeye, da, ‘Yawe Nug dahilnu oo gai-iitta doya oo meɗa ehaniɗeb, nid iitai mauhkku,’ dabmemi amunu, da ee ohnu kud mein daye gaami.

Aisaia 26:16

O Yawe, nahipad danab ah ag uug nau doon oippig, haen amuppa ag na mattidppig. Ao, na ag toliadna, bu mattaeye, ag ɠagattag iitta daan, otiptippaib na unuqidppig.

2 Samuel 12:15

Natan anam ana mala aha, lakka ukke, Yawe Nug he, Dawit bekka Uraia wau menuom amu, nug oɗe meum.

Nehemaia 1:4

Ag anam aeg, haen da amu doyen amu, da uug okkai doyeye, da heɗep nein dayeye, da gaami. Da amu hein, deɗ gane da mahiak heinne, da ee ohnu kud mein dayeye, da Kayak hab attannu unuqidmi.

Daniel 6:18

Anam daye, king nug eɗua, nuhig lag enanagnabppa ukka, nug tuqan amu ee laa ii laum. Nug danab, o ah ag ahi keeke edappeg, ena dookkunu ele uuom. Nug niikkun elele iitta.

Josua 7:6

Anam be, Josua nug Israel dilag ikki danab ele ag uug nau doon, ag lamen ahilkad pattiɗna, ag gappud ikkilkadppa mena, ag ahan gona, paha Yawenu Tituanak Nainu Kunup noobppa gatelag qaun o, gomelna, ag iɗulag wanppa mena daaeg ukke, uudoum.

Daniel 9:3

Da amu doomi amunu, da Naɗi Kayak dabmein, da ee ohnu kud mein dayeye, da lamen heɗiag ele takken, da uhuɗppa dayeye, da Naɗi Kayak oo doyak ele unuqidmi.