2 Samuel 10:19 - Nobonob Baibel

¹⁹ Dawit nug Aram dilag daup huanak anam aqe, king laa oh ag Hadateser waappa daan, nug ehanidppig ele, ag amu anidna, ag Israel ele maɗoɗ daaglagnu nai qagappig. Ag nai amu qakkan, ag Israel waappa daappig. Anam amunu, Aram danab ag baula Amon ehanadkkulagnu baɗappig.

2 Samuel 10:19 Referans Kwoze

2 Samuel 8:6

Dawit nug anam ha, nug he, nuhikkud daup laala ag Aram dilag wanppa daaegeg, Aram ag nug waappa daanna, en takis bia, hanhan Dawit medattappig. Aben ohppa Dawit nug appa ukka, ban heum ele amu, Yawe Nug he, Dawit nug nuhikkud kekeɗ eɗattom.

Revelesen 18:10

Ag piɗe daanna, nuhig guittak amunu baɗana akkulag. ‘O gadonnab gadon; gadonnab gadon Babilon! Na aab okkai, na ɠagattag okkai ele, amge aua laippuppaib nahip hipuninnu nob nau aakku neum,’ aon akkulag.

Daniel 2:37

O king, na am wanppan king laa oh eɗattak daattem. Kayak, hab attan daatte, Nug na king daakkutnu tituanitta, Nug ɠagattag, ebehi okkai, binag amahlak oppiaawak ele na metta,

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

1 Stori 19:19

Dawit nug Aram dilag daup huanak anam aqe, king laala ag Hadateser waappa daan, nug ehanidppig ele, ag amu anidna, ag Dawit ele maɗoɗ daaglagnu nai qagappig. Ag nai amu qakkan, ag nug waappa daappig. Anam amunu, Aram danab ag baula Amon ehanadkkulagnu uuppig.

1 King 20:1

Aria, haen amuppa amu Benhadat, nug am Aram dilag king, nug daup nuhikkud oh qagmaatta, nug a, king 32 laa, ag nug waappa daanna, nug ehanidppig ele, king amu oh ahilkad daup ele, ahilkad hos, bannu karis ele, ag oh ahaeg, Benhadat aɗi ele ag oh gona, Israel dilag aab okkai Samaria oo mattan, aqaglagnu daan, Israel dilag daup ele ban heppig.

Ikki Danab 1:7

Ag amu heeg, dimppa Adoni Besek nug aum. “Da king 70 ele ban heta eɗatte, ag eppelkad tanig, amu baelkad tanig ele otaɗadmi. Da amu hein malai amu, ag ee huppu dahil balal waappanu amu lappig. Gemu Kayak Nug da ahilagppa heminu noob meɗom,” awa aum. Am Juda, Simeon danab ele ag nug aon Jerusalem ukkaeg, nug appa mauhom.

Josua 11:10

Aria, Josua nug kekeɗ lamattaknu eɗua uɗia, nug aab Hasor eɗitta, nug Hasor dilag king qep elabppa qeum. Aɗinu? Hasor am kekeɗ haen amuppa ban heppig ele amu, am ahilkad aab okkai dilag aab anuqak dayom.

2 Samuel 8:3

Am Dawit nug Rehop bekka onig Hadateser, nug am Soba dilag king amu, nug nug ele ban hepiɗ. Haen Hadateser nug wan laa le onig Yupretis guguittak dayom eɗua gumakkunu nug nuhikkud daup ele appa ukkaegeg amu, Dawit nuhikkud daup ele ag ukkaeg, ag ele ban heppig. Ag appa ban hena, Dawit nug Hadateser eɗittom.